Үштілдік білім - заман талабына мақала

Үштілділік — заман талабы.

XXI ғасыр  — жаңаша даму  кезеңінің бастауы болып табылады. Еліміз үшін маңызды қадамның бірі – бұл білім мен ғылымды инновациялық технология бағытымен дамыту.  Қазіргі таңда, барлығымызға белгілі тілдерді дамыту – еліміздегі мемлекеттік саясаттың ең маңызды мәселесіне айналып отыр.  Үш тілде білім беру  орта мектепте оқушылардың пәнге деген қызығушылығымен бірге сабаққа белсене қатысуын арттырып,  бәсекеге қабілетті тұлға қалыптастыруда көп септігін тигізуде.

Елбасымыз Н.Ә Назарбаев «Жаңа әлемдегі жаңа Қазақстан» атты халыққа жолдауында «Қазақстан бүкіл әлемде халқы үш тілді пайдаланатын мәдениетті ел ретінде танылуға тиіс. Бұлар: қазақ тілі-мемлекеттік тіл, орыс тілі-ұлтаралық қатынас тілі және ағылшын тілі-жаһандық экономикаға ойдағыдай кірігу тілі»деген болатын.  Осы қағиданы басшылыққа алып, ұстаздарымыз үш тілді еркін меңгерген, өз білімін түрлі саладағы қарым-қатынас жағдайында пайдалана алатын ұрпақ тәрбиелеуге кірісіп те  кетті. Қазіргі ақпараттық технологияларының дамыған заманында үш тілді меңгеру қиындық тудырмайды. Оқушылар ағылшын тілін тек қана сабақ барысында емес, ғаламтордың көмегімен де еркін меңгеріп жүр. Көп тілді үйрету арқылы біз  болашақта көкірегі ояу, көзі ашық , әлемдік мәдениетке көзқарасы қалыптасқан азамат тәрбиелейміз деген ойдамын. Ақын Қадыр Мырза-Әли ағамыз айтқандай «Ана тілің арың бұл, ұятың боп тұр бетте. Өзге тілдің бәрін біл, өз тіліңді қүрметте» дей келе, ана тілімізді құрметтейік, ал өзге тілдерді меңгеруге барынша құлшыныс жасайық.

Лисаков қаласы
«№3 орта мектебі»КММ
Өзін-өзі тану пәнінің мұғалімі Башеева А.А.

Краткое описание документа:

Елбасымыз Н.Ә Назарбаев «Жаңа әлемдегі жаңа Қазақстан» атты халыққа жолдауында «Қазақстан бүкіл әлемде халқы үш тілді пайдаланатын мәдениетті ел ретінде танылуға тиіс. Бұлар: қазақ тілі-мемлекеттік тіл, орыс тілі-ұлтаралық қатынас тілі және ағылшын тілі-жаһандық экономикаға ойдағыдай кірігу тілі»деген үндеуін қолдап, оқушыларға үштілдік білімнің өзектілігі туралы айтылады.

Қазіргі ақпараттық технологияларының дамыған заманында үш тілді меңгеру қиындық тудырмайтыны туралы айтылады.

Оқушылар ағылшын тілін тек қана сабақ барысында емес, ғаламтордың көмегімен де еркін меңгеріп жүргенін растайды..