Ұстаз болу менің бала кезгі арманым еді.1983жылы Павлодар қаласындағы педагогикалық училищеге түстім. Менің арманым орындалып, алғашқы еңбек жолымды 20.08. 1987жылдан бастап, Қаратал сегіз жылдық мектебінде бастауыш сынып мұғалімі болып жұмысты бастадым.
Үш жыл Қаратал мектебінде жұмыс істеп, 28.09.1988жылы оқушыларға «Сапалы білім менсаналы тәрбие» бергені үшін, Аудандық білім беру бөлімі еңбек кітапшасына енгізе отырып, алғыс жариялады.
01.02.1992жылы Әуезов орта мектебіне семья жағдайыма байланысты ауыстым.Содан бері мен осы Әуезов орта мектебінде жұмыс істеп келемін. Еңбек жолымды бастағаныма биылтура 27 жыл толды.Ұстаздық еңбектің қызығы мен қиыншылығын шәкірттеріммен бірге атқарып келемін. Иә, әрине, барлығы алғашқы жасаған қадамнан, алғашқы аттаған табалдырықтан басталады. Бұл дегеніміз, бастауыш – адам өмірінің білім нәрін бойына жинай алуын, саналы сөйлей білуін қадағалайтын өз алдына бір төбе, өз алдына бір мектеп. Сол мектепті жақсы өткерген бала келешекте өз бағдарын өзгертпей, дауылды желге қарамастан желкенін тік көтеріп, ұшы-қиыры жоқ мұхиттың үстінен қалқып өтіп, өз мұратына жету жолын ойлайтын саналы өрен болатыны хақ.Білімді болудың тиімді жолы – оқу.Біздің алдымызға балалар жас кезінде келеді. Олар жас шыбық секілді. «Жасбала-шыбық, жас күнінде қай түрде иіп тастасаң, өскенде сол иілген күйінде қатып қалмақ»- деп айтқан екен ұлы педагог М. Жұмабаев.
Қазіргі таңда оқу үрдісінің өзегі жаңа технологиялар екені мәлім.Кез келген технология мұғалімнен терең теориялық, психологиялық, әдістемелік білімді,
үлкен педагогикалық шеберлікті, шәкірттердің жан дүниесіне терең үңіліп, оны ұғына білуді талап етеді.
Оқушыларға сапалы білім берудегі менің алға қойған мақсатым: Жаңа технологияларды пайдаланып, заман талабына сай жан-жақты дамыған болашақ ұрпақты қалыптастыру.
