Мен, Абакиев Райс Елемесұлы 1960 жылы 16 мамырда Батыс Қазақстан облысы, Теректі ауданы, Тіксай разъзінде дүниеге келдім. 1981 жылы Орал педагогикалық училищесіне түсіп, 1984 жылы бастауыш сынып мұғалімі және аға пионер вожатыйы мамандығы бойынша аяқтадым. 1984-2000 жылдары Қаратөбе ауданының Ханкөл ауылындағы Интернационал сегіз жылдық, кейін орта мектебінде еңбек пәнінің мұғалімі қызметін атқардым. Қоныс аударуыма байланысты 2000-2001 оқу жылында Теректі ауданының Ақсуат орта мектебінде бастауыш сынып мұғалімі болдым. 2001 жылдан бастап Теректі ауданының Подстепный қазақ жалпы орта білім беретін мектебінде бастауыш сынып мұғалімі, кейін технология пәнінің мұғалімі болып еңбек етіп келемін. 2001-2004 жылдары Батыс Қазақстан гуманитарлық академиясын «Бейнелеу өнері, сызу және технология» мамандығы бойынша аяқтадым.Оқушыны өнермен танысу барысында өздерінің сезімін, көңіл-күйін бақылауға, қолөнер бұйымдарын жасауда ақылмен және жүрегімен сезінуге, түсінуге үйретуге тырысамын. Қолөнер бұйымдарын жасау кезінде, балаларды өз бетінше ізденуге, шешім қабылдауға, өз бойындағы қабілетін ашуға еркіндік беремін. Бұлай ету себебім санамызға сіңген қолы шебер деген ұғымды дәлелдеу, яғни адамның қолы шебер емес, алған білімімен ой- санасының, тәжірибесінің жүйелі түрде іске асуы екеніне көз жеткізу.Осы орайда жекелеген оқушылар табандылықпен, ұқыптылықпен алған білімдерінің нәтижесін көрсетуде. Мектепішілік ,аудандық, облыстық түрлі көрме- байқауларға қатысуда.
Атап айтар болсам 2014-2015 оқу жылында метепішілік көрме – байқауда 9 «ә» сынып оқушысы Нүрсұлтан Мұқанғали І орын, 8 «а» сынып оқушысы Оралбек Куганов ІІ орын, 7 «б» сынып Радмир Жусубалиев ІІІ орынды иемденіп грамотпен марапатталды. Сондайақ осы жылы аудандық көрме-байқауда «Ағаш өңдеу» номинациясы бойынша 9 «в» сынып оқушысы Тимур Тажкенов І орын, 9 «б» сынып оқушысы Нұрсұлтан Ешимов ІІ орынды жеңіп алып грамотпен марапатталды.
2013-2014 оқу жылында Батыс Қазақстан облыстық мәдениет басқармасымен Облыстық халық шығармашылығы орталығы ұйымдастырған көрме-жәрмеңкеге белсене қатысып, Тимур Тажкенов пен Нұрсұлтан Ешимов Алғыс хатпен марапатталды.
2012-2013 оқу жылында Облыстық балалар техникалық шығармашылығы орталығы ұйымдастырған байқауда 8 «б» сынып оқушысы Ғимран Ерболатов ІІІ орынды жеңіп алып Дипломмен марапатталды.
Еліміздің болашағы жастар десек олар елін-жерін сүйетін патриот болуы тиіс. Осы орайда 9«ә» сыныбында «Жер шаруашылығымен және мал шаруашылығымен байланысты мамандықтар» деген тақырыпта өткізген ашық сабағымда, оқушыларды еңбекке үйретуге, мал бағудың қыр-сырын меңгеруге, «Баптай білсең жер жомарт» - деген мақалдың мағынасын түсіндірдім деп ойлаймын. Сабағымда ауылымыздың өндіріс орынымен шаруа қожалықтары туралы айта келіп, видио көріністермен қортындыладым. Оқушыларға кәсіптің үлкен-кішісі болмайтынын айта келіп міндетті түрде ЖОО бітіру шарт емес екенінде естеріне салдым.
Алдағы уақытта оқушыларды рухани бай, биік қолөнер талғамы мен мәдениетін қалыптастыруда, білім мен тәрбие берудің тиімділігі мен сапасын арттыру жолында, әрбір баланы жеке тұлға деп танып, еліміздің саналы азаматы болуына еңбек ете беремін.
