"Жердің халқы" 6 сынып. География

Пән мұғалімі: Казенова Асем Нуриденовна

Күні: 11.05.2015ж

Уақыты: 12.45-13.30

Сыныбы: 6 «А»

Пәні: География

Тақырыбы: Жердің халқы

Мақсаты:

·        Білімділік: Жер бетіндегі халықтар, нәсілдік топтар туралы мағлұмат беру.  Олардың алғашқы мекендері жайлы және демография ғылымы нені зерттейтіні жөнінде сипаттау.

·        Дамытушылық: Демография туралы білімдерін дамыту, сыни-тұрғыдан ойлауға баулу, белсенділік қабілетін дағдыландыру.

·        Тәрбиелік: басқа ұлттармен тату болуға, ұлттық келісімді сақтауға, топта бірігіп жұмыс істеуге шақыру.

Қолданылған модульдер: «Оқыту мен оқудағы жаңа тәсілдер», «Сыни тұрғыдан ойлауға үйрету», «Оқушылардың жас ерекшеліктеріне сәйкес оқыту және оқу», «Оқыту үшін бағалау және оқуды бағалау».

Стратегиялық іс-әрекеттер: «Шаттық шеңбер», «Ыстық орындық», «Миға шабуыл» «Кластер»,  «Кері байланыс».

Уақыты	Жоспар мазмұны	Мұғалімнің іс-әрекеті	Оқушының іс-әрекеті	Бағалау	Дереккөздер
2 минут	Кіріспе А) Психологиялық ахуал  «Шаттық шеңбер» стратегиясы	Психологиялық ахуал қалыптастыру үшін мұғалім оқушылармен амандасады, сергіту сәтін жасайды.	Оқушылар сергіту сәтін жасайды, топтарға бөлінеді.	«Жақсы»
7 минут	Тұсаукесер А) «Ыстық орындық» стратегиясы	Мұғалім әр бір топтан кезекпен бір оқушыны шығарып үй тапсырмасы бойынша оқушыларға сұрақ қойғызады. Қойылған сұрақтың дұрыстығына және дұрыс жауап берілуін мұғалім қадағалайды. Мұғалім оқушылармен бірге жаңа сабақтың тақырыбы мен мақсатын айқындайды.	Оқушы қойылған сұраққа жауап береді.	«Дұрыс!», «Жақсы сұрақ!»	Орындық
3 минут	Негізгі бөлім    Тақырыбы: Жердің халқы	Мұғалім оқушыларға жаңа тақырыпты таныстырады және мақсатын айтады.  Оқушыларға дәптеріне жаңа тақырыпты жазғызады.	Оқушылар жаңа тақырыппен танысады.		Оқулық, АКТ.
8 минут	«Мәтінмен жұмыс»	Мұғалім оқушыларға жаңа тақырыптың мәтінін береді.	Топтағы оқушылар мәтінмен жұмыс жасайды.		Оқулық.
10 минут	«Кластер» стратегиясы	Мұғалім әр топқа әртүрлі тапсырма береді. 1-топ Нәсілдерге кесте арқылы сипаттама жасайды. 2-топ  Халық тығыздығы 3-топ Нәсілдердің түрлері 4-топ Жер шарындағы халықтар	Оқушылар берілген тапсырма бойынша өздері ізденіп, талдап, өз ойларын постерге түсіреді. 1 –топ кестеде нәсілдердің сыртқы ерекшеліктеріне, олардың қай жерде қоныстанғанын толтырады. 2-топ  Халық тығыздығы бойынша, дүние жүзінде халық қалай таралғаны және тығыздығы бойынша  постерге түсіреді. 3-топ Нәсілдердің түрлеріне тоқталады. 4-топ Жер шарындағы халықтар бойынша орындайды.	«Жақсы жазыпсыңдар!»	Ақ қағаз, маркер, Ақындардың суреттері магниткалар.
3 минут	«Сергіту сәті» «Көңілді күн»	Оқушылар сергіту үшін тақтаға «Көңілді күн» бейнежазбаны қояды.	Оқушылар бейнежазбаян көре отыра дене қимылдарын жасайды.		Бейнежазба
3 минут	Қорытынды Бағалау.	Мұғалім сабақты бекіту әр топқа тест сұрақтарын береді.	Оқушылар мұғалімнің берген сұрақтарына жауап береді.	«Дұрыс»	Тест сұрақтары
2 минут	Рефлексия	Мұғалім оқушыларға бүгінгі сабақтан қандай әсер алғандығын стикерге жазғызады және бағалау парағын таратады.	Бағалау парағына толтырып, өзін – өзі бағалайды.		Стикерлер
2 минут	Үйге тапсырма беру	Мұғалім оқушыларға үй тапсырмасын береді. Алтастан қандай халықтар мекендейтінін қарап шығу.	Оқушылар үй тапсырмасын күнделікке жазып алады.		Оқулық, АКТ, күнделік.

