Мемлекеттік тілде еркін сөйлей алатын, өз ойы мен пікірін қазақша еркін жеткізе алатын, Отанымыздың тарихын, салт-дәстүрін, мәдениеті мен әдебиетін терең білетін білімді тұлғаны, еліміздің саналы азаматтарын даярлауды халық мұғалімдерден күтеді. Сондықтан, мұғалім өмір бойы оқып, ізденісте болу керек.
Міне, мен де осындай ізденісті шыңдайтын түрлі жаңалықтарға толы жалпы білім беретін мектеп мұғалімдері үшін «Назарбаев зияткерлік мектептері» дербес білім беру ұйымы, педагогикалық шеберлік орталығы мен ағылшындық Кембридж университеті бірігіп жасаған ІІ базалық біліктілікті арттыру курсын жүзеге асырушы «Өрлеу» педагогикалық қызметкерлерінің біліктілігін арттыру және қайта даярлау институтында ұйымдастырған біліктілікті арттыру курсына келіп, бағдарламаның жеті модулін топта тренердің көмегімен теория жүзінде меңгердім.
Нұсқулықтың тоқсан бірінші бетіндегі орта мерзімді және қысқа мерзімді жоспарды қалай құру керектігін негізге алып, тренердің бағыттауымен, тобымдағы әріптестердің ойын негізге ала отырып, орта мерзімді жоспарымды құрдым.
Алғашқы сабағымның орта мерзімді жоспарын құру барысында жеті модульді қалай ықпалдастырып, қолданамын деген ой келді. Әр сабағымда модульдерді бір-бірімен байланыстыра отырып, жаңаша әдіс-тәсілдер қолдануға тырыстым.
Бүгінгі таңда өзекті болып отырған «оқу қоғамдастығы» деген ұғым бар, онда оқушылар да, мұғалімдер де өздерін білім алушылар деп есептейді. Оқушылардың арасында бірлескен жұмыс, бір-бірін қолдау, топтық рух мадақталады. Олар топпен жұмыс істейді, онда тыңдау, дене қимылдары, келіспеушілікті құрметпен білдіру қабілеттеріне назар аударылады. Бұл философия одан ары оқуда нық тұру үшін қажетті өзін-өзі құрметтеу мен және өзі-өзі басқаруды дамытумен сипатталады; нәтижесінде тәуелсіз және ойшыл, өмір бойы оқуға қабілетті тұлға қалыптасады (мұғалімге арналған нұсқаулық 36-бет).
Әр сабағымды бастамас бұрын, сыныпта ынтымақтастық атмосферасын қалыптастыру үшін түрлі тренингтерді ұйымдастыруда, оқушылардың бірлескен жұмысы ықпалын тигізді.
Сабақтарымнан мен жеті модульдің бірінсіз бір –бірімен тығыз байланыста жүретін білімді көтеруші жүйе екенін түсіндім. Жаңа әдіс-тәсілдерді сабақ барысында қолдану мұғалімдер үшін өте тиімді екен. Себебі, мұғалім мен оқушы және де оқушы мен оқушы арасында өзара диалог орнатылып, оқушылардың ойын толық жеткізуіне жағдай жасалады. Осы тұрғыда әр оқушының жеке тұлға болып қалыптасуына әсер еттім деп ойлаймын.
Мұғалімдерге арналған нұсқаулықта көрсетілген білім үдерісінің нәтижелі болуы мұғалімдердің оқушы өздігінен меңгеріп, таныта білген білім -дағдылары мен амал, көзқарастарын зейін қойып, зерделей білген білім модельдері аясында ғана жүзеге асырылатынын байқадым.Бастауыш сынып мұғалімі ретінде өзіме түйгенім,әр оқушының оқуға деген қарым-қатынасын тек қана бағамен шектемей, үнемі ынталандырып отыру керек екеніне көзім жетті. Себебі, ынталандырылған оқушылар өзінің оқу үлгеріміне назар аударып, өзінің қателерін анықтап, алдағы сабақта меңгеруіне тиіс білімдер мен дағдыларды қалыптастыруына жағдай жасайды деген ойға келдім. Сондықтан да өзім сияқты ұстаздар қауымына көмекші құрал болсын деген ниетпен ІІІ сыныпқа арнап әдебиеттік оқу пәнінен құрастырылған орта мерзімді жоспарымды ұсынып отырмын.
.
