"Жаңа технологияның тиімді әдіс -тәсілдері арқылы оқушылардың функционалдық сауаттылықтарын дамыту / шығармашылық есеп /

Жарық ЖОББ мектебі

 

Есеп беруші:   Г.К.Алтайбаева бастауыш сынып мұғалімі

2016-2017 оқу жылы

Жаңа технологияның тиімді әдіс -тәсілдері

арқылы оқушылардың функционалдық сауаттылықтарын дамыту

/ шығармашылық есеп /

Мақсаты:

Сапалы білім беруде жаңа технологияның әдіс-тәсілдерін тиімді пайдалана отырып,оқушылардың ізденімпаздық, зерттеушілік, шығармашылық, көшбасшылық қабілеттерін дамыту. Ата-ана, мұғалім және оқушы арасындағы ынтымақтастықты қалыптастыра отырып, білім сапасын арттыру.

Міндеттері:

1. АКТ және СТО бағдарламасының тиімді әдістерін пайдалану арқылы білімге деген қызығушылығын арттырып, танымдық қабілеттерін дамытуға жағдай жасау. Өз ойын еркін айтуға мүмкіндік жасай  алатын орта туғызу.

2. Оқушы жүрегіне жол табу арқылы сабақтардың әрбір сәтін қызықты, ұтымды өткізу. Оқушыларды тек берілген мәліметті тыңдаушы емес ізденуші, зерттеуші өз ойын еркін дәлелдей алатын, пікірін ортаға сала білетін жеке  тұлғаны қалыптастыру. Оқушының  бойындағы ынта-ықыласын жойып алмай,  жеке дара қабілетінің   дамуына  мүмкіндік жасай отырып, қабілетін  дамытып, шығармашылығын шыңдау.

3. Оқытудың жаңа  технологияларын қолдана отырып,  жеке, жұпта, топта жұмыс істеу  барысында мұғалім мен оқушының ынтымақтастығын қалыптастыру, оқушылардың ойына ерекше құрметпен қарау. Оқушыларды өзін-өзі қадағалай алатын, іс-әрекетін ретімен орындап, өзін - өзі жетілдіретін шығармашыл, ізденімпаз, көшбасшы  тұлға қалыптастыру.

Тақырыптың  өзектілігі:

Оқушылардың функционалдық дамуы туралы мәселе алғаш рет Н.Ә.Назарбаевтың 2012 жылғы 27 қаңтардағы Қазақстан халқына «Әлеуметтік-экономикалық жаңғырту – Қазақстанның дамуының негізгі бағыты» Жолдауында көрсетілген болатын. Осы мәселені шешу үшін бес жылдық Ұлттық іс-қимыл жоспарын қабылдау туралы нақты тапсырма қойылған болатын.

Ұлттық жоспардың мақсаты – Қазақстан Республикасындағы мектеп оқушыларының функционалдық сауаттылығын дамыту үшін жағдай жасау. Тек біліммен қаруландырып қана қоймай, өздігінен білім алуды дамыта отырып үздіксіз өз бетінше өрлеуіне қажеттілік тудыратын жаңа технологияларды қолдану.

Тақырыптың  тиімділігі:

Ақпаратпен жұмыс істей алу білімін қалыптастырады және қатынас жасау қабілетін туғызады.

•         Жаңа таным құралдарын пайдалануға және ұйымдастыруға жағдай жасайды.

•         Білім беруді ақпараттық тұрғыдан қамтамасыз етеді.

•         Оқушылар өзіне қажетті ақпаратты жедел түрде алады.

•         Білім сапасын арттыруға септігін тигізеді.

•         Оқушылардың танымдық қызығушылығын арттырады.

•         Оқытудың ой - өрісін , дүниетанымын кеңейтеді.

•         Алған білім негізін дамыта отырып оқушының шығармашылық деңгейін шыңдап, жетістіктерге жетуіне көмектеседі.

Жаңа ақпаратты жинақтап салыстырып, жүйелеп, нақты қорытынды жасап. дәлелдейді,.

•         Алған білімін талдап,жинақтап, жүйелілік қалыптастырады.

•         Ақпараттық қоғамның негізгі талабы – оқушыларға ақпараттық білім негіздерін беру, логикалық құрылымдық ойлау қабілеттерін дамыту, ақпараттық технологияны өзіндік даму мен оны іске асыру құралы ретінде пайдалану дағдыларын қалыптастырып, ақпараттық қоғамға бейімдеу.

•         Ақпараттық құзырлылық  – бұл оқу, тұрмыс және кәсіби бағыттағы міндеттерді шешуде ақпараттық-коммуникациялық технологияның мүмкіндіктерін жан-жақты қолдану қабілеті.

