Жаратылыстану . Тақырыбы: «Көп ұлтты Қазақстан»

Пән: Жаратылыстану

Өтпелі тақырып: Бір шаңырақтың астыңда

Тақырыбы: «Көп ұлтты Қазақстан»

Мақсаттары:

    1.Тәрбиелік:  Мейірімділікке,шынайылыққа,адалдыққа тәрбиелеу.

    2.Дамытушылық: Ой-өрісін,сана-сезімін,дүниетанымын дамыту.

    3.Оқыту:  Қазақстандағы ұлт өкілдері  ,олардың   мерекелері  мен тағамдары,ұлттық

     киімдері және  қолөнер туындылары жайлы   мағлұмат беру.

Педагогикалық технологиялар: ойын технологиясы, әңгімелеу;

Ресурстармен қамтамасыз ету: Қазақтың ұлттық киімдері мен тағамдарының суреттері.

Сөзді жұмыс: қазы, шұжық, құрт, қымыз, бүрмелі көйлек, саптама етік, кимешек.

Белингвалды  компонент: ұлттық киім-национальнаяодежда;

Ұйымдастырылған оқу қызметінің барысы

І.Ұйымдастырушылық  кезеңі (2 мин)

Балалар, біз қай Республикада тұрамыз?

-Республикамыздың Елбасы кім?

- Біз сіздермен қай қалада тұрамыз?

-Еліміздің рәміздерін кім атап береді?

-Туда не бейнеленген?

-Туымыздың түсі қандай?

-Неге ұқсайды?

-Елтаңбада не бейнеленген?

-Өте жақсы, жылдам жауап бердіңдер, рахмет сендерге.
ІІ. Негізі бөлімі

1.Әңгімелесу

Алдарыңда әртүрлі ұлттардың киімдері мен тағамдары бейнеленген карточкалар жатыр, сол карточкалардың ішінен қазақтың ұлттық киімдерін және ұлттық тағамдарын тауып орналастыруларын керек.

Балалар қазақтың ұлттық тағамдарымен танысады.

Сөздік жұмысы:

Бауырсақ, қазы, шұжық, құрт, қымыз сөздері 3-4 рет қайталайды.

2.Сергіту  сәті:

Ортақ болсын асқар тау,

Жеміс толы бақша-бау.

Болсын жер мен су да ортақ,

Болсын кең де, көл де ортақ.

Ақпыз, қара, сарымыз,

Ағайынбыз бәріміз.

3. Біздің Республикамызда мемлекеттік тіл –қазақ тілі.

-Яғни, біз дүкенде, ауруханада, далада қазақ тілінде сөйлеуіміз керек.

-Ал орыс тілі бізде –ресми тіл.

-Өзге ұлттармен орысша сөйлесеміз.

-Ағылшын тілі –бизнес тілі.

-Шетелде қолданады.

-Балалар, біздің Республикамыз көп ұлтты мемлекет. Біздің тәуелсіз мемлекетімізде қөп ұлт өкілдері өзара бірлік, татулықта өмір сүріп жатыр. Достықтың арқасында бір шаңырақ астында, тату-тәтті өмір сүруде.

-Сендер қандай ұлт өкілдерін білесіңдер? -Балалар, әр ұлттың өз киімдері болады, ұлттық тағамдары, ұлттық ойындары болады.

-Қазақ халқының ұлттық киімдері олар: шапан, бүрмелі көйлек, камзол, тақия, кимешек, сәукеле. Қыста –тұлып, бөрік, тымақ, саптама етік. Қысқы киімдердің бәрі аң терісінен жасалған.

-Қазақ халқының дастарханы көбінесе ет пен сүт тағамдарынан тұрады. Жылқы, қой, сиыр етінен пісіріледі. Жылқы сүтінен-қымыз, түйе сүтінен-шұбат, сиыр сүтінен-айран, қатық, құрт және сусын көже жасалады.

-Балалар, біздің топта да басқа ұлт өкілдері бар ма?

-Анастасия өзіңді таныстырып өтсең.

-Гүл –ол Украин ұлтына тәрізді. Яғни Украин халқында киімдері гүлдермен әшекейленеді екен.

Ал қазақ халқының киімдерді оюмен әшекелейді.

-Иә, балалар, бір топта қанша ұлт өкілдерінің балалары болсақ та, біз бір-бірімізбен тату-тәтті тұрамыз.

-Ал енді соған байланысты мақал-мәтел айтсақ:

* Ырыс алды-ынтымақ.

* Бірлік болмай, тірлік болмас.

- ІІІ. Қорытынды (2 мин)

Бәйтерек – ол қасиетті ағаш.

-Сол бәйтерек ағашы бүгін біздің топта да бар екен.

-Ал, кәнекей балалар, «Тілек ағашына» тілектерімізді айтып, жіптерімізді байлайық, сонда біздің тілектеріміз орындалады.

-Елімізде тыныштық болсын!

-Көк туымыз биік болсын!

-Жеріміз бай болсын!

-Нанымыз көп болсын!

-Бәріміз күндей жарқырайық!

-Бәріміз дос болайық!

-Деніміз сау болсын!

-Ата-анамыз аман болсын!

-Еліміз тыныш болсын!