КӘСІБИ
ҚҰЗЫРЕТТІЛІГІ ЖОҒАРЫ МҰҒАЛІМ - МЕКТЕПТІҢ ЖҮРЕГІ
Білім
– таусылмайтын қазына, сарқылмайтын байлық, барлық игіліктің бастауы. Сапалы
білім беру мәселесі қоғамда ең өзекті тақырыптардың бірі саналады. Себебі, шарықтап
дамып жатқан инновациялық және технологиялық үдеріс кезеңінде келешек ұрпақтың
білім сапасы заманауи талаптарға сай болуы міндетті. Ол үшін мектептің
жүрегі саналатын мұғалімнің де кәсіби құзіреттілігі жоғарғы деңгейде болуы
керек.
Қазіргі
таңда, яғни ХХІ ғасырда сабақ оқыту барысында жаңа әдіс-тәсілдерді қолдану,
инновациялық технологияларға сай әрекет ету мұғалім құзіреттілігін танытады.
Оқушының білімді өз деңгейінде меңгеруіне, жеңіл қабылдауына, өмірде қолдана алуына
жол ашу үшін мұғалім бала психологиясын жақсы меңгеруі және сыныпты дұрыс
басқара алуы қажет.
Әл-Фараби атындағы ҚазҰУ филология факультетінің
магистранттары оқитын «Басқару психологиясы» пәні бұған нақты дәлел бола алады.
Жалпы және қолданбалы психология кафедрасының профессоры
психология ғылымдарының кандидаты Н.С. Жубаназарова пәнді оқыту барысында магистранттарға теориялық біліммен
қатар практикалық тапсырмалар да береді. Осы арқылы ұстаздық құзыреттілік
дағдыларын қалыптастыруға көмектеседі. Әр тақырыпты талдап, ғалымдардың
зерттеулеріне сүйеніп, қызықты мәліметтермен толықтыру арқылы мұғалім ретінде
біз шыңдала түсудеміз.
«Басқару
психологиясы» пәнінің мақсаты һәм өзектілігі анық. Болашақта әр магистранттың
білім ордасында немесе басқа да салада жұмыс істері анық, сол сәтте басшы мен
қызметкер арасындағы байланысты қалай дұрыс сақтау қажет, қандай іскерлік этика
талаптарына бағыну қажет және қызметтік түсініспеушілік туындаған жағдайда қай
тарап, қандай шешім қабылдауы керек екенін нақты анықтап береді. Профессорымыз
Назираш Сүлейменқызының сабақ өткізу барысындағы ұтымды тұсы «Рөлдік ойындар»
арқылы мәселені өзіміз зерттеп, өзіміз шешуге мүмкіндік береді.
Қорыта айтқанда, бұл пәннің
магистранттарға берері мол. Білім алушының еркін көзқараста дамуына, өз ойын
ашық білдіруіне әрі ұйымдық мәселелерді тез және оңай шешуге үйретеді.
Жубаназарова Н.С.
Әл-Фараби атындағы ҚазҰУ
психология ғылымдарының кандидаты, профессор
Бөлекова А.У.
Әл-Фараби атындағы ҚазҰУ магистранты
Оставьте свой комментарий
Авторизуйтесь, чтобы задавать вопросы.