Тақырыбы: «Тарих
беттерінен»
Күні:
Форматы: дөңгелек
үстел
Мақсаты: Тарих
беттеріндегі ұлы тұлғаларды насихаттау.
Көрнекілігі: слайд,
нақыл сөздер, видео
Барысы:
І.Кіріспе
сөз
Сәлеметсіздер
ме, қадірлі ұстаздар!
Құрметті
қонақтар және әріптестер, қадірлі студенттер, баршамызға белгілі 31 мамыр
Қазақстан үшін ерекше аталынып өтетін қаралы дата. Біз бұл күнді жай айта
салғанымызбен, оның түбінде үлкен қайғы қасірет жатыр. Әрбір қазақтың баласы
осы қайғы-қасіретті ұмытпауы керек. Бүгінгі дөңгелек үстел XX ғасыр тарихының
ең қайғылы оқиғаларының біріне арналады. Қуғын сүргін құрбандарын еске алуға
арналған «Тарих беттерінен» атты дөңгелек
үстелге қош келдіңіздер!
Бұл
дата Қазақстан үшін айрықша мағынаға ие. «Халық жауларын» анықтау бойынша қатаң
саясаттың салдарынан қуғын сүргінге ұшырағандардың өздері ғана емес, олардың
жақындары да зардап шекті. Қазақстанда 103 мыңнан астам адам қуғын – сүргінге
ұшырады, 25 мыңнан астамы ату жазасына кесілді. Олардың арасында қазақ
зиялылары: ғалымдар, мәдениет және саясат саласының қайраткерлері болды.
Кеңестік билік жергілікті тұрғындардың ұлттық ерекшеліктері мен мүдделерін
қорғаушыларға, ұлттық автономия құру идеясын қолдаушыларға «тап жаулары»,
«ұлтшылдар», «жат пікірдегілер», «әдеуметтік қауіпті элементтер» деген жала
жабылып, халықтың да оларға деген теріс көзқарастарын қалыптастыруға жағдай
жасады.
Қазақстан
үшін саяси қуғын-сүргін құрбандарын еске алу күнінің үлкен мәні бар.
Тәуелсіздік алғаннан кейін 1993 жылы 14 сәуірде «Жаппай қуғын-сүргін
құрбандарын ақтау туралы» ҚР Заңы қабылданды. Ал, ҚР Президенті Н.Назарбаев
1997 жылы- Жалпыұлттық татулық пен саяси қуғын-сүргін құрбандарын еске алу
жылы, сондай-ақ, 31-мамыр – Саяси қуғын-сүргін және ашаршылық құрбандарын еске
алу күні деп жариялағаны дүйім жұртқа мәлім.
Жоспары
1. «Бәрі
қалай басталған еді...» (видео)
2.«Азаттық
таңын аңсаған Алаш арыстары» (Слайд)
(1 мин.
үнсіздікпен еске алу)
Мәнерлеп
оқу.
3.
Баяндамалар кезеңі
а)
«Жалпыхалықтық қасіретті еске алудың мәні мен маңызы»
б)
«Ата-бабам аңсаған- Тәуелсіздік тұтқасы бізге аманат»
Қорытынды. Мұның бәрі кейінгі толқын бабаларымыздың қанмен жазылған тарихын біліп
–өсіп, оған құрмет көрсетіп, ұрпақтан-ұрпаққа жеткізу үшін қажет. Президент
Н.Ә.Назарбаев осы зобалаң жылдары туралы: «Біз әлдекімді немесе тарихты
кінәлағымыз келмейді. Біз тек шындықты білгіміз келеді. Шындықты білу арқылы
тап сондай нәубат қайталанбас үшін не істеу керек екенін біліеміз»,- деген.
Біз жазықсыздан жазықсыз жапа шегіп, қуғын-сүргін құрбаны болып, оққа ұшқан
батыр халықтың бақытты ұрпағымыз. Бақытты дейтін, себебіміз, біздің еліміз бен
жеріміз аман сақтап қалған қайсар еліміз, батыр ерлеріміз бар. Сосын біздің
Қазақстандай Тәуелсіз мемлекетіміз бар, бейбіт заманда өмір сүріп жатқанымыздың
өзі бақыт. Осындай бағымыздағы бақ құсымызды, құт-қадірімізді өз уақытында бағалай
біліп, бағамдай жүрейік! (Ән)
Оставьте свой комментарий
Авторизуйтесь, чтобы задавать вопросы.