"Торғайдан шыққан тұңғыш ардагер зілтемірші- Мәлік Тоққожаұлы Баймағамбетов"

Торғайдан шыққан тұңғыш ардагер спортшы.

            «Ұстаздық еткен жалықпас, үйретуден балаға»,- деп дана Абай атамыз айтқандай, жасы жетпіске таяса да ұстаздық еңбектен қол үзбеген,   ғылым жолындағы  алғашқы  жұмысыма арқау болған киелі Торғай жерінің тумасы, Торғайдан шыққан тұңғыш ардагер зілтемірші, менің ұлы нағашым- Мәлік Тоққожаұлы Баймағамбетов еңбегі туралы  білгеніммен бөліскім келеді. Өйткені Ахмет ата тілімен айтқанда «Халықтың көзі, құлағы  һәм тілі»  болған  газет  арнасынан мен сияқты ел ұландары да сусындайтыны белгілі.       

            Ауылына келген шешен ұлтының өкілдерінің зілтемір көтеріп, жаттығып  жүргенін бала көңілі жанына жақын алып, трактордың ауыр темірлерін көтеріп жаттыға бастаған 4- сынып оқушысы  бүгінде  көзі қарақты, баталы сөзі аузында, қарулы күші білегінде, ел болашағы жастарды салауатты өмір салтына бастап жүрген ардагер зілтемірші.  

            1958 жылы мектеп табалдырығын аттап 1968 жылы Торғай қазақ орта мектебін аяқтаған. 1968- 1970 жылдары Харьков қаласында әскер қатарында болған. Әскер қатарында жүріп те өзінің шеберлігін мойындатып, штангадан полк чемпионы атанған. Содан бері ауыр атлетикадан Қазақстанның түкпір- түкпірінде өткен облыстық, республикалық, халықаралық турнирлердің 1- орын, бас жүлде иегерлері атанып келеді.  

            «Шәкірсіз ұстаз тұл» демекші Мәлік Тоққожаұлы шәкірт тәрбиелеуде  де оза шапқан ұстаз. Шәкірттерін  пауэрлифтинг  (ауыр атлетика) ,  жеңіл атлетикадан және шаңғы жарыстарынан да жеңіс тұғырының биігіне қойып келеді. Атап айтар болсам,  Сейілханов Мұрагер, Тоққожа Айна, Тоққожа Қазбек, Сәкен Бекзада, Ғарыпжан Дархан, Таңат Нұрлытаң, Байғазы Жәнібек, Жақаш Нұрым сынды шәкірттердің жетістіктері - ұстаз еңбегінің жемісі.

            Ардагер ұстаз шәкірттерімен бірге өзі де жеңіс алқасын талай рет омырауында жарқыратқан 2018 жылды  тәуелсіздік күніне орайластырылған облыстық пауэрлифтинг біріншілігінде шәкірті Таңат Нұрлытаң 1- орын, 60- 70 жас ардагерлер  арасында 58 кг салмақпен ардагер спортшының өзі чемпион атанып аяқтаса, биылғы жылдың   алғашқы сайысына да дайындық  қарқынды өтуде.  Наурыз айында Алматы облысы, Текелі қаласында өтетін республикалық біріншілік өтеді. Біздің облыс спортшылары да пауэрлифтинг спорты бойынша бақтарын сынамақ. Ал облыс намысын қорғайтын спортшылар ақпан айының алғашқы аптасында облыс орталығында сайысқа түсіп өз  шеберліктерін дәлелдеуі керек.  Ардагер зілтемірші, ұлағатты  ұстаз ардагерлер арасынан өзін, жасөспірімдер арасынан шәкірттері спорт шеберлігіне үміткер Таңат Нұрлытаң мен І разрядты спортшы Жақаш Нұрымды өз салмақ дәрежелерінде жеңіс тұғырына орнықтырсам деген  игі  мақсатқа жұмыс жасауда. Шәкірттері мен ардагер ұстаз-  спортшыға сәттілік серік болсын деймін.

Сәкен Гүлназ

Арқалық қаласы,

Ахмет Байтұрсынов атындағы

бастауыш гимназиясының

4  «Ә» сынып оқушысы.

Краткое описание документа:

«Ұстаздық еткен жалықпас, үйретуден балаға»,- деп дана Абай атамыз айтқандай, жасы жетпіске таяса да ұстаздық еңбектен қол үзбеген,ғылым жолындағыалғашқы жұмысыма арқау болған киелі Торғай жерінің тумасы, Торғайдан шыққан тұңғыш ардагер зілтемірші, менің ұлы нағашым- Мәлік Тоққожаұлы Баймағамбетов еңбегі туралыбілгеніммен бөліскім келеді. Өйткені Ахмет ата тілімен айтқанда «Халықтың көзі, құлағыһәм тілі»болғангазетарнасынан мен сияқты ел ұландары да сусындайтыны белгілі.

Ауылына келген шешен ұлтының өкілдерінің зілтемір көтеріп, жаттығып жүргенін бала көңілі жанына жақын алып, трактордың ауыр темірлерін көтеріп жаттыға бастаған 4- сынып оқушысыбүгіндекөзі қарақты, баталы сөзі аузында, қарулы күші білегінде, ел болашағы жастарды салауатты өмір салтына бастап жүрген ардагер зілтемірші.