Ұлағатты ұғымның бір бөлшегі-ұстаз. Оңы мен солын танып білмеген жас-жеткіншектердің көңіліне сенім ұялатып,қияға қанат қақтыратын,көгілдір балапаннан аққудай әсем де әдемі құсты баулып шығаратын ұстаздар қауымы десек қателеспейміз.
Қылыштың өткір жүзді жарқылындай,заманның жетіп болмас қарқынындай ақ пен қараны, жақсы мен жаманды шәкірттерінің санасына сіңіріп,білім нәрімен сусындатып жүрген ұстаздардың адам өмірінде алатын орны ерекше.
«Адамның адамшылығы жақсы ұстаздан басталады»,-деп ұлы ойшыл данышпан Абай атамыз айтқандай, мектептің тірегі де, жүрегі де – мұғалім екені анық. Қазақ елінің болашағы деп үміттенетін,бүгінгі жас ұрпаққа білім нәрін сеуіп, отансүйгіштікке, адамгершілікке тәрбиелеп, білім мен өнегесін жас ұрпаққа арнайтын, өзі жас болса да бойындағы бар күш-жігерін шәкірт тәрбиелеуге жұмсайтын, ұстаздарымыздың бірі бастауыш сынып мұғалімі Есмағанбетова айнагүлмін Ғалымжанқызы. Жаңа Жанбай бастауыш мектебінде 5 жылдай мұғалім болып, қызмет етіп келемін, өз ісімді жетік меңгергеруге тырысып , бастауыш сыныптың әдістемесі мен педагогикасының қыр-сырын ашуға бар күш – жігерімді беріп келе жатқан ұстаздардың бірімін. Бүгінгі бүлдіршін ертеңгі егеменді еліміздің кілтін ұстап, азаттықты ту қылатын азаматтар емеспе?! Ендеше, «Өз уақытын аямаған, өзгенің бақытын аялаған», санамызға білімнің шырағын жаққан аяулы ұстаздардың еңбегі ұшан – теңіз.
«Жақсы мұғалім – мектептің жүрегі іспетті» деп ұлы ағартушы ұстаз Ыбырай атамыз айтқандай Менің ұстаздық қабілетімен бірге адамгершілік қасиетіммен, мейірімді қалпымнан танбай, шәкірттерімнің жүрегіне нұр шаша білдім. Бастауыш сынып мұғалімдерінің еңбегі – нағыз еңбек. Алдарыма келген әртүрлі деңгейдегі балалардың тілін тауып олармен жұмыс жасай білудің өзі үлкен шеберлік.Менің оқытқан шәкірттерім алғыр ,белсенді сонымен қатар мектепішілік байқаулардан көрініп жүр. «Ұстаз шәкіртімен мақтанады» деген ұлағатты сөздің айқын дәлелі осы емес пе.