Тізбектелген сабақтар топтамасынан география пәні бойынша 6 «А» сыныбында «Жер халықтары» атты тақырыбы бойынша  рефлексивтік есеп

Тарих және география пәндерінің мұғалімі А.Н.Казенова

IV тоқсанда жылдық жоспарға сай  6 «А» сыныбында Кэмбридж тәсілі бойынша сабағымды өткіздім. Тақырыбы: Жер халықтары. Орта мерзімді басшылыққа ала отырып, Бағдарламаның 7 модуль идеясымен қысқа мерзімді жоспарымды құрдым. Мақсатым:   Жер бетіндегі халықтар, нәсілдік топтар туралы мағлұмат беру.  Олардың алғашқы мекендері жайлы және демография ғылымы нені зерттейтіні жөнінде сипаттау. Алдымен сабағымды жайлы орта құру үшін және оқушылардың қызығушылығын арттыру мақсатында «Шаттық шеңберге» тұрғыздым. Оқушылар бір-біріне тілек айтып, сыйластықтары артты.Оқушылар шаттық шеңберге тұрғанда қуанып, өздерін еркін сезінді. Одан кейін ынтымақтастық атмосферасын құру  үшін төрт топқа  бөлдім.                                Оқушылар бірден орындарына отырып, сабаққа дайындалды. Бұл жерде байқағаным, «Алтын ережені» жадыда сақтап, өзін-өзі реттеу, жүйелікті, тәртіпті көрдім.Әр топ мүшелері топтың көшбасшысын сайлап жұмыс істеуге дайындалды. Тұсаукесер кезеңінде оқушылардың білімін тексеру үшін, үй тапсырмасында «Ыстық орындық» стратегиясын қолдандым. Мақсатым: алдыңғы тақырып бойынша білімін тексеру, сыни – тұрғыдан ойлауға әрі қарай дағдыландыру, дұрыс сұрақ құрастыруға үйрету.                  Әр топтан бір баладан шығып, үй тапсырмасысының сұрақтарына жауап берді.  Сұрақтың дұрыс қойылуына мән бердім. Жалпы оқушылар сұрақты дұрыс қойды. Келесі кезеңде яғни, негізгі бөлімде мағынаны ашу үшін «Миға шабуыл» стратегиясын пайдаландым. Мақсатым:  ой шақыру. Бұл жерде тақтаға адам, ұлт, нәсіл үшеуін жазып қойдым.Бұл нені білдіретінін сұрадым. Оқушыларға ақылдасуына 1 минут уақыт бердім. Оқушылар бірден халық екенін айтып, бүгінгі тақырыпты өздері ашып, мақсатын айқындады. Дүниежүзі халықтарына шолу жасап, жаңа тақырыпты оқуға тапсырма бердім.Оқушылар мәтін жұмыс жасаған соң, әр топқа әр түрлі тапсырма бердім. қолдандым 1 топ Нәсілдерге кесте арқылы сипаттама жасайды, «Кластер» стратегиясы бойынша 2 топ халық тығыздығы жайлы толтырады, 3 нәсілдердің түрлері, қай жерде қоныстанғаны туралы жазады, 4 топ жер шарындағы халықтарды постерге  түсіреді. Оқушылар мәтіннен оқығандарын бірден постерге түсірді.   Оқушылар постермен жұмысқа, белсене кірісті. Өз ойларын ортаға салып, ұтымды пікір айтты. Тапсырманы қызығушылықпен орындады. Осы жерде байқағаным оқушылар бірінші өзін – өзі реттеп, ынтымақтастық қатынаста, жауапкершілікті сезіне отырып, жұмыс жасады.  Ең үздік оқушыларды анықтаудың біреуі икемділік  деп айтылған (Фриман 1998). Осыған сәйкес осы оқуылардың басым бөлігі икемді болып келеді, сол себепті басқа сыныптарға қарағанда, бұл сыныптың сыни – тұрғыдан ойлауы жақсы. Төрт топтың төртеуі де  постермен жақсы қорғады. Қорғап біткеннен кейін, сергіту сәті жүргізілді. Мұнда оқушыларға «Көңілді күн» бейнежазба әнін қойдым. Оқушылар бойы сергігеннен кейін, төрт топқа тақырыпты бекітуде тест тапсырмалары берілді.  Мұнда «Кері байланыс» стратегиясын жүргіздім. Тестке жауап бергеннен тақтадағы дұрыс жауапқа қарап, өздерін тексерді. Ең соңында балалар өздерін бағалады. Алдымен пәнді бағаладық, одан кейін оқушылар әр кім өзін-өзі бағалады, топтың бағалауы, мұғалімнің бағалауы да жүріп отырды. Бұл әдіс – тәсілдерден ой түйгенім оқушылар әрқашан мәселелерді шешуге дайын тұруы тиіс. Сыныптан тыс жерде, кез келген жағдайда сыни тұрғыдан ойлана отыра тиімді пайдаланады. Сабақтың соңында оқушылар бақыт ағашына өз тілектері мен білгендері мен не үйренгендерін жазды.  Сабағымды қорытындылап кететін болсам, барлық стратегиялар жақсы және қызықты өткен тәрізді. Оқушылар сабақта белсенді, ынтымақтастық қарым – қарым қатынаста болды. Әр сабақ өткен сайын оқушылардың қызығушылығы артты және сыни – тұрғыдан ойлап, күрделі жауап берді. Келешекте осылай әр сабағымды өткіземін. Бағдарламаның 7 модуль идеясын сабақтарыма ықпалдастыра отырып, оқушыларымды сыни тұрғыдан ойлауға жетелеймін.