Менің қазіргі жеткен ойым, тұйықталған философиям-ұстаз болып туылу керек. Мен баланы неге тәрбиелеуді білемін, Мен баланы неге оқытуды білемін. Мен білімнің адамға қажеттілігін түсінемін, Менің еңбегіме адамдардың алғысы шексіз екенін білемін. Мен өз еңбегімнің қоғамға пайдалы екеніне толық сенімдімін, Қай сабақтан беру, қайда ұстаздық ету-маңызды шығар, Бірақ басты маңыздылық қаншалықты түсінуіңде. Сенің ұстаздық болмысыңда, ұстаздыққа үйрену мүмкін емес кейпін киюге болады. Дегенмен бұл кейіп анадайдан мен мұндамын деп тұрады. Байқайсыздар ма, мұғалімдер әркез жас көрінеді. Қай жағынан алсақ та, мейлі көңіл-күйі болсын, түр сипаты болсын бәрі де соншалықты жас адамдарға тән қасиет. Себебі ұстаз тек оқытып, үйретіп қана қоймайды өзі өмір бойы оқиды, үйренеді. Бір сөзбен айтқанда, босаңсуға уақыт жоқ барлық кез оқу керек, үйрену керек, өсіп отыру керек.