Өзін-өзі тану пәні 4-сынып "Ашу-дұшпан, ақыл-дос"

• 1 слайд

  Сабақ тақырыбы:
  Ашу - дұшпан, ақыл - дос
  Сабақ тақырыбы:
  Ашу – дұшпан,
  ақыл - дос
  

• 2 слайд

  Сабақтың мақсаты: Оқушыларға сыпайылық, ашуланбау, ой тыныштығында отырып үйрену, шыдамдылық туралы түсінігін кеңейте отырып, ішкі тыныштық құндылығын ояту.
  Міндеттері:
  - ұстамдылық, сабырлылық, ақылдылықтың мәнін түсіндіру арқылы ішкі тыныштық құндылығын ояту;
  - сыпайылық, өзара жағымды қарым - қатынас жасау іскерліктерін дамыту;
  - ұстамдылыққа, сабырлылыққа тәрбиелеу;
  
  
  
  

• 3 слайд

  Ұйымдастыру кезеңі:
  
  1.Психологиялық даярлық
  Абай Құнанбаевтың “Ғылым таппай мақтанба” өлеңі
  
  2.Топқа бөліну (адамның бойындағы жақсы және жаман қасиеттері бойынша)
  
  3.”Нұрға бөлену”
  
  
  
  
  
  
  

• 4 слайд

  Әңгімелесу:
  -Саматқа Азамат неліктен ренжіді деп ойлайсыңдар?
  -Азаматтың ашуының басылуына не себеп болды?
  -Сендердің ашуланған кездерің болды ма?
  -Не себепті ашуландыңдар?
  -Сол кезде қандай күйде болдыңдар?
  -«Ашу- дұшпан, ақыл- дос» деген мақалды қалай түсінесіңдер?
  
  
  
  
  
  

• 5 слайд

  Шығармашылық жұмыс:
  Николай Носовтың «Сырғанақта» әңгімесін оқушылар мұқият тыңдап, ары қарай өз ойларымен аяқтаулары тиіс.
  Сырғанақта
  Балалар күні бойы жұмыс істеп,аулада төбешік үйіп, сырғанақ жасады.
  -Біз тамақтанып қайтқанша, сырғанақ та қатып қалады,-десті олар.
  –Ал түстен кейін шана алып келіп, сырғанақ тебеміз.
  Алтыншы пәтерде тұратын Саян сырғанақ жасауға келмеді.Балалар көмектесіп жібер деп шақырып еді, терезеден екі қолын жайып, басын шайқады. Ал балалар кетісімен шапшаң киінді де,аяғына коньки байлап, биік төбешікке тақады. Шыға бере жалп етіп құлады. Өстіп он шақты рет құлап, төбешікке шыға алмады. «Не істеу керек?», деп ойлады. Ол бір жұқа тақтайды ала салып, қораға қарай жүгіре жөнелді. Онда жәшікте құм тұратын. Құмды алдына сеуіп, бірте-бірте өрлей берді. Ақыры ең үстіне шықты. Аяғымен серпіп кеп қап еді, тағы етпетінен құлады. Құмда коньки жүруші ме еді?! Бұл кезде балалар да жүгіріп келген еді. Сырғанаққа себілген құмды көріп, олар айқай салды......
  -Әрі қарай не болды деп ойлайсыңдар? Топпен әңгімені жалғастырып көріңдер.
  
  
  
  
  
  
  
  

• 6 слайд

  Дәйексөз
  Ақыл –адам көрігі,
  Ақылдың сабыр серігі.
  М. Әуезов
  -Нақыл сөздің мағынасын қалай түсінесіз?
  -Хормен оқып, жаттау.
  -Дәйексөз дәптерге жазылады.
  

• 7 слайд

  Топпен жұмыс
  Ойын-жаттығу
  «Неге ұқсатамын» ойыны
  Балалар ашуланып тұрған адамды неге ұқсататындарын және не себепті оларға ұқсататыны туралы постерге салып, қорғайды.
  

• 8 слайд

  Топпен ән айту
  «Мейірімді болайықшы, ағайын» әні
  Көктем етіп көркейтсе де маңайын,
  Көріп жүрміз өкпешілдің талайын.
  Өшігуді қояйықшы өзгеге,
  Кешірімді болайықшы, ағайын!
   
