Жат діннен сақтан, жасөспірім!

Тақырыбы: Жат діннен сақтан, жасөспірім!

Мақсаты:  

Дәстүрлі діндердің құндылықтары мен қасиетін түсіндіру және діни сенімдерді насихаттау, теріс пиғылды діни ағымдар бойынша діни терроризм мен эктремизмнің алдын алу.

Жастар санасына және қоғамға ірткі салатын дәстүрлі емес, теріс пиғылдағы, деструктивтік діни ағымдардан сақтанудың жолдарын оқушылар санасына ұғындыру.

Көрнекілігі: Суеттер, мәнжазбалар.

Қанатты сөздер:         Жат діннен сақтан, жасөспірім!

Түбіміз – Түрік,

                                      Тіліміз – Қазақ,

                                      Дініміз – Ислам!

         1. Діннің адамзат тарихында алатын орны ерекше. Өз тарихында діни санасы болмаған халық жоқ. Сонымен бірге дінге деген көзқарастар да әр дәуірде, әр қоғамда әрқилы болып келген. Сондықтан дін дегеннің не екенін, оның қысқаша тарихын танып, білу әрбір оқушыға мәдени қажеттілік. Егемен ел атанған Қазақстан мемлекетінің азаматтары үшін бұл қажеттіліктің өзіндік ерекшеліктері де жоқ емес. Елімізде жүзден астам этностар мен ондаған діни конфессиялар бар. Ислам және православие діндеріне сенетін халық саны республикада басым болғанымен, қоғам өмірінде өзге діндер ықпалы да айтарлықтай.                                                                                      

Дін – қоғамның рухани өмірінің маңызды саласы. Ол Құдай мен адамның байланысы арқылы адам өмірінің мәніне айналған сана формасы. Бұл мәнде дін қай халықтың болмасын мәдениетінің рухани негізі. Дін адамдардың жеке сеніміне қатысты анықталғанымен, оның белгілі әлеуметтік топтарда және қоғамда алатын орны ерекше.

Дінді философиялық-әлеуметтік тұрғыдан түсіну дегеніміз – оның қоғамдық сана мен дүниетанымның формасы, діни мәдениет, белгілі әлеуметтік жағдайда қызмет атқаратын құбылыс екендігін мойындау.

         2.Ресми дереккөздерден алынған мәліметтерге сүйенсек, Қазақстан халқының 70 пайызы – мұсылман, 22 пайызы – христиандық православие дінін ұстанушы ұлт өкілдерінен, қалған 8 пайызы - әртүрлі діни ағымдарды ұстанатын адамдардан құралған. Діни фактордың барған сайын қоғамдағы ішкі үдерістерге пәрменді күшке айналып келе жатқаны күн өткен сайын анық байқалуда. Осындай жағдайда еліміздің жас жеткіншектерінің парасатты ой - өрісінің, ізгілікті сана – сезімінің, жоғары рухани – адамгершілік қасиеттерге, гуманистік дүниетанымға негізделген толерантты тұлғасының қалыптасуына жағдай жасау, қауіпті діни ағымдар менэкстремистік топтардың ықпалынан қорғау маңызды болып отыр. Сондықтан елімізде өзара түсіністік пен дінаралық татулықты сақтай отырып мемлекеттілікті нығайту және отаншылдық сезімді күшейту үшін өскелең ұрпаққа дәстүрлі діндер, олардың рухани құндылықтары және шығармалары, халқымыздың рухани қазынасына айналған дін ғұламалары жайлы ғылымға негізделген білім жүйесін беру, оқушылар бойында теологиялық сауаттылықты қалыптастыру аса өзектілікке ие.

Негізгі бөлім:

1-оқушы: Біріншіден, мемлекеттің ішкі қауіпсіздігіне зиян тигізу. Қайсы бір сектаны алатын болсақ, ешбірі қазақтың мұңын мұңдап, күйін күйттеу үшін келмегені анық. Түрлі сектаның жетегіне кету арқылы отбасын ойрандатып, қоғамды шулатып, тыңшылық, экстремистік, террорлық іс – әрект жасап, мемлекеттің ішкі қауіпсіздігіне орасан зиян тигізуі бек мүмкін.

