"Зул" урок 3-м классе

3 гч класс.

Кичəлин тɵр: Ɵрк-бүлин байр. Зул.

Кичəлин күцл:

 Өрк-бүлд ямаран байрта өдрмүд темдглдгиг сергәллһн;

«Зул» - нас авдг ɵдр гидг медрл заалһн;

Зулын авъясмудла таньлдлһн;

 Күүкдин келлһ өргҗүллһн.

Дөнцлмүд :

 «Мини эк» гидг күүкдин зурсн зургуд.

Презентац.

Кичəлин йовуд:

I. Кичəлин бүрдəц. Мендвт, күүкд! Ямаран бәәнәт?

   Күүндән:

- Җилд кедү цаг бəəнə?

- Намрин сармуд келтн?

- Ода җилин ямаран цаг ирчксн бəəнə?

- Эндр ямаран ɵдр?

- Үвлин йиртмҗин бəəдлин тускар келтн.

II. Герин даалһвр шүүлһн:

- Юн үлү?-       эк, эцк, багш, күүкн;

                          аав, ээҗ, көвүн, эмч;

                          эгч, дү, ах, хөөч;

- Эн үгмүд кениг темдглнә? (элгн- садн, өрк- бүл)

- «Мана  өрк- бүл» (ахр келвр белдәд, хоорндан күүндх)

-Менд, күүкн!

-Менд.

-Чини нерчн кемд?

- Мини нерн …

-Тана өрк- бүлд кедү күн бәәнә?

-Мана өрк -бүлд … бәәнә.

-Тадн байрта өдрмүд темдглдвт?

- Темдглднәвидн.

Багш: Үгин чинрин тускар.

«Ɵдр» - гидг үгин чинр медҗ авлhн:

 Байрта, чилгр, сəəхн (чинрлгч нерд)

 Ахрдна, утдна, темдглнə (үүлдəгч).

 Ɵрк-бүл байрта ɵдр темдглнə (зəңг)

Йир сән! Үкр сарин  27 бидн ямаран өдр темдглднәвидн?

 «Экин өдр» (сурһульчнр эврән зурсн зургарн « Экм» гидг келвр келх)

Экин  тускар медсн шүлгүд айслулҗ чееҗәр келх, ду дуулх.

Физминутк: Деер цаһан, дора цаһан

                       Цасн, цасн цәәһәд унҗана

                       Күүкд байрта, көвүд байрта

                       Көвкр цасар көөлдәд наачана.

3.Шин тɵр: Өрк-бүлин байр. Зул.

     1. Дегтрəр кɵдллһн:

         - шүлг айслулҗ умшулhн

                                          Ээҗ зул тавлв,

Эргнд герлтә болв,

                                          Насн деерән нас

                                          Немҗ цуһар авв.

                                                      (Балакан Алексей)

2. Багш  «Зулд белдлһн»  келвр умшҗ ɵгнә( аудировань).

     Җил болһнд хальмгуд Зулан темдглнә. Өмн өдртнь цуһар боорцган шарад, насна һолмуд болн насна оӊһц белднә. Насна оӊһциг уснд һуйр элдәд, оӊһцин көв һарһад кедмн.

     Эртәснь хагсаһад белдсн йөркг өвснә ишәр насна һолмуд белдх кергтә. Өвсиг дөрвн хурһндан көмҗәләд хуһлна. Күүнә насна то деер нег үлү өвс тәвәд, көвӊгәр ораһад насна һол кедмн. Цуг өрк- бүлин насна һолмуд оӊһцин йоралд  углҗ хатхад, шар тос кеһәд белдчкх кергтә.

-  Умшсарн күүндвр тогталһн:

-  Эн келврт юуна тускар келгднә?

-  Ээҗ юунд, ямаран белдвр кеҗәнә?

Презентац үзүлх «Зул ончта өдр».

Билг - эрдмəн сурhульчнр үзүллhн:

- Зулын йɵрəл, шүлгүд келх.

- «Зулын дун» - дуулх

 Ашлвр:

- Өрк-бүлин ямаран байрла тадн таньлдвт? (Зул ɵдрлə)

- Зул ямаран өдр? (хальмг улсин оньчта өдр)

 -Кедү насн күн болһнд  немгднә? (нег нас)

- Тадн ода кедүтə болвт? (арвта)

- Тадн гертән ямаран авъясла таньлдвт?

Багш: Күүкд, таднд кичәл таасгдви?

- Нег- негндән ямаран темдг тәвнәт?

5.Темдг тəвлhн.

6. Герин даалһвр: Келвр умшх.