Журналистикада паблисити күренеше. Аның төрләре.

ПАБЛИСИТИ

 Паблиситига гади генә билгеләмә бирсәк, ул болайрак яңгырый: Паблисити (publicity) – ул информациянең танылу нәтиҗәсе. Һәм бу очракта игтибарлы булырга кирәк! Паблисити ул информация түгел, ул танылу (информациянең танылуы) да түгел, ул – нәтиҗә (результат).

Димәк, болай була:

Беренчедән, паблисити – нәтиҗә.

Икенчедән, нәтиҗәне контрольдә тотып булмый. Төрле кешенең фикере төрле булуга турыдан – туры бәйләнгән ул. Чөнки бер генә күренештән дә ике кеше ике төрле фикер чыгара, шулай бит?

Өченчедән, шул чыгарган фикерне без бүләбез икегә: яхшы һәм начарга.

Шәхесләр ике төрле паблисити ала ала. Эстрада йолдызы, мисал өчен, яхшы паблисити алырга мөөмкин, әгәр дә концертта бик матур чыгыш ясаса, яисә тавыш яздыру студиясендә яхшы альбом яздырса. Ләкин аны наркотиклар куллануда гаепләсәләр, ул әлбәттә начар паблисити ала.

Ләкин паблиситины пиар белән бутамаска кирәк. Паблиситиның начар яки яхшы булуы турыдан-туры нинди дә булса шәхеснең үзен-үзе тотуына, аның гадәтләренә бәйле. Ә пиар ул бер төркем кешеләр, оешма гадәтләрен күздә тота. Гадәт һәм үзеңне-үзең тоту дигәндә без бик киң мәгънәне күздә тотабыз. Шуңа күрә, бигрәк тә Америкада ул пиар белән катыша, синонимлаша дисәк тә була.

Паблисити имдж өчен эшли һәм тиешле информациягә бәйле була. Бу очракта һәр субъектның имиджы  ничек бар шулай булырга тиеш. Ләкин проблема мәгълүматны төгәл, тулы һәм ниндидер чаралар ярдәмендә расланган булуыннан гыйбарәт. Шуңа күрә  төрле газетада бер үк шәхес төрле-төрле итеп күрсәтелгән була.

Шулай ук паблисити белән рекламаны да бутага ярамый. Нинди дә булса оешма паблиситига ия була ала, ләкин моның өчен реклама кирәк. Шуннан чыгып әйтә алабыз: паблисити – реклама нәтиҗәсе. Паблисити – нәтиҗә.