         2 – оқушы: Екіншіден дамыған немесе даму үстіндегі тыныш жатқан бір елді тоқырауға жіберудің бір тәсілі түрлі діни ағымдар арқылы қоғам ішінде іріткі тудыру. Мәселен, ислам әлемінің тарихына қарасақ, дұшпандары майданда жеңе алмаған соң мұсылмандарды әлсірету үшін түрлі теріс ағымдарды қолдан жасап, мұсылман жамағатын дүрдараз етіп, ынтымақ пен бірлікті ыдыратып, мемлекетті әлсіреткен.

         3 – оқушы: Үшіншіден, мемлекеттің болашағы білім мен ғылымға, экономика менкөреген саясатқа байланысты. Ал секталар білім мен ғылымға қарсы. Тәп – тәуір оқып жүрген студент сектаға кірген бойда оқуы нашарлап, тіпті тастап кетіп жатады. Себебі, оған мемлекеттің болашағы қажет емес.

         4 – оқушы: Төртіншіден, болашақ жастардың қолында деп білеміз. Олай болса, секталар біздің болашағымыз деп үміт артып отырған жастарымызды өз қатарларына тартумен келешекке қауіп төндіреді. Олардың жетегіне кеткен жастар еліміздің заңын құрметтемейді, әскерге бармайды, қолына қару алып отанын қорғамайды, салтымыз бен мәдениетімізге атүсті қарайтын болады. Сол себепті жастарымызды имандылыққа, ата – бабаларымыздың сан ғасырлар бойы ұстанып келеген асыл дініміз исламға баулысақ, түрлі жат ағымдардың жетегіне кетпейтін болады.Сонымен қатар иманды жас отанын, елін, жерін сүйетін, салт – дәстүрін, тілін, мәдениетін берік ұстайтын болады. Өйткені, Мұхаммед пайғамбарымыз (с.ғ.с): «Отанды сүю иманнан», - деген.

         5 – оқушы: Уақыт өте келе дінаралық қақтығыс  тудырады. Әлем оқиғаларына көз тіккенімізде дінаралық кикілжіңдер мен қақтығыстарға куә болып жатамыз. Әрине, 16 миллион халқы бар Қазақстанға 40 түрлі конфессия өте көп. Мысалы, соңғы уақыттарда кейбір отбасыларда әкесі бір дінді, баласы бір дінді, анасы бір дінді ұстанатын халге келдік. Алла сақтасын, осындай отбасыларда кикілжің туатын болса, әркім өз жақтастарын мәселеге араластырып, арты бітпес жанжалға ұласып кетуі мүмкін.

6 – оқушы: Соңғы жылдары елімізде дәстүрлі емес діни ағымдардың кесірінен орын алған бірқатар оқиғалар осының бір дәлелі. Мәселен, Қазақстанда кең қанат жайған «Иегова куәгерлері» әскерде қызмет етуге қарсы. Сондай – ақ олар мемлекеттік Әнұранымызды, мемлекеттік Туымызды мойындамайды. Сол сияқты, дәстүрлі медицинаны жоққа шығарып, тек дәстүрлі емес діни ұйымдарға ғана табынушылар көптеп кездеседі. Дәстүрлі емес діни ағымдармен күресу оңайлықпен шешімін табатын мәселе емес. Адам осындай жағдайдабұрын тәжірибесінде кездеспеген мәселемен бетпе – бет келеді. Соған орай, оны шешудің сенімді құралдарынан да бейхабар жандар мезгілсіз өмірімен қоштасқан азаматтардың қатары күрт көбейіп барады. Осының бәрі ой – санасы   тәуелді күйге түсудің салдарынан, түрлі секталарды әсерінен болып жатқаны анық.

