Нуржанова Гульзада Амангельдиевна - Экономика және ақпараттық технологиялар колледжінде 2007 жылдан бастап жұмыс атқарып келеді. Жалпы педагогикалық жұмыс өтілі – 20 жыл. Аталған оқу орнында - 8 жыл.
Гульзада Амангельдиевна колледжде атқарған лауазымды орындары:
- 2007-2010 ж.ж. сырттай оқу бөлімінің әдіскері;
- 2010-2011 ж.ж. әдістемелік кабинеттің әдіскері;
- 2011-2015 ж.ж. ғылыми-әдістемелік жұмыстар жөніндегі директордың
орынбасары лауазымдық қызметін атқаруда.
Гульзада Амангельдиевна – өз пәнін жетік меңгерген сауатты, өте тәжірибелі оқытушы және әдіскер. Өз жұмысында алдыңғы қатарлы тәжірибемен қатар заманауи технологияларды сауатты қолдана алады. Оқытушы «Кредиттік», «Модульдік» технологиялардың элементтерін меңгерумен қатар, өз тәжірибесін әрқашан жаңартып отырады. Жас жеткіншектердің жеке қабілетін дамытуда оқытудың жаңа педагогикалық технологиясын қолдана отырып, студенттердің логикалық ойлауын, шығармашылық қабілетін арттыруда, рухани дүниесін жетілдіруде, оның еркіндігін, белсенділігін қалыптастыруды негізге алып отырады. Қазақ тілі мен әдебиеті сабақтарында дәстүрлі емес әдіс-тәсілдерді қолдануымен, сабақтың ерекше құрылымымен айқындалады. Студенттерге білімді дайын күйінде емес, өзіндік ізденіске бағыттап, ғылыммен айналысуға баулиды.