Инфоурок / Другое / Рабочие программы / Ұстаздар ұлы тұлғалар планирование

Ұстаздар ұлы тұлғалар планирование



Московские документы для аттестации!

124 курса профессиональной переподготовки от 4 795 руб.
274 курса повышения квалификации от 1 225 руб.

Для выбора курса воспользуйтесь поиском на сайте KURSY.ORG


Вы получите официальный Диплом или Удостоверение установленного образца в соответствии с требованиями государства (образовательная Лицензия № 038767 выдана ООО "Столичный учебный центр" Департаментом образования города МОСКВА).

ДИПЛОМ от Столичного учебного центра: KURSY.ORG


библиотека
материалов

«Ұстаздар - ұлы тұлғалар»  

Ұстаздар мейрамына арналған  мерекелік шара

  1. Сахна сыртынан Ұстаз  туралы өлең оқылады (әуен жүріп тұрады)

Данышпан да, дана да оқып сенен,
Атақ-даңқын асырды бар әлемнен.
“Ұстаз” деген аяулы, асыл жанды,
Жақсы көрем, арнаймын жақсы өлең!

D:\рисунки\пл№7\мугалидер куни 2012жыл\DSC05350.JPG

     2.  Жүргізушілер шығады:

1- жүргізуші: Армысыздар, бармысыздар,   Қош келдіңіздер,  Құрметті де аяулы  ұстаздар!

2-жүргізуші: Ұстаз деген – жарық күні ғаламның,
Ұстаз деген – анасы ол адамның.
Бүкіл әлем мойындайды еңбегін,
Сен де одан адам болып жаралдың.
Ұстазыңды түсінген сен тереңнен,
Бар әлемге еңбегімен еленген.
Сенің бағың өрге қарай өрлесе,
Ол да бірге қуанышқа кенелген.
Сол арқылы сен де өмірді жалғадың,
Ізгі іс қой, ұстаз тілін алғаның.
Мақтау алсаң ұстаздардың алдында,
Ол өзіңнің орындалған арманың.
Ұстаз сөзін айтып жүрдік ән қылып,
Одан басқа жүрген кім бар жанды ұғып.
Ұстаз деген – ұлылардың ұлысы,
Қасиеті бас иелік мәңгілік!



         1- жүргізуші: Дархан, Бүгін бізде үлкен мереке. Бүгін ұстаздар қауымының төл мерекесі. Олай болса бүгінгі күн ұстаздарға арналмақ. Ұстаз - ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.



Ақырын жүріп анық бас.

Еңбегің кетпес далаға

Ұстаздық еткен жалықпас,

Үйретуден балаға, – деп Абай атамыз айтқандай, шәкірттерінің өзінен озғанын калаған ұстаздар қауымы, мерекелеріңіз құтты болсын!

1-жүргізуші:  Шәкірттер санасына сәуле шашып, шырақ отын маздатқан ұстаздар қауымына ақ лебіз, жылы тілегін білдіру үшін ортамызға  колледжіміздің басшысы Гүлжан Ұзаққалиқызын шақырамыз.

D:\рисунки\пл№7\мугалидер куни 2012жыл\DSC05359.JPG

2-жүргізуші: Денсаулықтарыңыз  мықты болсын, шаңырақтарыңыз шаттыққа  толсын, біздей  шәкірттеріңіз көп болсын!

БІРГЕ:  Мерекелеріңіз құтты болсын!



D:\рисунки\пл№7\мугалидер куни 2012жыл\DSC05380.JPG

            Гаухардың орындауында Ән: «Ұстазым»

1-жүргіуші: Сен қалай ойлайсың, Дархан? Менің ойымша, кез-келген мұғалім ұстаз бола алмайды. Себебі ұстаздық-өнер, тағылымы терең өнер. Ал өнерлі болу кез-келген адамға қона бермейді. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.

2-жүргізуші: Айгүл, мен  осы сөзің дәлелді бола түсу  үшін мына жыр шумақтарын қосайын.                            

 Ұстаз болу – жүректің батырлығы,

Ұстаз болу – сезімнің ақындығы,

Ұстаз болу – мінездің күн шуағы,

Азбайтұғын адамның алтындығы – деп ақын Ғафу Қайырбеков ағамыз жырлағандай, біздің колледжімізде сөзі маржан, үні ән ұстаздардың бар болғанын мақтаныш етемін. Әрине, ұстаз жүгі–ауыр жүк. Адамның жан дүниесін түсініп, ренжітпей, қателігін сездіре білу – бұл нағыз шеберлік емес пе?!