  Көк нөсерін көл етсе де жауындар,
  Көк пен жерді сел етсе де дауылдар.
  Пейілдерді пенделікпен тарылтпай,
  Мейірімді болайықшы, бауырлар!
   
  Болашаққа қол ұстасып барайық,
  Ақиқаттың ауылын іздеп табайық.
  Кішірейіп кетпес ғазиз басымыз,
  Кішіпейіл болайықшы, халайық!
   
  Ел болғанмен емеспіз ғой онша көп,
  Сонда дағы бөлінумен шаршап ек.
  Өзімізге қалатұғын нәрсені,
  Тілейікші өзгеге де, болса деп!
   
   
  
  

• 9 слайд

  Мұғалім сыйы
  Сабыр суы (аңыз әңгіме) 
  Бір адамның басынан мынадай оқиға өтіпті.Ол сол ауылдың ақсақалына жылап келіп, шағым айтады: маған әрдайым көршілерім тиіседі, біздер ұрысып қала береміз. Көршілермен сөйлесуден қалдым. Мен әбден шаршап, өзіңізден ақыл-кеңес, көмек сұрап келіп отырмын. 
  -Не амал етсем екен?. 
  Ақсақал ойланып отырып, келген адамға бірнеше сұрақ қояды. Содан соң бір құты су береді. 
  «Осы су саған көмектесуі тиіс, — дейді. Күнде көршілерің жұмыстан келген кезде осы суды ұрттап ал. Бірақ оны бірден жұтып жібермей, аузыңда біраз уақыт ұстауың керек».
  Арада бірталай уақыт өткенде, әлгі адам ақсақалға тағы жылап келеді. 
  «Сірә, бірдеңе қосып берген болсаңыз керек, сіз берген судың көмегі тиген еді. Мен деген көршілеріммен жақсы қарым-қатынас орнатып қалған едім. Бәрі де жақсы болып келе жатыр еді. Менің көңілім көтеріліп, тыныштығым орнап қалған еді. Бірақ ол су таусылып қалды. Таусылғалы бері көршілерім баяғы «жырын» қайта бастады. Менің ішкі тыныштығым бұзылды. Сіздің көмегіңізсіз болмайтын болды» — деп, тағы да су беруін сұрайды.
  Сонда ақсақал күліп: «Айналайын, ол судың басқа ешқандай қасиеті жоқ, күнде өзің пайдаланып жүрген, кәдімгі су. Оның саған көмегі — көршілерің жұмыстан шаршап келген кезде не болса соны айтуға аузыңның бос болмағаны, үндемей қарсы алуға мәжбүр болғаның. Ендеше, өзіңді-өзің қолға алып, шыдамдылыққа, сабырлылыққа үйренсең, өзіңді-өзің тізгіндей алсаң, бұл жағдайда саған басқаның көмегі керек еместігін түсінген шығарсың» — дейді
  . Оқушылардың сабақтағы шыдамдылық, сабырлылық туралы алған білімдерін толықтыра түсу үшін төмендегі сұрақтар төңірегінде әңгіме жүргізіледі.
   -Өсиет әңгіменің мәні неде?
  -Неліктен судың көмегі тиді?
  -Өзіңді өзің қолға алып, шыдамдылыққа, сабырлылыққа үйренсең көршілеріңмен қандай қарым-қатынаста боласың деді?
  

• 10 слайд

  Үй тапсырмасы
  В.А.Сухомлинский «Балалардың көз қуанышы» мәтінін оқып келу
  

• 11 слайд

  Соңғы тыныштық сәті
  Бүгінгі сабағымызды қорытындылай отырып, Данышпан атаның кеңесін айтып өткім келіп тұр.
  -Ашу қысқан кезде өзіңді-өзің ұстай біл.
  -Ашуланған кезде бірден онға дейін іштей сана.
  -Жақсы нәрсе туралы ойла.
  -Өзіңді ұстамды, сабырлы адаммын деп есепте.
  -Басқа адамды ренжітетініңді ойла.
  -Соңынан өкінетініңді есіңе ал.
  -Ашуды ақылға жеңдір.
  -Балалар, бүгінгі сабақтан алған жақсы қасиеттерімізді жүректерімізге түйіп алайық.
  

• 12 слайд

  Рефлексия
  Сабақтан алған әсерлерін жазып, жабыстырады.