Жалпы және жалқы есім. 2-сынып

Тақырыбы: Жалқы есім және жалпы есім

Мақсаты: жалқы есім және жалпы есім туралы түсінік беру; жаттығулардан жалқы есімдерді тапқызу арқылы оқушылардың ойлау қабілеттерін арттыру.

Көрнекілік: Қазакстан картасы, батырлардың портреттері.

Сабақтың барысы:

Бекіту сабағы.

1-жаттығу.

Жаңылтпашты көшіріп жазып, жалқы есімдерді тап. Жаңылтпашты жаттап ал.

- Айдарбек

Бұзауды байлар, - деп

Айтып кетті

Айбар мен Жайнар кеп.

2- жаттығу. 

Сөйлемдерді оқы. Жалқы есімдерді тауып, бас әріппен жаз.

Жетісу – Қазақстанның оңтүстігіндегі жеті өзеннің аты. Олар – іле, шу, тентек, қаратал, ақсу, лепсі, көксу.

3- жаттығу. 

Сөздерді оқы. Жалқы есімдер мен жалпы  есімдерді  екі  бөліп жаз. Өзің қалаған төрт сөзді пайдаланып сөйлем құрастыр.

Ержан, терезе, күрек, Ақтөбе, айна, Болат, көше, қаймақ, Шымкент, қарындаш.

4- жаттығу. 

Мәтінді оқы. Жалқы есімдерді теріп жаз.

Бөрте мен Нұржан

Нұржанның әкесі Қаратау бойынан тауешкі лағын тауып әкелді. Лақ Нұржанға қатты ұнады. Әкесі Нұржаннан:

-       Мұның атын кім қоямыз? – деп сұрады.

-       Бөрте қояйық, - деді Нұржан.

Содан бастап Нұржан Бөртемен достасып алды. Жем, су береді, кейде қант та береді. Бөрте тәттіні қатты ұнатады.

5- жаттығу. 

Өлеңді жатқа жаз. Жалқы есімнің астын бір рет, жалпы есімнің астын екі рет сыз.

Астанамыз көрікті,

Қонақ таң боп көріпті.

Есіл ағар еркелеп,

Шамдар нұрын төгіпті.

ҮІ. Сабақты қорыту.

Сабақты қорытындылау, үйге тапсырма беру, оны түсіндіру. ҮІІ. Бағалау.