1-жүргізуші:   Ендеше,

Ұрпақпен өмір жолы жалғанады,

Көңілді күндер тусын алдан әлі

Ән-шашу әсем әуен, түрлі өнер,

Бүгінгі күн сіздерге арналады.


Аяулы ұстаздар, сіздерге арналған мерекелік бейнеролик шашуымызды қабыл алыңыздар! (видеоролик жіберу)         

 

1- жүргізуші:   Ұстаздар! Қандай ғажап халықсыздар!

                  Шәкіртке шыңдай биік алыпсыздар.

                  Жан біткен жанарына нұр сыйлаған,

                   Күндей боп күлімдеген жарықсыздар.

      2-жүргізуші:  Айгүл, екеуміз ұстаздар туралы нақыл сөздер айтып жарысып көрсек қайтеді?

      1-жүргізуші: Ал ендеше баста.

      2-жүргізуші: «Ұстаз болу-өз уақытын аямау, өзгенің бақытын аялау»,

      1-жүргізуші: «Ұстазға қарап шәкірт өседі»

      2-жүргізуші: «Аспаз көрген ат таныр, ұстаз көрген хат таныр»

      1-жүргізуші: «Ұстазыңды ұлы әкеңдей сыйла»

      2-жүргізуші: «Ұстазы жақсының-ұстамы жақсы»


D:\рисунки\пл№7\мугалидер куни 2012жыл\DSC05372.JPG


Ән: «Ұстаз-әнім» Дамир

1 жүргізуші: «Ұстаз» ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор.

2 жүргізуші: Ия, ұрпаққа айтар ақылы, көрсетер өнегесі бар, аналық, әкелік сезімнің, дана ойдың ыстық лебі бар аға ұрпақ өкілдері, мектептің жүрегі ардагер ұстаздарымыз ортамызда отыр.  (қонақтарды таныстырады)

D:\рисунки\пл№7\мугалидер куни 2012жыл\DSC05384.JPG

1. Қуатбаева Назима Райханқызы

2. Қабдығалиева Құрбанбике Шілдебайқызы

3. Мұхтарова Шолпан Вахитқызы


1 жүргізуші: Құрметті қонақтар,  сіздер салып кеткен сара жол-ұстаз жолы – ұлы жол. Өткен жолдарыңызға көз жіберіп, еске ала отырып, өздеріңізге бірнеше сұрақ қоюға рұқсат етіңіздер.

1 қонаққа сұрақ: Ұстаздық өмірге қалай келдіңіз? Жүрек қалауымен бе, әлде осы мамандықты таңдауға себепші оқиға немес бір жағдай болды ма?

2 қонаққа сұрақ: «Ұстаз болу жүректің батырлығы» дейді, осы ұстаздық қызметті таңдауда батырлықпен қандай қасиет адам бойынан табылу керек деп ойлайсыз?

3 қонаққа сұрақ: Кешегі өзіңіз еңбек еткен колледжіңізден қандай өзгерістерді байқадыңыз? Колледжіңізге айтар тілегіңіз?

D:\рисунки\пл№7\мугалидер куни 2012жыл\DSC05386.JPG

«Ана туралы» әнімен ортаға Ғаділбек ағайды шақырамыз.


 2-жүргізуші: Ұстаз-шәкірт алдында сыйлы адам. Ұстаз жайлы айтылар сыр да, жыр да көп. Ұстаз сенімін ақтау-адамгершіліктің белгісі. Мұғалімнің жүрегі соғып тұруы үшін: жауаптылық, қажырлылық,, білімділік, жүректілік, сүйіспеншілік, сабырлылық керек екен.

1-жүргізуші:     

  Асыға сәлем жолдап жүректен біз

Бірге өсіп ен жайлаған ұл менен қыз,

Тәтті күй, асқақ ән мен әсем биді,

Сіздерге тарту етіп ұсынамыз, - дей келе алдарыңызға колледжіміздің бишілерін ортаға шақырамыз.


D:\рисунки\пл№7\мугалидер куни 2012жыл\DSC05391.JPG

«Қара жорға»  биімен ортада бишілер тобы

2-  жүргізуші: Қазақта жақсы сөз бар, «Әзілің жарасса атаңмен ойна» деген, ендеше сахна төрінен ұстаздар өмірінен  аздап әзілге орын берсек. (әуен жүріп турады.)

Гаухар – 5топ, Жандос – 30топ:

   Әзіл – қалжың отауы:      ҰСТАЗДАР ӨМІРІНЕН

Мұғалімдер кім болуды армандайды?

