Диктант 5-сынып қазақ тілі сабақ жоспары

Күні:                                               Пәні:   қазақ тілі                                     Сыныбы:

Сабақтың тақырыбы:    Диктант

Сабақтың мақсаты:      

                                         1.Балалардың есте сақтау қабілетін дамыту,өз ойын еркін жеткізе білуге сауатты жазуға дағдыландыру.

                                  2.Мұқият тыңдап , ұқыпты жазуға үйрету.

                                  3.Өз ісіне ұқыпты,мейірімді,кешірімшіл болуға тәрбиелеу.

Сабақтың түрі:     қайталау

Сабақтың әдісі:  баяндау 

Сабақтың көрнекілігі:    диктанттар жинағы

Сабақтың барысы: 1.Ұйымдастыру кезеңі:                                                              Оқушылармен амандасу,түгелдеу,оқушылардың зейінін аудару.

Тақтаға бүгінгі күнді жазып қоямын.

2. Жаңа сабақты түсіндіру:

Нөсер

          Жел ұйытқып,қара жолдың күлгін шаңын көкке көтерді.Желден жауын ылғалының иісі аңқыды.Бірер минөт өткен кезде тамызықтап, сіркіреме жаңбыр жауа бастады.Жауынның бытырадай салқын тамшылары жолдың шаңымен араласып,иленіп,түйір-түйір балшыққа айналды.Сарышұнақтар үрейлене шиқылдай бастады,бытпылдықтардың таласқан дыбыстары айқынырақ естілді...

         Тары аңызының үстін сүйкей ,ышқына жел соқты.Аңыздағы ақ сабақтар тікірейіп,сыбырласа бастады.Жапан дала өткен жылғы алабота,қурайлардың құрғақ күңкіліне кенелді.Торланған бұлттың дәл етегінде қисая ауытқып, керулі қанаттарымен ауаның ағымын қуалай шығысқа қарай қарға қалықтап бара жатты.

                                                                                                                              (82сөз)

Мәтінді бір рет оқып беремін , оқушылар тыныс белгісін қояды,

Үйге тапсырма:  Қайталау.