Мен,Егінбаева Назгүл 1994 жылдан бастап №11 Ы.Алтынсарин атындағы орта мектептің бастауыш сынып мұғалімі болып қызмет етудемін. Қызметтестер арасында қолымнан келгенше көмегімді аямаймын.Шәкірттерімді білім нәрімен сусындатып,тәлім-тәрбие беруде,жақсы қасиеттерді бойына дарытуға,адамгершілік рухта бағыт-бағдар беріп жүрмін.Менің шығармашылық тақырыбым «Бастауыш мектепте оқу-тәрбие үрдісін ұйымдастыру»,мақсаты-оқушыларды оқыту,тәрбиелеу,дамыту және өзін-өзі іске асыруына қолайлы жағдай туғызу,оқу-тәрбие үрдісі заман талабына сай қанағаттандыратындай деңгейде ұйымдастыру ,шығармашылық қабілетін дамыту арқылы бәсекеге қабілетті жеке тұлғаны қалыптастыру.Мен бұл тақырыппен 2008 жылдан бері айналысып келемін.2010жылы Қалалық бастауыш сынып мұғалімдер семинарында осы тақырыппен баяндама оқыдым.Ал 2010 жылы қалалық «Инноватор меңгеруші-2010» байқауына қатысып, жүлделі І дәрежелі дипломмен марапатталдым.
2011-2012 оқу жылында мектепішілік семинарда «Бастауыш сыныптардағы тіл сабақтарында қолданылатын жаңа технологиялар.» атты баяндамамды түрлі слайдтар арқылы түсіндіріп,өз ойын ортаға салдым.Қазақ тілі пәнінен «Сөйлем» тақырыбындағы өте жоғары дәрежеде өткізген ашық сабағым тірек сызба,топтастыру,деңгейлік тапсырмалар т.б әдістер арқылы оқушылардың қызығушылығын оятып,өз-өздеріне сенімділігін арттырды. 2011 жылы «Шығармашылық-өмір талабы» мектептегі инновациялық үрдіс тақырымен қалалық «Инноватор меңгеруші-2011» байқауына қатысып, жүлделі ІІ дәрежелі дипломмен марапатталдым.Бастауыш сынып оқушыларымен «Зерде» математикалық білім сайысы,«Білімді мыңды жығады» атты интеллектуалдық топтық сайысты интерактивті тақтамен өткіздім.2011 жылы Қалалық жас оқу ісі меңгерушілерінің семинарында «Жас мұғалімдер мектебі» тақырыбында баяндама оқыдым. 2012 жылы қалалық жас мұғалімдер семинарында жас ұстаздарға «Өз мамандығымды таптым ба?,Көппен жұмыс істей аламын ба?, Мен кіммін?» сұрақтарына жауап алу мақсатында «Психологиялық тренинг» өткіздім.2013 жылы маусым айында Ұлттық Тестілеу Орталығының ұйымдастыруымен Семей қаласындағы ҰБТ өткізу кезеңіне ҚР Білім және ғылым Министрлігі өкілі ретінде қатысып келдім.2013 жылы қараша айында «Өрлеу» біліктілікті арттыру ұлттық орталығы АҚ филиалы ұйымдастыруымен «Білім беруде рухани тәрбиенің маңыздылығы:ізденістер мен тәжірибелер,жаңа бағыттар» атты облыстық ғылыми-практикалық конференцияда «Білім беру ортасында жеке тұлғаның адамгершілік-рухани қасиеттерінің дамуы» тақырыбында баяндама оқыдым.2013 жылы «Нұр Отан» ХДП-ның Алғыс хатымен марапатталдым. Қазіргі уақытта бастауыш сыныптар оқу ісінің меңгерушісі қызметін атқарамын.2010 жылы қалалық олимпиада бойынша математика пәнінен,ана тілі пәнінен жүлделі орындарды оқушыларым иеленді.2012жылы өткен республикалық «Ақбота» интеллектуалдық марафонында да оқушыларым жүлделі дипломдармен марапатталды.
1-4 сынып 2012-2013оқу жылында52%,2013-2014 оқу жылында ,53% болса,биылғы 2014-2015 оқу жылында 54% болды.Оқушыларды оқыту мен тәрбиелеудегі жаңалықтарды өз тәжірибесіне енгізе отырып, бірнеше рет білім жетілдіру курстарынан өттім.Сонымен қатар «Назарбаев Зияткерлік мектептері»ДББҰ Педагогикалық шеберлік орталығының Атырау қаласының филиалынан бірінші(ілгері) деңгей бағдарламасы бойынша мұғалімдердің оқыту курсын 2014жылы қараша айында бітіріп,сертификат алдым.Дарын орталығының ұйымдастыруымен республикалық қашықтық олимпиадасына 2013,2014,2015 жылдары қатысып отырдым.2016 жылы 15.01-15.02 аралығында Халықаралық «Базис» интеллектуалдық орталықтың ұйымдастыруымен ғылыми-практикалық қашықтық семинарына 72 сағаттық «Бастауыш білімнің мазмұнын жаңарту (12 жылдық мектептің үлгісі)» тақырыбымен қатысып,дипломмен марапатталдым.
