Кезекті
коучинг тақырыбым «Оқыту мен оқудың жаңа әдіс-тәсілдері.» туралы болды. Бұл
тақырыптағы коучингті үш рет, үш топқа өткіздім. Бірінші топта 16 адам, ағылшын
тілі бірлестігінің мұғалімдері мен физика - математика бірлестігінің
мұғалімдері болды. Екінші топта 12 адам, мұғалімдердің өздерінің өтініштері
бойынша бастауыш сыныптар мұғалімдері, орыс тілі мен қазақ тілі мұғалімдері болды.
Үшінші топта № 19 және № 29 мектептердің мұғалімдерін біріктіре отырып
өткіздім.
Коучинг
сабағының сипатамасы.
Тақырыбы: Оқыту
мен оқудың жаңа әдіс-тәсілдері.
Мақсаты: Оқыту
мен оқудың жаңа интелектуарды білім беру әдіс-тәсілдері туралы
мағлұматтар беру. Білім алуға бағдарланған оқыту түрлерінің тиімділігін
түсіндіру
Мұғалімдер
үшін табыс критерийлері:
1. Тактикалық
оқу мен білім алуға негізделген оқу түрлерінің негізгі мақсаттары мен
күтілетін нәтижелерін түсінеді.
2. Сапалы
білім берудің қыр-сырын біледі.
3.Топтық
жұмыстың сыныптағы тиімділігі мен тәрбиелік мәнінің зор екендігі туралы
түсінік қалыптастырады.
Коучинг
сабақтың басында әріптестерді бірінші топты түрлі түсті суреттердің
ұқсастығы арқылы топқа бөліп алсам, екінші топты молекула биі арқылы
топтастырдым. Себебі екінші топқа коучинг сабақты сағат 12.00-де өткіздім және
әріптестердің шаршаңқырап тұрғандарын байқадым, сол себепті оларды сергітіп
алу керектігін түсіндім.
Әріптестерді слайд арқылы сабақтың тақырыбымен таныстырып, оқыту түрлеріне
тоқталдым. Тақтикалық оқу мен білімге негізделген оқуды ашық сұрақтар қоя
отырып әріптестердің ара-жігін айыруларына түрткі жасап отырдым. Әр топтан
мұғалімдер бір-бірлерінің ойын толықтырып отырды.
Топтағы
мұғалімдердің басым бөлігі жас мамандар болғандықтан оларға Шульманың үш
көмекшісін қалай тиімді пайдалану керектігі туралы және сапалы білім беру
үшің ең алдымен нені шебер қолдану керектігі туралы түсіндіріп кеттім.
Әріптестерге білім берудің тиімді жолын жете түсінулері үшін «Оқу
пирамидасымен» таныстырып, қай оқу түрінің тиімді екендігін көздерін
жеткізуге түрткі жасадым. Әр мұғалім өздерінің пәндері бойынша оқу
пирамидасының әрбір сатысындағы іс әрекеттерге не істеуге болатындығы
туралы өз болжамдарын айтып, оқытудың тиімді жолдарын түсінді.
Келесі кезекте
мен мұғалімдерге ұшу аппаратын жасауларын сұрадым. Олар әртүрлі ұшу
аппараттарын жасап , көрсетілген нысанаға ұшақтарын жеткізуге тырысты,
бірақ ешқайсысының ұшақтары көздеген мақсатқа жете алмады. Оларға осы
нысанаға ұшақтарын қайткенде жеткізу керектігін айтып, олар әртірлі
әдістермен ұшақтарын қайтадан жасап, бірнеше әріптестер ұшақтарын нысанаға
дейін жеткізді. Осы жаттығу жұмысы аяқталғаннан кейін олардан осыдан қандай
пікірге келгендігін айтулары үшін ашық сұрақтар қоя отырып, олардың бір
тоқтамға келулеріне түрткіә жасадым. Яғни олар «Мұғалім алдында отырған
оқушыға тиімді әрі сапалы білім беру үшін жалықпай әртүрлі әдіс тәсілдерді
пайдалана отырып,білім берудің негізгі көзін таба білу керек деді.»
Мұғалімдерді топқа
бөлудің бірнеше түрлерімен және керекті ресурстар туралы мағлұматтар
бердім. Әр топтан бір мұғалімнен шақырып, ортада тұрған бірнеше
конверттердің біреуін алуларын сұрадым. Әр конвертте топтық жұмыстың түрлері
болды. Олар: Джексо әдісі, постермен дұмыс, және деңгейлік жұмыс. Әріптестер
топтары бойынша бөліп алған жұмыстарын қызығушылықпен атқарды және қорғады.
