Технология пәнінен 8 сыныпқа арналған сабақ жоспары
Сабақтың тақырыбы: Матадан гүл жасау.
Мақсаттары:
Білімділік: Оқушыларға еліміздің табиғатының ғажайыптарын түсіндіріп,
гүлдерге тән қасиеттермен таныстыру, гүл бейнесін тігу технологиясымен
таныстырып, үйрету.
Дамытушылық: Оқушыларды өздігінен еңбек етуге дайындау. Еңбекке деген
қызығушылығын арттыру. Шығармашылығын, эстетикалық қабілеттерін дамыту.
Тәрбиелік: Ұқыптылыққа, үнемшілдікке тәрбиелеу. Табиғатқа деген сүйіспеншілікке
, әдемілікке, әсемдікке баулу.
Әдісі: түсіндіру, шығармашылық ізденіс
Материалдар мен
құралдар: мата қиықтары, ине, жіп, қайшы , шаблондар.
Сабақтың барысы
І. Ұйымдастыру бөлімі:
Мұғалім сөзі:
- Балалар, мен сендерді бүгінгі сабақта көргеніме қуаныштымын. Сендердің гүлдей
жайнап күлімдеген жүздеріңді көріп сүйсініп тұрмын. Гүл-дүние көркі дейді
ғой. Гүл-жердің көркі болса, қыз елдің- көркі дейміз. Қыздарды әсем гүлдерге
теңейді ғой. Ендеше әрқайсымыз өзімізді қандай гүлге ұқсатады екенбіз? Бірер
секунд ойланып көріп өзімізді қандай гүл ретінде елестете алатынымызды ойланып
көрейікші. Әрқайсың гүлге айналып кететін мүмкіндіктерің болған жағдайда ,
қандай гүлге айналғаныңды қалар едің? Соны елестетіп көріп,
айтайықшы.(оқушылар өздерін қандай гүл ретінде көретіндігін айтып шығады ).
Ия
,балалар , мен мұны сендерден бекер сұраған жоқпын .Сендердің таңдауларыңда
қандай да бір мағына бар. Қандай да бір гүлді таңдауларың сендердің
бойларыңда бар кейбір мінез-қасиеттерді көрсетеді екен.
Мысалы,
раушан гүлін таңдағандар ашық мінезді, барлығымен тіл табыса алатын, өз
мақсатына жете алатын, айналадағыларына махаббат сыйлай алатын жарқын да нәзік
жандар екен.
Бақытгүлі
(хризантема)
таңдағандар ұстамды, ерік күші мықты жандар болса,
Ал
өзін қалампыр гүліне балайтындар - тік мінезді, өз ойы бар және сол
ойын әрқашан да қорғай алатындар екен, ал енді шегіргүл (фиалка) гүлін
ұнататындар - өте нәзік, ұяң, қиялшыл, шығармашыл тұлға болып саналады екен.
Жұпаргүлін (сирень) гүлін жақсы көретіндер қарым қатынаста
қарапайым, жасандылықты ұнатпайтын, шынайы адамдар . Олар дың мінездеріне
тұрақтылық пен шыдамдылық тән екен. Ал енді түймедақ гүлін ұнататындар-
нақты мақсат қоя біліп, мақсатқа жету жолында тек адамгершілікке сүйенетін,
адамгершілікті бірінші орынға қоятын , нағыз дос бола алатын жандар болса, қызғалдақты
жақсы көретіндер өмірдің кез келген жағдайына төтеп бере алатын, барлық
қиыншылықтарды оңай шеше білетін , қарым қатынаста өте жеңіл әрі қарапайым
болады екен. Соған қарамастан, олар үнемі жұмбақ жандар екен.
Мінекей , балалар, гүлдер туралы
айта бастасақ, бұл бір бітпейтін әдемі әңгіме бола береді. Себебі гүлдер
адамға қуаныш, бақыт сыйлайды. Әдемілігімен көз қуантады, бойымызға
мейірімділік пен жылулық сыйлайды.
Ал енді мына слайдтарға назар
аударайықшы . Мұнда гүлдерге байланысты әдемі сөздер бар. Әдемі гүлдерді
тамашалап, мақал-мәтелдердің мағынасына назар аударайық. Мұқият тыңдап есімізде
сақтап қалайық .