Мұғалімдер әсте әртіс, жазушы, сот, бастық, сылақшы, майлаушы, немесе еден сыпырушы болуды армандамайды. Өйткені:

-Әр мұғалімнің жұмыс бөлмесі, отыратын жұмыс үстелі, қарамағында 30-40 оқушысы бар, кішігірім бастық емес пе? Ашса алақанында, жұмса жұдырығында, – дегендей ұрыс, төбелес жөніндегі бала мен ата-ана дауын да бір өзі шешіп отырады.

-Әр мұғалім өз сабағының шебері, яки режиссері, көбінесе басты рөлде де өзі ойнайды. Әртіс демей көр, кәне. Көпшілік көрініске де өзі қатысады.

-Бір тыным жоқ. Кабинет тазалығы да өз мойнында. Демек, майлаушы да өзі,  сылаушы да өзі. Безендіруші де өзі.

-Жазушыларға келер болсақ, тіпті кейбір жазушыларыңыз да, мұғалім құсап күнде жазуға отырмас.

-Соңғы кезде бухгалтер мен кассир де өздері.

Ұстаздарымыз сан алуан қосымша мамандықтар меңгеруде. Ендеше қай мекемеге қандай мамандық иесі өте зәру болса, 2-3 айлық жазғы демалыс кезінде біздің ұстаздарды шақыруларыңызға болады.

                                         Неге бармайсың?

Баласы шешесіне айтады:

-           Мен енді мектепке бармаймын!

-           Неге бармайсың?

-           Сол … Асанов таспамен оқ атады, Сотқаров оқулықпен басымнан ұрады, тағы біреуі аяғымен шалады…     Бармаймын!

-           Жоқ, балам, сен қайткенде де баруың керек. Біріншіден, жасың қырықтағы адамсың, екіншіден, мектеп директорысың.

                                              “Суретші”

Мұғалима Асанның әкесіне шағым айтады:

-           Кеше сабақта сіздің ұлыңыз партаға шыбынның суретін салып қойыпты. Мен оны шын екен деп қолымды ұрып алдым.

-           Сіз оны айтасыз, – дейді әкесі. -Бірде ол ваннаға крокодилдің суретін салыпты. Зәрем ұшқаны сондай, тұра қашамын деп қабырғадағы есіктің суретіне соғылдым.


                              ТҮСІНДІРМЕ СӨЗДІК (слайдтан көрсету)

Каникул – жылдың ең қысқа күндері.

Күнделік – үлкендерге көп көрсете бермейтін құпиям.

Математика – мен түгіл әкемнің де тісі бата бермейтін “жаңғақ”.

Дос – бақылау жұмысында дәптеріне жазғандарын бақылатып отыратын я қыз, я ұл.

Сабақ – үзілісті зарықтыра күттіретін 45 минут.

Спорт секциясы – әжеме айтатын басты сылтауым.

Апайға айтам” – қыздардың негізгі қаруы.


1-  жүргізуші: Дархан, Мұғалімдер бізден емтихан алғанды жақсы көреді, осы сәтті пайдаланып, біз де ұстаздарымыздан сынақ алып көрсек қайтеді?

2- жүргізуші: Сен сонда ұстаздарымызбен орнымызды ауыстырып көрсек қайтеді дегің  кеп тұр ма?

1жүргізуші: Иә, иә, тура солай, бүгін ұстаздар оқушы болсын, біз мұғалім болып емтихан алып көрейік.

2-жүргізуші: Ендеше тыныштық сақтаңыздар! Мұғалімдерге арналған емтиханымызды бастаймыз. /Мұғалімдерге шарлар үлестіріледі. Әр шардың ішінде сұрақтар бар. Мұғалімдер шарды жарып, сұрақтарға жауап беруі керек./


D:\рисунки\пл№7\мугалидер куни 2012жыл\DSC05398.JPG


Сұрақтар:


1.         Домбырада – жетеу, сырнайда – алтау, қобызда бесеу. Бұл не? /әріп/

2.         Бұл санда қанша әріп бар болса, сонша сан бар. Ол қай сан? /Жүз/

3.         Жел соққанда тау ық бола ма? /Ық болады/

4.         Теңізде қандай тас болмайды? /Құрғақ/

5.         Ертістің ортасында не бар? /Т әріпі/

6.         Өзі судан шығады, бірақ судан қорқады. Бұл не? /Тұз/


1-жүргізуші: Енді, ұстаздар, кезек-кезек билет алыңыздар. Сол билеттегі сұрақтарға дұрыс жауап берулеріңізді сұраймыз.


D:\рисунки\пл№7\мугалидер куни 2012жыл\DSC05407.JPG


1 билет. Топта сіз үшін ең сүйікті студент болу керек пе?

2 билет. Сабақта ұйықтап қалған студентті оятасыз ба?

