Өзін - өзі тану жетістіктері жаhанданудың
жарқын болашағы
Бүгінгі
таңда бәсекеге қабілетті елдердің қатарында болу басымдылықтарының бірі - осы
заманғы білім мен озық ғылымды дамыту. Ол білім мен ақыл - ойын, жалпы білім
деңгейін, дүниеге деген ашық көзқарасын білдіруде бәсекеге қуатты етіп
тәрбиелеу мәселесін қойып отыр. Бұған қоса білім берудің жаңарған мазмұны
жалпы адамзаттық құндылықтар негізінде адамның шығармашылық мүмкіндіктерін
мейлінше ашуға көмектесуі қажет. Еліміздің болашағы болатын өскелең ұрпақтың
қоршаған ортамен үйлесімді қарым - қатынаста дамуы мен қалыптасуы өзін - өзі
тани білгенде ғана жүзеге аспақшы. Осыған орай көптеген жылдар бойы өзінің
жүрек жылуын бала өміріне арнап, еліміздегі «жетімдкрге ана, жесірлерге пана»
болып отырған алтын жүректі абзал жан Сара Алпысқызы.
Сара Алпысқызының 2001жылы
ұсынған «Өзін – өзі тан» бағдарламасы ұрпаққа рухани – адамгершілік білім
беру жүйесінде зор маңызға ие болып отыр. Осы жоба әрбір жас
жеткіншектерімізді биік мақсаттарға жетелеп, бағыт- бағдар беріп,адами
құндылықтарын байытып,ізденпаз тұлғаны қалыптастырудың сара жолын көрсетті.
2010 жылғы 1 қыркүйектен бастап «Өзін - өзі тану» бағдарламасы республика
көлемінде пән ретінде білім беру жүйесінің барлық сатыларына жаппай енгізілды.
Әсіресе, мектептерде 1- сыныптардан бастап оқытылғаны мені қатты қуантады.
Себебі алғаш мектеп өміріне аттағаннан-ақ осы пәнді оқи отырып кішкентайынан
бойын сыпайылыққа, әдептілікке, кішпейілділікке, адамгершілікке, тазалыққа,
ұқыптылыққа, мейірімділікке, ұйымшылдыққа, мәдениеттілікке, отаншылдыққа
тәрбиелеп, өзінің жеке ой - пікірін, көңіл – күйін, ізгі сезімдерін, қоршаған
ортаға етене қарым – қатынасын әр түрлі шығармашылық іс- әрекеттер арқылы
көрсетуынен өзін – өзі тану басталады. Бұл тұлғаның өзін - өзі тануы өзінің
«Менін» түйсіну арқылы әр баланың даралығы мен тұлғалық ерекшелігін сезіне
білуге, ішкі құндылықтарын ашуға мұмкіндік береді. Атап айтқанда біздің
бойымыздағы «5» құндылығымыз : Ақиқат, сүйіспеншілік, дұрыс іс - әрекет,
ішкі тыныштық, қиянат жасамау сынды қасиеттрін көрсету үшін кемел мінездері
мен ұшқыр ойларын , сыпайы сөздері мен іс – әрекет негізінде үйлесімді
біріктіріп алған тәрбиесі арқылы көрсетеді.
Өзін
- өзі тану рухани - адамгершілік бағдарламасының тарихи негіздері, заманауи
ғылымдағы (философия, психология, педагогикамен) байланысып Әл-Фараби мен
Абайдай алыбы, Ыбырай Алтынсариндей ағартушысы, Шәкәрім Құдайбердідей ұлы
ойшылдарымыздың, ақындарымыз бен жазушыларымыздың, ғалымдарымыздың ақыл –
нақыл, өсиет- өнегелерінен сусындай отырып рухани бастауларын жаңғырту арқылы
бүгінгі күні жас ұрпақ жүрегіне жарқын сәулесін шашты.
Осындай
жалпы адамзаттық құндылықтардың адам өміріндегі маңызын үйретіп, тамаша
тәрбиесімен үлгілі өнегесін, көрсетіп отырған бұл пәннің қызығушылары да,
қолдаушылары да көп . Атап айтқанда, Қазақстан Республикасы білім және ғылым
министрлігі жеке тұлғаның сапасын, азаматтық ұстанымын көрсетуге, шығармашылық
ойын білдіруге талпынатын, өзін - өзі тануға ынталанатын оқушыларды анықтау
мақсатында да , «өзін - өзі тану пәні» бойынша қалалық, республикалық
олимпиадалар мен түрлі жарыстар, жыл сайын мектептерде он күндік іс - шаралар
өткізіліп келеды.
Сондықтанда мен
еліміздегі енді қанаттанып келе жатқан осы жобаның дәл осындай қолдаушыларымен
қорғаушылары коп бола берсе, осындай іс- шараларды республикамыздың барлық
аудан, қалалармен мектептерде үнемі откізіп, бір кісідей ат салысып тұрса жас
ұрпақтың ертеңіне ұміт, сенімдеріне күш берері даусыз. «Мен біздің
Қазақстандық бұлдіршін азаматтардың бойында өмір бойы адамға деген
сүйіспеншілікпен қайырымдылық болғанын қалаймын» , - деп Сара Алпысқызы апамыз
айтқандай. Бұл пәнді қызығып оқып жүген жастардың бойындағы жалпы адамзаттық
құндылықтардың рухан адамгершілікке толы боларына өзімнің үлкен
сенімділігімді білдіремін.
Ыбырай
Алтынсарин атындағы
№159
мектеп – гимназиясының
«Өзін
өзі тану» пінінің мұғалмі
Төлеген Майра.
Оставьте свой комментарий
Авторизуйтесь, чтобы задавать вопросы.