«Өзін-өзі тану» пәнінің сабақ жоспары 5-сынып

Өзін-өзі тану сабақ жоспары

Мектеп: «Алтынтөбе» жалпы орта мектебі

Тақырып:  Жақсылықпен жаным дос

Құндылық : сүйіспеншілік

Қасиеттер: мейірім, сыпайылық, сыйластық

Мұғалiм:Жетпісова Қалима          Сынып:5   Оқушылар саны:__

Сабақтың мақсаты: жақсылық жасаудың адам өміріндегі маңыздылығы жөніндегі түсініктерін кеңейтіп, жақсылық жасаудың құндылық ретіндегі мәнін ұғындыру. Міндеттері:    -оқушыладың «жақсылық», жақсылық жасау» туралы білімдерін кеңейту;    -жақсылық жасауіскерліктерін дамыту;    -мейірімді, қайырымды болуға тәрбиелеу.
Сабақ барысы: 1.Ұйымдастыру кезеңi. Тыныштық сәтi.Орманға ойша серуен  (Ескерту: егер бұл сабақ ашық алаңда өткізілсе, онда серуенді сыныпта емес, бақтағы бір орыннан бастау керек). Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз. (Осы жерде мұғалім 1-2 минут үзіліс жасауына болады). Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!	Ресурстар: үн таспа,
1.     Үй тапсырмасын тексеру.      «Жақсылыққа – жақсылық» ертегісін оқып келу. v Бала өзімшілдігінен қалай айырылды? v Бала өмірден алған сабақтарынан тағы қандай қорытынды жасауы мүмкін? v Өздеріңнің риясыз жақсылық жасаған кездерің болды ма?	Сабақ барысын талқылау:
2.     Әңгiмелеу (сұхбат). «Қарлығаш пен дәуіт» және « Арыстан мен тышқан» ертегісінің жалғасын айтайық. §  Қалай ойлайсыңдар қалай аяқталады?
3.     Дәйек сөз.              «Жақсы сөз – жарым ырыс»                                                                                          Халық мақалы Нақыл сөзді қалай түсінесіңдер?
4.     Шығармашылық жұмыс, топтық жұмыс. Өздеріңнің жасаған жақсылықтарың туралы шағын әңгіме құрастырыңдар.
5.     Топпен ән айту.                  «Біз  өмірдің гүліміз»                                                               Сөзін жазған Ә.Дүйсенбиев                                                               Әнін жазған Б.Ғизатов
6.     Үй тапсырмасы.     Жақсылық туралы мақал – мәтел тауып келіңдер
7.     Бағалау    Сабаққа белсене қатысқан оқушыларды мадақтау.