Оқушылар, біздер өткен сабағымызда классик жазушыларымыздың бірі
Ғ Мүсіреповтың «Жаңа достар» әңгімесімен таныстық. Бұл шығарма жазушының «Қазақ солдаты» романынан алынған үзінді. 1950 жылы толықтырылып басылған бұл роман алғашында «Қазақ батыры» деген атпен 1945 жылы жарыққа шыққан. Романға негіз болған оқиға өмірде болған Кеңес Одағының батыры Қайырғали Смағұлов (романда ол Қайрош Сарталиев деген атпен берілген). Неміс басқыншыларына қарсы ауыр да қаһармандық күресті суреттеген тұңғыш шығарма.
Сіздер өткен сабақта жазушы шығармашылығымен танысып, әңгіменің мазмұнын білдіңіздер. Бүгінгі сабағымызда кейіпкерлерге мінездеме беріп, шығарманы талдаймыз. Бірінші сыныпты топтарға бөліп аламыз. Ол үшін оқушылар кезек келіп, мына қағаздарды суырамыз. «Адал дос- асыл қазына» деген мақалды суырғандарыңыз бірінші топ, «Досы көпті жау алмайды, ақылы көпті дау алмайды» деген мақалды суырғандарыңыз екінші топ болады.
I. Мазмұнын айту.
I топ. 1. Сұрақтарға жауап бер.
1. Қайрош қайдан қашып келеді? Кімдерге кездеседі?
2. Бораш пен Шегеннің басынан қандай оқиғалар өткен?
3. Балалар қай жерді қоныстанған?
4. Шеген өзіне достарды қалай таңдайды және Қайрошқа нені міндеттеді?
II топ. 1.Сұрақтарға жауап бер.
1. Балалардың таныстығы қалай басталды?
2. Бораш пен Қайрошқа Шеген қалай көмектеседі?
3. Қайрош нешеге дейін санай алады?
4. Шегеннің үш түрлі өсиеті қандай?
2.Шығармадағы Қайрош қандай бала? Қайроштың ұнамды, ұнамсыз қасиеттерін дәлелдеу.
I топ. Жақтаушы. II топ. Қарсы топ.
