Туған жылы – 1962 ж, ұлты- қазақ
Педагогикалық еңбек өтілі- 28 жыл, істеп жүрген қызметі бойынша еңбек өтілі 28, оның ішінде осы білім мекемесінде -18 жыл.
Білімі – жоғары, Ш. Уәлиханов атындағы Көкшетау пединституты, 1987 жылы бітірді.
Марапатталануы: Аудандық Құрмет грамотасы 1999 ж, Мектеп грамотасы 2000 ж, Мектеп грамотасы 1997 ж, Аудандық Құрмет грамотасы 2001 ж, Облыстық білім департаменті грамотасы 2001 ж, Аудандық Алғыс хат 2006 ж, Облыстық «Эрудит – 2007» олимпиадасында грантқа ие болған мектеп түлегіне сапалы білім бергені үшін 2007 ж, Шағын ғылым академиясының куәлігі 2007 ж, 2008 ж, Аудандық Құрмет грамотасы 2007 ж,Облыстық Алғыс хат 2008ж,Облыстық ішкі саясат бөлімі 2010ж, Мектеп грамотасы 2011ж.
Құсайынова Мүгілсім Сатбековна 1987 жылы Қайрақты орта мектебінде алғашқы ұстаздық жолын бастады.
1992-94 жылдар аралығында оқу ісінің меңгерушісінің қызметін атқарды.
1996 жылдан бастап аталған мектепте қазақ тілі мен әдебиетінен дәріс беріп келеді.
Осы мектепте талай жылдардан бері жемісті еңбек етіп келеді. Тек қазақ сыныптарында ғана емес, оқу орыс тілінде жүретін сыныптарда мемлекеттік тілді меңгертуге ерекше көңіл бөліп келеді.
Сабақ үрдісінде әрбір материалды түсіндіргеннен кейін дағдыларды бекіту, жете меңгеру, қайталау мақсатында талдау жаттығу жұмыстарын тиянақты, жүйелі жүргізеді.
Жаңашыл педагогтардың, «Ұжымдық оқыту», «Қазақ әдебиеті пәнін оқытудың тиімді тәсілдері», Қ. Бітібаева технологияларын, « Оқу мен Жазу арқылы Сын Тұрғысынан Ойлауды Дамыту» технологиясын әр сынып ерекшелігіне қарай тиімді пайдаланады.
Аудандық білім беру бөлімінің жан-жақты тексерісі кезінде әр сабағында оқушылардың ойлау қабілетін дамытуға әсерлі көрнекіліктер, техникалық құралдарды тиімді пайдаланып, тіл дамыту жұмыстарын рольдік, ойын, диалог, дискуссия т.б. сабақ типтерін топтық және жеке оқушылармен оқу формасын көрсете білді.
Мынадай тақырыптарда ашық сабақтар және тәрбие сағаттарын өткізіп өте жақсы деп бағаланды. «Бұқар шығармаларының маңызы», «Жамбыл Жабаев «Аттандыру» өлеңі», «Сәкен Сейфуллин «Далада» өлеңі», «Мұхтар Әуезов «Ақын қонақтар» әңгімесі», «Бабалар тағылымы – ұрпаққа өнеге», «Диалект сөздер», «Сан есім», «Мұқағали Мақатаев «Аққулар ұйықтағанда» поэмасы», «Құлақтан кіріп бойды алар», «Махамбет Өтемісұлы «Қызғыш құс» өлеңі», «Ана» пікірлесу сабағы, «Алтын сақа» ойыны т.б. Оқушылардың білім сапасы 50-70 % арасында. 9б сыныбында қазақ тілін тереңдетіп оқытты.. Оқушылардың танымдық, белсенділік іс-әрекет деңгейін анықтап, мониторингі сызылып, білім деңгейін