Садыкова Жанат Булатовна - екінші санатты педагог-психолог. Осы балабақшадағы еңбек өтілімі 3 жыл.
Бала үшін психологтың орны ерекше. Басқа адамдар айтқан сөзден психологтың айтқан сөзінің әсері өте күшті болады. Бәрін үйренуге талпынған бала оны заң сияқты қабылдайды. Сондықтан мен психолог әр айтқан сөзіне жауапкершілікпен қарауға міндетті деп ойлаймын. Психолог болудың қиындығы да міне осында.
Психолог маман аса сезімтал, ерекше жанашыр, мықты шыдамды болу арқылы шәкіртінің сырына бойлай алады. Айталық: егер мен бір шәкіртімнің қатты жасық, жасқаншақ екенін анықтап шықсам, оны «шалқайғанға шалқай, ол атаңның ұлы емес, еңкейгенге еңкей, ол атаңның құлы емес» деген қағиданы ұстана отырып, оның ешкімнен кем емес екендігін, жұртпен бірдей екендігін дәлелдеп, жігерін ұштап, өзін-өзі тануына, қабілетін жетілдіруіне бар мүмкіндігімді жұмсаймын.
Егер бала өзімшіл, қызғаншақ болса, «кең болсаң кем болмайсың» деп, халқымыздың ұлттық тәрбиесі қонақжайлық, мәрттік, жомарттық жағдайларына қатысты қызықты әңгіме, ертегі, қазақ би шешендерінің айтқандарын баяндау арқылы оның көпшіл болуына жол ашамын.
Жантанушы ретінде толық адамға айналар тұлғаға жол көрсетер жан болғаныма қуанамын.
Сондықтан мен өз мамандығымды қоғамға қажеттілігін сезіне отырып, ерекше жақсы көрем және жақсы психолог болу үшін барлық ерік-жігерімді сарп етуге әрқашан да әзірмін.
