Желбіресін жеңіс туы мәңгілікү Тәрбие сағаты

   Батыс Қазақстан облысы, Орал қаласы

  № 43 орта жалпы білім беретін мектеп

  Бастауыш сынып мұғалімі

  Мырзашева Нұрсұлу Сағынқызы

  Сабақтың тақырыбы: Желбіресін жеңіс туы мәңгілік

Сыныбы: 3 «Б»				Күні: 24 сәуір
Сабақтың тақырыбы:				Желбіресін жеңіс туы мәңгілік
Мақсаты:				Ұлы Отан соғысы кезіндегі Қазақстандықтардың ерлігімен таныстырып,  адамгершілікке, отанын сүюге, оны қорғауға баулу.
Күтілетін нәтижелер:				А. Қойылымды орындап, топта жұмыстанады.  В. Зерттеушілік жұмысын жүргізе отырып, батырлардың ерлігіне        сипаттама береді. С. Жасалған жұмыс бойынша өзара бағалап, қорытындылайды.
Қажетті құрал-жабдықтар:				Итерактивті тақта,флипчарт, ресурс парақтары, тақырыпқа сай видеороликтер, қосымшалар.
Сабақ барысы:
Сабақ кезеңдері	Уақ.		Мұғалім әрекеті		Оқушы әрекеті
Кіріспе	3 мин 2 мин. 2 мин.		Патриоттық бағытта оздырылған әрбір шара Мемлекеттік Әнұраннан басталуы шарт. Қазақстан Республикасының Әнұраны орындалады. Сынып оқушылары сабаққа бастама ретінде келе жатқан жеңіс мерекесіне сай дайындаған құттықтау тілектерін жеткізеді. Қол шапалақтау. Топқа бөліну сәті. Топқа бөліну үшін қағаз қиықтары арқылы бір сөйлемді бірнеше бөлікке бөле отырып, оқушыларға тарату. Сол сөйлемді құрастыра отырып, 3 топқа бөлініп отырады. Топтық ережені қайталау. 1-топ:Мәншүк Жиенғалиқызы Маметова   Батыс Қазақстан облысы Орда ауданында дүниеге келген ,пулеметші. 2-топ:Әлия Нұрмұхамбетызы Молдағұлова  Ақтөбе облысы Қобда ауданы, Бұлақ ауданында дүниеге келген,снайпер. 3-топ:Хиуаз Қайырқызы Доспанова –Ұлы Отан соғысында «қанатты қыз» атанған жалғыз қазақ әйел  ұшқышы. -Оқушылар бұл сөйлемдерден нені ұғуға болады? (ой-түрткі)		Сыныпқа қонақтар жайғасқаннан кейін түгел тұрып, оң қолымызды жүрек тұсына қойып Әнұранды орындаймыз. Мадина:   Адамзат тарихындағы ең сұмдық соғыстың болып өткеніне 70 жыл толды. Бірақ Ұлы Жеңістің ұмытылмайтыны сияқты, соғыс та ұмытылмастай ізін қалдырды. Жеңіс күні – бұл сан мыңдаған ұрпақ үшін ортақ мереке.  Дамир: Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ. Саламат:  Туған елдің тәуелсіздігі мен бостандығы үшін жанын қиған боздақтарымызды мәңгі есте сақтаймыз!Отан үшін отқа түсіп, қан майданнан аман оралған қандастарымыздың алдында бас иеміз! Дильназ: Бүгінгі мамыражай тыныш өмір аталарымыз қалыптастырған берік бірлік нәтижесінде келді. Әуеде ұшқыш, жерде танкист, теңізде – теңізші, окопта әскер, блиндажда байланысшы және тылда еңбеккер – бәрі де Ұлы Жеңіс үшін қараниет арам пиғылды фашист оғына өз кеудесін тосты. «Отан» атты ыстық ұғым, тәтті сөз қарсы келген дұшпанға қаймықпай қарауға жігер берді. Ер жігіттің құл болмай, ару қыздың күң атанбай, халықтың бірлікте өмір сүруі нақ солардың арқасында! Бекнұр: Уақыт