Бір топ келесі топтың жұмыстарын көре отырып , топтық жұмыстардың түрлерін
үйренді. Топтық жұмыс біткеннен кейін олар бұл жөнінде өз пікірлерін айтып
өздерінің қызығушылықтар білдірді.
Әр топ екі
жұлдыз бір тілектерін өздерінің жұмыстарымен ерекше көзге түскен топтарға
берді және кері байланыстарын жазды.
Сәтті
тұсы:
Әріптестер коучинг сабаққа қызығушылықпен қатысты және олар өз бойларынан
өткізе отырып, көптеген жаңа сабақ берудің әдіс-тәсілдерін үйренді.
Мұғалімдердің арасында ауызбіршілік пен бір- бірлеріне деген түсінушілік
байқалды. Олар алдарында отырған оқушылардың жан дүниелеріне үңіле отырып,
түсінушілікпен және мейіріммен сабақ беру керектігі туралы өз пікірлерінде
атап айтып кетті. Кейбір мұғалімдердің көздерінен оттың ұшқынын байқадым және
олардың жұмыс істеулеріне шабыт бере алғандай болдым.. Кері байланыстарынды
жас мамандар кейбір сабақта өздеріне тәртібі мен сабақ үлгірімі бойынша
қиыншылық тудыратын оқушылармен қалай жұмыс істеуге болатындығы жөнінде
оларға кеңес берулерін сұрапты. Мен келесі күні жас мамандарды жинап алып,
олардың сұрақтарына байланысты ақыл кеңестерімді бердім.
Сәтсіз тұсым: Үшінші №
19 және № 29 мектеп мұғалімдерін біріктіре отырып өткізген коучингте №19
орта мектептен келген 4 мұғалім коучинг кезінде мұғалімдік этикетті
сақтамай , ерсі қылықтар жасап отырды. Дегенмен де олар Үшінші деңгейді
бітірген сауатты мұғалімдер болып саналады. Бұдан олар осы жаңа
әдіс-тәсілдерді меңгеруде қызығушылығы жоқ және олар үшін бәрі бір
екендігін байқатты.
Бағдарламаның
идеяларына қатысты мұғалімдерді оқытуды бағалау:
Осы
коучингтен кейін жаңа әдіс-тәсілдерді қаншалықты меңгергендігін бақылау
мақсатында мұғалімдердің сабақтарына қатыстым. Нәтижесінде жас мамандар
болсын, құзіреттілігі жоғары маман болсын осы топтық жұмысты сабақтарына
біртіндеп қолданып жатқанын көрдім. Әсіресе Шульманның үш көмекшісі туралы
мағлұмат алған жас мамандардың бойларында өзгеріс байқалды.Олай дейтін себебім
өзімнің
бірлестігімнің өзінде кейбір жас мамандар мұғалімдік этикетті
білмейтіндігін, сабақты қалай болса солай өтетіндігін сабақтарына
қатысқанда байқаған едім және өкінішке орай Шульманның үш көмекшісінің
ешқайсысын толық шебер қолдана алмағандығын көріп , сабаққа дейінгі ол мұғалім
жөніндегі пікірім өзгерді.
Сабақ
аяқталғасын сол мұғалімге өзінің жіберген қателіктері туралы айтып, қалай
жұмыс істеу керектігі туралы үйреткім келген кезде ол мұғалім өз қателігін
мойындамады және ол өзін өте жоғары бағалайтындығын байқатты. Кейін де сол
мұғаліммен жеке сөйлесіп, өз ақылымды айтқым келген кезде ерсі қылықтар
көрсетіп, өзінің тәрбиесінің төмендігін тағы дәлелдей түсті. Ал осы коучинг
сабаққа қатысқаннан кейін ол өз қателігін түсініп, өзін-өзі тәрбиелеуге
тырысып жүр. Кейінгі сабақтарына қатысқанда оның оқушылармен сөйлесу
тәсілі мен өзін-өзі сабақта ұстауы, оқушыларға деген көзқарасы да
өзгергендігін байқадым және өз сабағына тыңғылықты дайындарып келгендігін
көрдім. Осыдан кейін осы коучинг сабағының құдіреттілігін тағы да
мойындай түстім.
Оставьте свой комментарий
Авторизуйтесь, чтобы задавать вопросы.