Оскус ангыр. М. Кенин-Лопасан

• 1 слайд

  Хемчик хемниң кыдыынга бир-ле дугаар келгеним ол. Тоолда кирген Кыс-Халыырның кыйыг черде чалым хаязын көрүп чораан мен.
  Сүвүр даштын уттунуп алгаш, чалгыгларже көрүп орумда, бир аңгыр бажым кырында дескинип келди.
  

• 2 слайд

  Дөрт аңгыр ийи-ийи болуп алгаш, хемни куду кылайтып батты.
  Олар ээтпек черге баргаш, шөлээни кончуг хонуптулар.
  

• 3 слайд

  Алдын-сарыг чаңгыс аңгыр, хирезин бодаарымга, эрткен күзүн эжин бооладып каапкан черин база катап эргип келгеш, ыы-сыызын төп турганзыг болду.
  

• 4 слайд

  Дөрт аңгырның салдап чораан черинге чаңгыс аңгыр хонмайн барды. База катап мээң кырымга дескинип утуруп-туруп, сүвүр хаяның артындыва ужуп чоруй барды.
  

• 5 слайд

  Ол аңгыр көзүлбейн барза-даа, сөөк-даяа кургап калган ынак эжин сактып алгырган кударанчыг үнү кулаам уюкталдырыпкан, хая безин ол кээргенчиг аялганы чаңгыландыр катаптап турган.
  

• 6 слайд

  Эштиг аңгырны эжинден чарып каан куурумчу кижиде кээргээр сеткил кайын турар. Оранның ховар кужунуң хайыралыг эжинден чарылган черинге келгеш, ыглап турганнын дыңнааш, таан кончуг муңгараан мен.