(Слайдар )
Ендеше балалар жаңа
ғана слайдтардан тамашалаған бір сұлу әлемнің бір кішкентай бөлшегін біз де
сезіну мақсатында сабағымызда гүлді өз қолымызбен жасап көрейік. Біздің
гүліміз ешқашанда солмайды, әдемі болып тұра береді. Біз оны шашымызға
тағатын шаш буғышқа тігіп шашымызға тағамыз. Қыздың көркі-шаш дейді , ендеше
өз қолымызбен жасаған раушан гүліміз шашымызды ажарландырып , көрік беріп
тұратындығына сенімдімін. Жасауды бастамас бұрын слайдарға назар
аударуларыңды сұраймын. Слайдардан қандай гүл түрлерін жасауға болатындығын,
қолымыздан жасаған гүліміздің қолдану аясын, яғни қайда қолдануға болатындығын
тамашалай аласыңдар.
Гүлдерді біз тоқыма тоқу әдісімен
, жүнді басу әдісімен, ленталармен, және матадан тігу арқылы жасай аламыз.
Слайдтар көрсету.
Келесі слайдтардан гүлдің жасалу
ретін көре аласыңдар. Біз бүгін сабағымызда раушан гүлін жасаймыз. Кіріспес
бұрын, әрине қауіпсіздік ережелерін есімізге түсірейік. Қазір тәжірибелік жұмыс
барысында біз өткір, үшкір құралдармен жұмыс жасаймыз. Инемен, қайшымен жұмыс
жасағанда нені білуіміз керек? (оқушылардың жауаптары).
1. Жұмыс алдында ине мен түйреуішті дұрыстап санап алу керек.
2. Инемен жұмыс кезінде абай болу керек.
3. Жұмыстан соң инені жастықшаға түйреп қою керек.
4. Инені ауызға салуға болмайды.
5. Қайшыны бір - бірлеріңе тек тұйық жағымен берулерің керек.
Жақсы ережені еске түсірдік . Сақтап
отырыңдар.
Ендеше жұмысымызды бастайық. Ол үшін бізге мата, ине, жіп, қайшы
қажет. Алдымызда шаблондар және нұсқау картасы бар. Жаңа слайдтардан ретін
көріп шықтыңдар, енді алдарыңдағы нұсқау картасымен танысып, жұмысқа
кірісеміз. Жұмыс соңында отырған орыныңды жинақтап, ине, түйреуішті
түгендеп алу керек.
Сарамандық жұмыс. Нұсқау карта бойынша жұмысты орындау.
Сергіту сәті. Дене жаттығуларын жасату.
Жұмыс жасалу кезінде оқушыларға мұғалім
тарапынан қосымша түсіндіру, көрсету сияқты көмек көрсетіледі.
Сабақты қорытындылау.
Не білемін? Не білдім? Нені білгім келеді?
Әр оқушы өз ойын білдіріп, сабақтың
несімен ұнағандықтарын айтып береді.
Жұмыстарды бағалау.
Не білемін?
|
Не білдім?
|
Нені білгім келеді?
|
|
|
|
Раушан гүлін
жасаудың нұсқау картасы
№
|
Жұмыстың
орындалу реті
|
нобайы
|
1
|
Өлшемі
әр түрлі 3 жапырақ шаблонын қағаздан қиып дайындаймыз.
|
|
2
|
Матаға
шаблонды қойып, сызып аламыз.
|
|
3
|
Сызғанымызды
қиямыз.
|
|
4
|
3
үлкен, 3 орташа, 3 кішкентай жапырақ қиямыз.
|
|
5
|
Кішкентай
жапырақтан бастаймыз.
|
|
6
|
Жапырақты
ұзындығынан екі бүктейміз.
|
|
7
|
Ашық
шетінен ұсақ көктеу тігісімен тігіп шығамыз.
|
|
8
|
Жіпті
тартып бүреміз.
|
|
9
|
Осылайша
қалған кішкентай жапырақтарды тізіп шығамыз.
|
|
10
|
Бірінші
қатар дайын.
|
|
11
|
Орташа
жапырақтарды тігіп тіземіз.
|
|
12
|
Үлкен
жапырақтарды дәл осы әдіспен тігіп тіземіз.
|
|
13
|
Гүліміз
дайын.
|
|
14
|
Енді
шаш буғышты аламыз.
|
|
15
|
Шаш
буғышты гүлге бекітіп тігеміз.
Бұйым
дайын.
|
|
Оставьте свой комментарий
Авторизуйтесь, чтобы задавать вопросы.