Зул - хальмг улсин байр

Зул  -хальмг улсин нас авдг өдр

Багшин үг: Мендвт, күндтә гиичнр, күүкд!  «Зул – ончта өдр» гидг төрəр медсән, тодлҗ авсан батлхвидн. Җил болһн хальмг улс Зул – байрин өдрән тосна.

 1 гч сурҺульч : Зул – хальмг улсин шин җил,

2 гч сурҺульч  : 2-гч чинрнь - нас авдг өдр. Эн өдрт хальмг улс цуһар насн деерән неҗәд нас немҗ авна. Хальмг литәр болхла, Зулыг зул сарин 25-д темдглдг учрта.

3 гч сурҺульч  :Зул өдрин өрүн герин эзн күүкд күн эрт босад, цә чанад, зул өргнә, дееҗ бәрнә. Цацл цацад, һалд тос-хорһ хаяд, күңшү үнр һарһх кергтә.

4 гч сурҺульч : Өрк – бүләрн сууһад, Зулын цәәһән йөрәһәд уухларн, хамгин түрүнд цә кенд кеҗ өгнә?

5 гч сурҺульч : Көгшн күүнд, дарунь герин эзн залуд, күүкд күн бийдән болн күүкдтән цә кеҗ өгх зөвтә.

Багшин үг:  Зул өргхин  төлә  юн кергтә ?

6 гч сурһульч : шар  тосн

8 гч сурһульч : һуйр . усн

9 гч сурһульч : цөгц,хустг,  ааһт невчкн усн

Багш : Дәкәд Зул  өдр юн кергтә?

10 гч сурһульч : насна һолмуд, зулын оңһц  кергтә

Багш : Зулын өмн өдр хальмг улс зулын һол кеһәд, деернь1 – 2 һол немәд,көвңгәр баглҗ ораһад оңһцин йоралд хатхдм.  Теңгрин одд  күцсн алднд зул өрггднә ,тегәд күн болһнд ,нилх күүкдт чигн Зул өдрәс авн нег насн немгднә.

11гч сурһульч  : Не, ноха жил давв

Һаха жил оржана,

Бурхн шажна нилчәр

Буйн кишг делгртхә!

12гч сурһульч  : Зул хальмг улсин сән өдр. Шин жил

1 гч сурһульч : .Цә шингн болвчн, идәнә дееж!

Цаасн нимгн болвчн номин көлгн

Буур жил hарч, ботхн жил орж

Авсн жил наснтн, олзәтә болтха.

 2 гч сурһульч :  Хуучн насн бат болж,

Шин насн олзәтә болж,

Жил болhн хаhцж

Эсргндән үүнәс байртаhар Зулан кеж,

Амулн эдлхитн Деедс бурхд өршәтхә

Багш: Дәкәд гер бултн зул өдрлә ю кенә?

3гч сурһульч : Элгн – садндан гиич одна.

Багш: Не, күүкд мана ирсн гиичнрин наснь йөрәхмн.

4гч  сурhульч:

Авчах наснтн олзәтә болж,

Цуhар әмтн амулн эдлх болтха!

5 гч сурhульч:

Жил болhн хаhцж,

Зулан кеж

6гч сурhульч:

Эсв, эрдм билгәрн

Энкр Танhчан туурулж,

7гч сурhульч:

Бәәсн hазр усндан

Буйн кишгән эдлия

Багш: Не, куукд «Зул ирвә» гидг дууhан гиичнртән белглиә!

«Зул ирвә » - дун

Багш : Ирсн Шин җил

Байрта – бахта болҗ,

Эңкр көвүд – күүкд

Өсҗ,босҗ,өргҗҗ,

Эк- эцкиннь нер дуудулҗ

Таңһчтан тоомсрта үрдүд болтха.

Орчлң ни- негн

Дән – даҗг уга

Амулң менд бәәҗ

Кишг эдлхболтха!

Ээҗ : Ноха җил мууһинь авч,

Сәәһинь үлдәҗ,

Һаха җил орҗ

Хамг әмтнд туслҗ

Күн болһна авсн наснь

Өлзәтә болтха!

Олн әмтн амулң эдлҗ,

Өсҗ – өргҗҗ,

Оньдин дөрвн цагт

Орчлңгин җирһлд багтха!

Дун «Зул ирвә»

Зул ирвә, Зул ирвә,
Зулан шүтәндән тәвий!
Зул ирвә, Зул ирвә,
Зулын гегән мандлтха!

Аав, ээҗ зулан өргий,
Аав, ээҗ насан йөрәйә!

Шин җил, шин җил,
Шикр-балтаһар байрлтха!
Шин җил, шин җил,
Шуурһн, гем уга болтха!

Җирһлтә бәй, җирһлтә бәй,
Җилән оч зальврий!
Җирһлтә бәй, җирһлтә бәй,
Кишгт баһтый!

Зул ирвә, Зул ирвә,
Зулан кеҗ мендлий!
Зул ирвә, Зул ирвә,
Зун насн насний!

Дун Зальврһн

Зальврлhн

Жил-җилән дахлдна 

Жирhлин болзг ахрдна

Буурсн седкл ээнә 

Бурхнд зальврхан хәәнә

Давтвр:

Деегшән теңгрүр ширтнәв,

Долан Бурхндан шүтнәв

Зальврхла, седклм амрна,

Зовҗасн чееҗм таалрна.

Зулдан герл орулнав,

Зурхачар дәрк давтулнав,

Хар кел утлулнав,

Харшта насан уттулнав

Давтвр:

Деегшән теңгрүр ширтнәв,

Долан Бурхндан шүтнәв

Зальврхла, седклм амрна,

Зовҗасн чееҗм таалрна.



Асхар зулан өргнәв

Аав-ээҗдән мөргнәв

Ардан бичә тачаг

Ачнртан кишг заятха



Давтвр:

Деегшән теңгрүр ширтнәв,

Долан Бурхндан шүтнәв

Зальврхла, седклм амрна,

Зовҗасн чееҗм таалрна.

Ма рһан

Көвүд – күүкд хойр багар хувагдна  .2 баг селгəдəр нег-негндəн сурврмуд өгх.

Краткое описание документа:

Этот сценарий праздника можно использовать в начальных классах при проведении

национального праздника Зул как в этнокультурных классах , так и в классах с обучением калмыцкого языка в не титульных классах.Материал мероприятия для детей познавательный , знакомит обучающихся с традициями. обычаями калмыцкого народа