Досмаханова Роза 1979 жылы 11 қарашада Жалағаш ауданы Қаракеткен ауылында дүниеге келген. Білімі жоғары. 1999 жылы Қызылорда қаласындағы Қорқыт Ата атындағы мемлекеттік университетіне түсіп, бастауыш сынып мұғалімі мамандығын алып шыққан. Педагогикалық стажы -16 жыл. 1999-2002 жылдар аралығында №114 орта мектепте еңбек жолын бастаған. 2002-2008 жылдар аралығында №34 орта мектепте жұмыс атқарған. 2008 жылдың қараша айынан бастап №202 орта мектепте бастауыш сынып мұғалімі болып жұмыс атқарып келеді. Оқытудың озық технологияларын меңгерген, білім беруде тәжірибе жинақтаған Досмаханова Роза №202 мектепке келісімен жаңа ортаға тез үйреніп, ұжым мүшелері, ұстаздармен бірлесе еңбек етті. Р.Досмаханованың әрбір сабағы өте тартымды және қызықты өтеді. Сабақ барысында заман талабына сай озық әдістерді қолдана біледі. Алға қойған мақсаты-жас ұрпаққа бүгінгі өмір талабына сай білім мен тәрбие беру. Шәкірт үшін жасап жүрген еңбегі елеусіз қалған емес. Мәселен, аудандық “Бастауыш үздігі” тақырыбындағы бастауыш сынып мұғалімдерінің аудандық байқауында III орынды иеленген. Аудандық “Үздік бастауыш сынып мұғалімі-2011” байқауында “Жаңашыл мұғалім” номинациясымен марапатталған. Республикалық ақпараттық, ғылыми-танымдық “Ізденіс жолы” журналына материал жариялаған. Қазақ тілі пәні борйынша “Бастауыш сыныпқа арналған заманауи сабақ үлгілері” әдістемелік құралы жарыққа шықты. Шәкірттері аудандық байқауларда топты жарып, мектеп абыройын көтеруде. Атап айтар болсақ, 2014-2015 оқу жылында 1-7 сыныптар арасындағы “Зерде” конкурсының аудандық кезеңі бойынша Отызбай Шаттық “этномәдениет” секциясы бойынша III орын, 2014-2015 оқу жылында 3-4 сыныптар арасында математика пәні бойынша ұйымдастырылған логикалық олимпиядадан Отызбай Шаттық III орын, 2015-2016 оқу жылында аудандық “Менің сүйікті Әліппем” сайысында Темірбек Нұржан II орын иеленген. Халықаралық “Кенгуру-математик” сайысына, “Ақ бота” марафонына қатысқаны үшін оқушылары алғыс хаттармен марпатталған.

Досмаханова Роза 1979 жылы 11 қарашада Жалағаш ауданы Қаракеткен ауылында дүниеге келген. Білімі жоғары. 1999 жылы Қызылорда қаласындағы Қорқыт Ата атындағы мемлекеттік университетіне түсіп, бас...