Әбдікерім Дана Әлімбекқызы «Қазақ тілі мен әдебиеті сабақтарында оқушының сыни ойлау көзқарасын дамыта отырып, құзіретті тұлға қалыптастыру» шығармашылық тақырыбымен жұмыс атқарып келеді.
Білім сапасы 2011-2012 оқу жылында – 80%, 2012-2013 оқу жылында – 81%, 2014-2015 оқу жылында - 82%-ды көрсетіп отыр.
ҰБТ қорытындысы бойынша 2013-2014 оқу жылындағы қазақ тілінен – 92%, қазақ әдебиетінен - 100% білім сапасын көрсетіп отыр.
Дана Әлімбекқызы 2011 жылы облыстық «Ақпараттық технологияларды енгізу тәжірибесі тұлғаның құзыреттілігін дамыту құралы ретінде» тақырыбындағы аймақтық семинарға ұсынған нәтижелі тәжірибе сабағы үшін «Алғыс хат» берілді.
2012 жылы Тәуелсіздіктің 20 жылдығына орай «Жарқын болашақ» ІV Республикалық КАТЕV қазақ тілі олимпиадасының жеңімпазын дайындағаны үшін «Алғыс хатты» иеленді.
2014 жылы «Дарынды және үлгерімі төмен оқушылармен жұмысты ұйымдастыру
жолдары» тақырыбындағы облыстық on-line семинар-практикумға белсене қатысқаны үшін «Алғыс хатпен» марапатталды.
2015 жылдың қаңтар-наурыз айларында «Жырлайды жүрек» М.Мақатаевтың VІІ Республикалық ән-би байқауына шәкірттерін белсене қатыстырғаны және «Жарқын болашақ» VІІ республикалық КАТЕV қазақ тілі олимпиадасының жеңімпазын дайындағаны үшін «Алғыс хаттарға», Халықаралық ядроға қарсы «Семей-Невада» қозғалысының іс-әрекетіне белсенді қатысқаны үшін «Құрмет грамотасына» ие болды.
Ұстаз еңбегі нәтижесімен бағалы десек, шәкірттері облыстық және республикалық жарыстарда білімдерімен, өнерлерімен ерекшеленеді.
