Жас ұрпақтың тұлғасы мен санасының дамуы қуатты жүретін құнды да маңызды, қайталанбас кезеңі – бастауыш сатыдағы білім беру. Оқушыға білім-білік дағдыларды меңгертумен бірге, оларды шығармашылық бағытта жан-жақты дамыту – бүгінгі күннің ерекше талабы.
Осы салада білім бере жүріп, мол тәжірибеден түйгенім оқушының оқу материалдарымен белсенді түрде жұмыс істеуі, өздігінен жасайтын жұмыстар олардың белсенділігін арттырады. Оқу мен ойлау әрекетінің тиімді амал-тәсілдерін қалыптастырады.
Оқушыға заман талабына сай білім беріп, әлемдік бәсекеге қабілетті тұлға ретінде қалыптастыру үшін мұғалім ең бірінші өз-өзін дамытып, өзінің құзыреттілігін арттыруы қажет. Қазір нәтижеге бағытталған білім берудің тиімід әдіс-тәсілдері кеңінен қолданылуда. Мен де өз тәжірибемде осы әдіс-тәсілдерді тиімді қолданып жүрмін. Сабақтарымда топтық жұмыс, жұптық жұмыс, жеке жұмыс түрлерін қолданамын. Жаңа технологияларды, сабақ мазмұнын ашатын стратегияларды ұтымды қолдануға тырысамын. Тапсырмларды жас ерекшеліктерін ескере отырып таңдаймын. Оқу мен оқыту үшін бағалау модулін тереңірек меңгерсем деймін. Тәжірибесі мол ұстаздардың сабақтарымен танысып, өз біліктілігімді арттырсам деймін. « Қазіргі заманда жастарға ақпараттық технологиялармен байланысты әлемдік стандартқа сай мүдделі жаңа білім беру өте қажет»,- деп Елбасымыз өз жолдауында айтып қана қоймай, әр мектепті түрлі ақпаратты технологиямен қамтамасыз етуде. Ақпараттық технологиялардфң білім берудегі маңызы өте пайдалы: алыстағы ақпарат көздерін пайдалана алады, түрлі жүйелерге ену арқылы өз бетімен ізденеді, сұраныс бойынша ақпарат алады, электронды пошта арқылы хат алмасады, т.б.
Ақпараттық технологиялардың білім берудегі маңызы өте зор болғандықтан мен осфы салада өз білімімді жетілдірсем деймін. Сөзімді қорытар болсам, сабақ барысында мынадай талаптар басшылыққа алынуы үшін тәжірибе алмасып, бөлісуіміз керек:
Сабақ беру барысында оқушыға тұлға деп қарау, оқушылардың оқуға деген ынтасын арттыру, өз дербестігін, белсенділігні дамыту, оқу, дамыту жұмысын жүргізу үшін баланың табиғи талабын, қасиетін дер кезінде анықтау. Әр уақытта бала білімін алға қоюшы ұстаз үлкен көрсеткішке қол жеткізу жолында талмай талаптанып, шаршамай еңбек етуі керек. Мен алдағы уақытта сабағымда үлкен нәтижеге қол жеткізу үшін әдіс-тәсілдерді тиімді қолдануым керек, бағалауды терең меңгеруім қажет. Білім беру деңгейін көтері жолында аянбай еңбектену қажет.
