Электронды үкіметтің тиімділігі мен пайдасы.
Еліміз
халықаралық қауымдастықтың бір мүшесі болғандықтан, әлемде болып жатқан
үрдістер Қазақстанды айналып өтпей қоймайды. Сол себепті қазіргі таңда көптеген
мемлекеттерде ақпараттық технологиялардың көмегімен біраз іс-шаралар
атқарылуда. Атап айтқанда мемлекеттік мекемелердегі дерекқорларда
жиналып қалған түрлі мәліметтер толықтырылып қана қоймай басқа да пайдалы
шаруаларға кәдеге асып, ҚР азаматтарының мемлекетпен қарым-қатынасы
кезінде уақытын үнемдеуге септігін тигізіп жатыр. Әлемнің көп елінде жалпы
атаумен «электронды үкімет» аталған жоба 18 жыл бұрын Қазақстанда да дүниеге
келіп, қазіргі кезде қарқынды даму сатысын бастан өткеруде. Электрондық үкімет– халықтың
ел үкіметі мен тікелей байланысын қамтамасыз
ететін жүйе. Үйден шықпай-ақ электронды үкімет порталында небәрі 10-15
минут ішінде анықтама алуға, күн-түн демей, кез келген уақытта баланың
жөргекпұлын алуға,баланы балабақшаға
кезекке қойып оны нешінші кезекте тұрғанын көруге, мекен жай анықтамасын
алуға, тіпті баланың туу туралы куәлігін шығартып қана қоймай коммуналдық
қарызында төлеп және осы секілді
басқа да қызметтерді алуға болады. Міне, «Цифрлық Қазақстан»
бағдарламасының алға қойған мақсаты-осы дей отырып Мұнайлы ауданы Маңғыстау
елді мекеніндегі Шоғы Мұңалұлы атындағы № 5 жалпы білім беру орта мектебінің
жанынан ашылған «Күншуақ» шағын орталығында «Цифрлы Қазақстан бүгіні мен
болашағы» аттs ҚР Электрондық
үкіметі www.e.gov.kz веб-порталы арқылы мемлекеттік қызмет алудың тиімділігі
туралы ата-аналармен кездесу өтті.
Бұл кездесуде азаматтар мен үкімет арасындағы ашық және
ыңғайлы қарым-қатынас орнатудың механизмі саналатын жоба, яғни www.egov.kz
порталы туралы мамангдар ең пайдалы ақпаратпен бөлісті.
Пайдаланушылардың ең жиі сұранысына ие құжаттардың бірі мекен
жай анықтамасы. Бұл анықтаманы бірнеше минуттардың ішінде тегін түрде ХҚКО-да,
сондай-ақ электрондық үкімет порталы арқылы алуға болатыны туралы ақпарат берілді. Елбасымыз
Н.Ә. Назарбаевтың : Электрондық үкімет енгізу–бұл мемлекеттік басқарудың тиімділігін жоғарлатуға бағытталған әкімшілік реформаның маңызды элементі
деген сөздерімен қорытындылай отырып Біз жеңіл және ыңғайлы тәсілмен, қазіргі заманғы технологияларды
белсенді қолдана отырып қарым қатынас жасайтын ақпараттық дәуірге бірге жетейік.
Турбекова
Анар Бакитовна
Маңғыстау облысы
Мұнайлы ауданы «Күншуақ» шағын орталығы
Оставьте свой комментарий
Авторизуйтесь, чтобы задавать вопросы.