7 – оқушы: Қазіргі таңда біздің мемлекетіміз көп ұлтты, демократиялық мемлекет болғандықтан дін мәселесі жөнінде барлық азаматтарға қай дінге кіруіне, қандай дінде болуына еркіндік берілген. Атап айтатын болсақ, дәстүрлі діндер мен барлық елімізде заңды әрекет етіп жатқан діндерді алғанда. Бірақ, елімізде, қоғамға ірткі салатын, мемлекетіміздің тәуелсіздігіне нұқсан келтіретін, жастар санасын улайтын сеталар әрекет етуде. Ондай секталардың жұмысына заң бойынша тыйым салынған.

Менің ойымша қазіргі кезде жастар мұндай діни ағымдардан өте сақ болуы керек. Себебі, мұдай діндерге кірген адам қайтадан шығуы өте қыйын. Өйткені, өздеріне тәуелді етіп, адам санасын тереңнен улайды. Ең дұрысы, жастарымыз өзіміздің дәстүлі Ислам діні шариғаты бойынша, парыздары бойынша жүрсе ешқашан шатаспайды, теріс жолға түспейді деп ойлаймын.

Оқушылар мен студенттердің деструктивтік діни бірлестіктерге кірмеудің жолдары туралы

                                                ЖАДНАМА

         Дәстүрлі дін мен дәстүрлі емес дінді қалай ажыратуға болады?

Әрбір діннің шығу тарихы мен негізгі діни ұғымдарының дамуы туралы мағлұматтарды анықтап, білгеннің өзінде діни уағыздарды тыңдау барысында «діни қауіпсіздік» мақсатында төмендегі ережелерді қатаң ұстанып, ақиқат сенім мен ақиқат діни жолды біз ғана білеміз дейтін «әулиелерге» сенім арпағаныңыз абзал.

Мектептің тәрбие ісі жөніндегі орынбасары Т.Сарсенова оқушыларды төмендегі ережелермен таныстырады.

Ереже:

1. Көшеде кетіп бара жатқаныңызда, бейтаныс адаммен діни тақырыпта әңгімелесуден бас тартқаныңыз дұрыс.

2. Егер әңгіме басталып кетсе, аты – жөнін сұрап, танысыңыз. «Біз – Христостың Шіркеуіміз» деген жауапты қабылдамаңыз.

3. Есіңізде болсын, көп жағдайда дәстүрлі емес діни миссиялар бүркемеленушіліктермен сипатталады. Мысылы, Сізді ағылшын тілінен тегін курстарға шақырып – Киелі Кітапты оқып, сол бойынша өмір сүруді насихаттайды. Мұндай әдістердің «экологиялық форум», «сырласу мектептері» және бүркеме ат жамылған т.б түрлері бар.

4. Сізге керемет мақтау, мадақтау сөздерді айтып, Сізді өздеріне, қауымына «байлап алу» тактикасын қолданады. Кейбір деструктивті діни ұйымдарда жаңадан танысқан адамдарға «махаббатпен жаулап алу» терминін қолданады. «Сіз ерекше дана адам екенсіз!», «Сіз өте жақсы киінеді екенсіз!», «Сіздің талғамыңызға біз бас иеміз!» т.б.

5. Белгілі бір діни бірлестіктің ғибадатына бармас бұрын, ата – аналарыңызбен, туған – туыстарыңызбен, Сіз үшін аса құрметті кісілермен ақылдасқаныңыз абзал.

Қорытындылау:

         Бігінгі бас қосуымыздың, яғни дөңгелек үстелді өткізудегі мақсатымыз, бүгінгі жастар, ертеңгі қазақ елінің болашағы сіздерді қазіргі сәттегі еліміздегі әртүрлі секталардан сақтану қажеттігі жайында мағлұматтар беру болатын. Сіздерді бүгінгі дөңгелек үстелімізден көптеген мағлұматтар алды деп ойлаймын. Ендеше, Ислам дініміздің іргесі берік болсын, басқа діни ағымдардан сақ болайық!