3 билет. Сабаққа жиі кешігіп келесіз бе?

4 билет. Ата-аналарға балалардың тәртібі туралы хат жазасыз ба?

5 билет. Сабақта анекдот айтқан кезіңіз болды ма?

6 билет. Сіз ренжіген кезіңізде не істейсіз?

Көп рахмет сіздерге, ұстаздар! Барлығыңыз да емтиханнан сүрінбей өттіңіздер. Келесі кезекті әсем әнге берейік:


D:\рисунки\пл№7\мугалидер куни 2012жыл\DSC05409.JPG


Самғаттың орындауында Ән: «Ұстазым менің»


2-жүргізуші:                Жақсы жандар жанымызда әрқашан

                                       Ұлағатты сөзін биік ұстаған

                                        Ардақты ұстаз асыл анаң секілді                                                   

                                        Тәрбиелейді балапандай жасыңнан

1-жүргізуші: Ұстаз мейірі-Ана мейірімі пара-пар,

Тұла бойға қуат болып таралар

Көп жасаңдар бұл өмірде шуақ боп,

Айналайын білім берген ұстаздар.

2-жүргізуші: Ұстаз мектепте ұстаз болса, отбасында ол - аяулы ана.

Ана туралы ән сіздерге арналады, аяулы  ұстаз - аналар! 


D:\рисунки\пл№7\мугалидер куни 2012жыл\DSC05410.JPG

«Ана туралы ән» Орындайтын Дулат

1- жүргізуші: «Ұстаз» деген ардақты, киелі, үлкен құрметпен айтылатын сөз, ол әр адамның жастайынан сауатын ашатын, өнеге үйретіп, тәрбие беретін «Білім» атты кемеге отырғызып, болашаққа жол көрсететін, анаңдай әлпештеп, маңдайынан сипайтын адам.

Білдіріп шәкірттердің ақ ниетін,

Ұстаздың алып жүрген атын еркін

Біз сізге өлеңнен өріп ұсынамыз,

Жүректің алғысы мен рақметін.

2- жүргізуші: 

Қадіріңді кезінде

             Білмепті ғой ұланың.

             Қазір әрбір сөзіңе,

             Елеңдейді құлағым.

             Бірдей етіп ұстадың.

             Демей бізге бөтенсің.

             Кейде акылын ұстаздың,

             Сағынады екенсің.

              Сол ұстазға жаны нұр,

              Демек үлкен адаммын.

              Есейсек де бәрі бір,

              Баяғы шәкірт, балаңмын - деп қанша есейіп кетсек те біз  сіздерді  ешқашан  ұмытпаймыз.

1-жүргізуші: Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткен ғарышкер де бәрі-бәрі ұстаздан білім, тәлім алған, сондықтан ұлағатты ұстаздар сіздерге бүкіл адам баласы құрметпен бас иеді.

/Көңілді күй, сахнаға студенттер шығады, олар ұстаздарға біркелкі бас иеді./









Атырау көлік және коммуникация колледжі











«Ұстаздар - ұлы тұлғалар»  

Ұстаздар мейрамына арналған  мерекелік шара





Өткізген: Дакпиртова Ақтолқын Анесқызы

Шет тілі пәні оқытушысы





















Атырау қаласы

Очень низкие цены на курсы переподготовки от Московского учебного центра для педагогов

Специально для учителей, воспитателей и других работников системы образования действуют 65% скидки при обучении на курсах профессиональной переподготовки.

После окончания обучения выдаётся диплом о профессиональной переподготовке установленного образца с присвоением квалификации (признаётся при прохождении аттестации по всей России).

Подайте заявку на интересующий Вас курс сейчас: KURSY.ORG


Краткое описание документа:

4 қазан халықаралық "Ұстаздар күні" мерекесіне арнап  топ студенттерінің ұйымдастырған мерекелік құттықтау - сазды бағдарламасы. Бұл бағдарламада құттықтау сөздер, пародиялар, әртүрлі ойындар, музыкалық сәлемдемелер,  қарастырылған. Ұстаздар ұлы тұлғалар тақырыбында өткізген тәрбиелік шараның студентке берер тәрбиелік мәні зор. Жалпы Ғаділбектің өткізген тәрбие сағаттары студенттерді отан сүйгіштікке, ата - анасын сыйлауға, үлкенді құрметтеуге өте зор ықпалын тигізеді. Гаділбектің өткізген сабақтарынан да , тәрбиелік шараларынан да жаксы әсер аласыз 

Общая информация

Номер материала: 309607

Похожие материалы

Получите наградные документы сразу с 38 конкурсов за один орг.взнос: Подробнее ->>