Өзін-өзі тану "Жанашырлық жанға қуат" 6 сынып

Өзiн-өзi тану сабағының жоспары

Мектеп:    Бектау орта мектебі                 Мерзiм:   11.12.2015 ж.  № 13 

Тақырып Жанашырлық жанға қуат

Құндылық:  Дұрыс әрекет   Қасиеттері:  қамқорлық, мейірімділік, адамгершілік.

Мұғалiм: Мүтән Бұлбұл  Сынып: 6 «А» Оқушылар саны: 17

Сабақ мақсаты: Жанашырлық қасиетін тереңінен аша отырып, дұрыс әрекет құндылығының мәнін ашу. 1. Білімділік: жанашырлық  туралы білімдерін кеңейту. 2.Дамытушылық: сүйіспеншілік қасиетін  дамыту. 3. Тәрбиелік: мейірімді, қамқор болуға тәрбиелеу.	Ресурстар:(құралдар, мәлiметтер) слайд,өлеңнің аудиодискісі.
Сабақ барысы: Ұйымдастыру кезеңi. Тыныштық сәтi. Нұрға бөлену   Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты.  Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.  Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде  отыра тұрыңыз...  Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.   Үй тапсырмасын тексеру. Сұрақтар:	Сабақ барысын талдау:
Дәйексөз: «»  «Қайырымды іс жаса, қайырлы болар әр ісің». (Халық нақылы) 1.       Қайырымдылық дегенді қалай түсінесіңдер?                                                                  2.       Неліктен жасалған қайырымдылық қайырлы болар делінген?  (оқушылар талдап болғасын  2 рет қыздарға айтқызу  2 рет ұлдарға айтқызу. Барлығы бірге   4 рет айтып шығады)
Мұғалімнің сыйы «Жігіт туралы» Балаларға айнала жігіттің ірекеттерін қалай қабылдады.	бейнеролик
Әңгiмелеу: Аңыз әңгіме (осы шығармаға қандай таұырып қояр едіңдер?)          Кішкене бір шахарда бір қария өмір сүріпті. Жар дегенде жалғыз баласы үшін барлық жиған тергенін сол баланың білім алып,ақылды,кеңпейіл,жанашыр болуына арнапты.Күндердің бір күнінде ақылды қария ұлының азамат болғанын көріп сынамақ болып,алыс жолға жібереді.Ұлы келісіп,әкесінің берген дорбасын арқалап кете барыпты.Жол ұзақ, арып-ашып, сусап келе жатса,алдынан бір ақ уй көрініпті. Жөн сұрасып сол үйден аз –маздап шөлін қандырып ары қарай жол тартып жүре беріпті.Ұзақ жүріп жолайырыққа келіп тоқтағанда, алдынан бір кішкене  қыз шығып, жылай жөнеліпті. Мән-жайды сұраған жігіт,қаршадай қыздың не себепті жылағанын естігенде таң қалыпты. Әкесің еккен егіні қурап,еңбегі зая кетіп, жабыққанын көріп жанашыр жандарды іздеуге шығыпты. Жігіт асып-сасып не айтарын білмей үсті –басын сипалап дорбасына көзі түсіп,ашып қараса бір кішкене дорба бидайдың түрлері екен,ойланып тұрып,қызға дорбаны әкеңе алып бар, дейді. Қыз қуанып,жүгіріп кетеді. Бірақ ойынан әлгі дорба кететін емес,сонымен қой қой қайтайын әкемнен барып сұрайын,дорбаны не үшін берді екен деп келе жатқанда,жолда кездескен үйіне кайта кірсе бағанағы қыз бен су сұрап ішкен ата-анасы отыр Міне сәйкестік деп таң қалыпты. Сонда отағасы: «Өркенің өссін бізге үлкен көмек жасап, жанашырлық таныттың, сенің бір дорба бидайың болмағанда, күніміз не болар еді», депті. Бір алқап бидай болмаса да, бір қап бидайдан тарықтырмадың депті. 6.      Жігіт сол жүрген ізімен қайтып, үйіне келіп, әкесінен неге ол бидайды ғана салғанын сүрапты: сонда әкесі балам, саған жанашырлық танытқан адамға, сен де кішкене болса  пайдаңды тигіздің, мен сені осындай білімді ғана емес, еліңе, туғаныңа тіпті жатыңа да жанашыр болғаныңды қаладым деген екен. Бұл «адамның азбас байлығы болады», деп  соны түсін балам деп сөзін аяқтапты. Сұрақтар: 1. Қария ұлын қалай сынады? 2. Ұлы жол - жөнекей кімдермен кездесті? 3. «Жанашырлық адамның азбас байлығы болады» дегенді қалай түсінесіңдер?
Шығармашылық жұмыс, топтық жұмыс. Оқушыларды топқа бөлу. Постерлермен жұмыс: 1. Жанұялық көмек 2.Сыныптастық көмек 3. Өз-өзіме көмек 4. Табиғатқа көмек 5. Достық көмек
Топпен ән айту.   Мейірімді болайықшы бауырлар                          Сөзі: Серік Қалиев                          Әні:Құрмаш Маханов  Көктем етіп көркейтсе де маңайын,  Көріп жүрміз өкпешілдің талайын,  Өшігуді қояйықшы өзгеге,  Кешірімді болайықшы, ағайын!  Көк нөсерін көл етсе де жауындар,  Көк пен жерді сел етсе де дауылдар,  Пейілдерді пенделікпен тарылтпай,  Мейірімді болайықшы, бауырлар!  Болашаққа қол ұстасып барайық,  Ақиқаттың ауылын іздеп табайық,  Кішірейіп кетпес ғазиз басымыз,  Кішіпейіл болайықшы, халайық!  Ел болғанмен емеспіз ғой онша көп,  Сонда дағы бөлінумен шаршап ек,  Өзімізге қалайтұғын нәрсені,  Тілейікші өзгеге де болса деп.  Ұлттың қамын жүректермен ұғынып,  Жұрттың жүгін көтерейік жұмылып,  Қаратайық Құбылаға жүздерді,  Таратайық адамзатқа жылылық!
Үй тапсырмасы. 1.       «Менің әке-шешеме көмектесемін» шығарма жазу.
Соңғы тыныштық сәтi. Баяу музыка қосылады. - Көзімізді жұмып, тыныштықта  бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. Енді көздеріңді ашсаңдар да болады.