•         Функционалдық сауаттылық – адамның сыртқы ортамен қарым-қатынасқа кіру қабілеттілігі және аса тез бейімделуі мен жұмыс істеуі. Тұлғаның оқу, ұғыну, қысқа мәтіндерді жасау және жеңіл арифметикалық амалдарды орындаудағы қарапайым сауаттылығына қарағанда тұлғалық сауаттылықтың айырмашылығы тұлғаның нақты мәдени ортада тіршілік ету үшін минималды қажетті болып саналатын әлеуметтік қарым-қатынас жүйесінде тұлғаның қалыпты жұмыс істеуін қамтамасыз ететін біліктілік, икемділік пен дағдылар, яғни функционалдық сауаттылық болып табылады.

Оқушылардың білім жетістіктерін зерттеу негізгі үш бағыт бойынша жүзеге асады: «математикалық сауаттылық», «жаратылыстану сауаттылығы» және «оқу сауаттылығы».

Оқу сауаттылығы – жазба мәтіндерді түсіну, өз мақсатына жету үшін оның мазмұнын қолдану, қоғам өміріне белсенді қатысу үшін білімі мен мүмкіншіліктерін дамыту қабілеті .

Математикалық сауаттылығы – өзі өмір сүріп жатқан әлемде математика рөлін анықтау және түсіну, жасампаз, мүдделі және ойшыл азаматқа тән дәйектелген математикалық пікір айту және математиканы қазіргі таңда және болашақта қажеттілікті қанағаттандыру үшін қолдана алу қабілеті.

Жаратылыстану-ғылыми сауаттылығы – нақты жағдайларда ғылыми әдіс көмегімен шешілетін және зерттелінетін проблемаларды анықтау үшін, тәжірибе мен бақылау негізінде қорытындыға қол жеткізу үшін жаратылыстану білімін қолдану қабілеті. Бұл қорытындылар қоршаған ортаны және оған адам ісімен енгізілетін өзгерістерді түсіну үшін, сонымен қоса тиісті шешімдерді қабылдау үшін қажет.

Оқушылардың функционалдық сауаттылығын дамыту жөніндегі ұлттық іс-қимыл жоспарында көрсетілген мәселелерді шешуде мұғалімнің атқарар рөлі зор.          

          Мен «Жаңа технологияның тиімді әдіс –тәсілдері арқылы оқушылардың функционалдық сауаттылықтарын дамыту» мәселесі бойынша жұмыс атқарудамын. Сабақ өткізу кезінде оқушылардың ой-өрісін дамытып, логикалық ойлау қабілеттірін, өз көзқарасын қалыптастыруға айрықша көңіл бөлдім. Мен өзінің теориялық білімін, әдістемелік қабілетін арттырып отырамын. Сабақта тіл байлығын дамыту үшін- ақпараттық-коммуникациялық технологиялардың элементтерін, интерактивтіоқыту, деңгейлеп оқыту, проблемалық оқыту технологиясын қолданамын. Әр түрлі технологияларды қолдану нәтижесінде оқушылардың білім сапасын арттыра біледі.

         Бағдарламаның жеті модулі тізбектелген сабақтар топтамасында қалай қамтылған. Диалогтік оқытуды қолдана отыра, оқушылардың сөздік қорын молайтады. Сабақ өткізу кезінде оқушылардың ой өрісін дамытып, шығармашылық қабілеттерін арттыруға айрықша көңіл бөлінеді. Сабақтарымда оқушыларға ойын дамытатын тапсырмалар беріп, олардың ойлау деңгейлерін арттырып, сойлеу дағдыларын қалыптастырдым. Сабақ кезінде оқушылардың бір-біріне сұрақ қойғаны дұрыс деп есептеймін. Себебі балалар сыныптастарының қойған сұрақтарына қызығушылықпен жауап береді. Сабақта қолданылған диалогтік әдіс-тәсілдер оқушылардың пікір алмасуына, басқаны тыңдай білуіне үлкен көмегін тигізеді.

          Дәстүрлі сабақтарда оқушылар тыңдап қана отырса, өзгертілген сабақта барлық оқушылар сабаққа қатысып, топпен жұмыс істеп сабаққа белсене қатысты, тыс қалған бала жоқ. Сабақтардан байқағаным сыныпта ынтымақтастық атмосферасын құру кезінде топқа бөлінгенде топ ережесін құрастырғанда, постерлер құрастырғанда оқушылар тапсырмаларды өте қызығушылықпен орындайды.

         Менің оқушыларым облыстық, республикалық, халықаралық конкурстың және пәндік олимпиадалардың қатысушылары болып, жүлделі орындарға да ие болып жүр.

        Өз жұмыс тәжірибеммен мектептегі әріптестеріммен бөлісіп отырамын, үнемі әдістемелік көмек беруден жалыққан емеспін.

Сонымен, Елбасының «Әлеуметтік-экономикалық жаңғырту – Қазақстан дамуының басты бағыты» атты Жолдауындағы оқушылардың функционалдық сауаттылығын дамыту үшін әр мұғалім өз үлесін қосуда.