өткен сайын кешегі күндей күркіреп өткен сұрапыл соғыстың дүрбелең оқиғалары да арасын аулақ салып, алыстап барады. Бірақ қаншалықты алыстағанмен ол көңілден кетіп, жүректерден өшпек емес. Өйткені ол соғыс қаншама ұрпақты қайғы-қасіретке душар етіп, өмірін өксітіп кетті. Алинұр: Сол соғысты майданның алдыңғы шебінде жүріп басынан өткергендер де, солардың тілеуін тілеп, тылдағы бар ауыртпалықты иығымен көтерген ардагерлер де, соғыста ата-анасынан айырылып, жетімдік тауқыметін тартып өскендер де бүгінде арамызда жүр.
Тұсау кесер	1 Мин 2 мин		Сабақтың мақсатын оқушылармен бірге ашу.  Сабақтын табыс критерилерін анықтау: 1. Бұл сабақта Ұлы Отан соғысында ерлік көрсеткен қазақ батырлары туралы түсінік аламыз. 2.  Сахналық қойылым көрсетеміз. 3. Топтық жұмыс орындап, жұмысымызды бағалаймыз. Мұғалімнің сөзі: Фашистік Германия 1941 жылы 22 маусымда соғыс жарияламастан, тұтқиылдан КСРО-ға шабуыл жасады. Кеңес Одағының Ұлы Отан соғысы басталды.Тарихта Ұлы Отан соғысындай қасіретті соғыс болған емес. Соғыста 27 миллионнан астам кеңес адамы қаза тапты. Соның ішінде 410 мыңы Қазақстандықтар болатын.Ұлы Отан үшін шайқаста ерлік көрсеткен батырлар:  Бауыржан Момышұлы, 316 атқыштар дивизиясының командирі. Төлеген Тоқтаров,Талғат Бегильденов, Сұлтан Баймағамбетов, Мәлік Ғабдуллин, Қасым Қайсенов, Мәншүк Мәметова, Әлия Молдағұлова,Хиуаз Доспанова, Рахымжан Қошқарбаев, т.б батырлардың ерлігі өлшеусіз.		Оқушылар тыңдап, сауалдарға жауап беріп, толықтырып отырады.
Негізгі бөлім:	2 мин 3 мин. 3 мин. 3 мин. 15 мин. 6 мин		1.«Қазақстандықтар Ұлы Отан соғысында » атты бейнефильм көрсетіледі. Сабақ барысында оқушылардың жауаптарына қарай «Жарайсың» , «Тамаша», «Керемет», «Ия, өте жақсы жауап» деген сөздермен қолпаштап отырамын. 2. Ән: «Соғыстан қайтқан солдаттар» 3. «Желбіресін жеңіс туы мәңгілік!» атты сынып оқушыларының қатысуымен түсірілген шағын бейнефильмді тамашалап, талдау 4. Топтық жұмыс. 1.  Мәншүк Маметова туралы зерттеу жұмысын жүргізіп, постермен жұмыс жасайды. 2. Әлия Молдағұлова  туралы зерттеу жұмысын жүргізіп, постермен жұмыс жасайды. 3. Хиуаз Доспанова  туралы зерттеу жұмысын жүргізіп, постермен жұмыс жасайды. 4. Топтық жұмысты қорғау.				Оқушылар бұл  бейнефильмді  «Штурман-пилот» тәсілі арқылы жұпта талдайды.   Сырбай Мәуленовтың «Соғыстан қайтқан солдаттар» әнін төрт оқушы орындап, қалған  оқушылар  мәтін  мазмұнына байланысты көрініс көрсетеді. Топта оқушылар әрқайсысы өз міндеттерін атқарып, жұмыстанады. Топ спикерлері жұмысты тақтада қорғайды.
Қорытынды:	1 мин 2 мин	Бағалау: Топтар бірін-бірі «Екі жұлдыз,бір ұсыныс» арқылы бағалайды. Рефлексия: «Кері байланыс күнделігі»: 1.Бүгінгі сынып сағаты сендерге ұнадыма? 2. Қай тапсырма сендерге қиындық       туғызды? 3.  Қай тапсырма оңай,  қызықты болды?