Я
ПАЙШОЎ БЫ З ІМ У РАЗВЕДКУ…
(матэрыялы
інфармацыйнай гадзіны – 08.02.2021)
Настаўнік:
–
Наш інфармацыйная гадзіна прысвечана подзвігу піянераў-герояў нашай Радзімы.
У
баявых дзеяннях падчас Вялікай Айчыннай вайны, па розных дадзеных, прымалі
удзел да некалькіх дзясяткаў тысяч непаўналетніх. Яны змагаліся і гінулі
нароўні з дарослымі. За баявыя заслугі ўзнагароджваліся ордэнамі і медалямі.
Усе, хто ваявалі і баранілі гонар сваёй
краіны, могуць па праву называцца ГЕРОЯМІ.
Але
сярод іх мы асабліва вылучаем імёны тых, хто ўзнагароджаны званнем Героя Савецкага
Саюза. Непаўналетніх Герояў Вялікай
Айчыннай вайны пяцёра: Лёня Голікаў (Расія), Валя Коцік (Украіна), трое
беларусаў: Марат Казей, Уладзімір Шчарбацэвіч, Зіна Партнова.
Усе
яны высокае званне сваё атрымалі пасмяротна…
“Вспомним всех поименно, горем
вспомним своим... Это нужно – не мертвым! Это надо – живым!” (Р. Раждзественскі)
Сцёпкіна Дзіяна, Балашова Арына:
Марат
Казей
– Марат
Казей нарадзіўся ў 1929 года ў вёсцы Станькава Дзяржынскага раёна. Тата памёр у ссылцы, а маму,
Ганну Казей, у Менску немцы павесілі за тое, што яна хавала ў сябе параненых
партызан і лячыла іх.
Яму
было 13 гадоў, калі яны з сястрой Арыяднай пайшлі ў партызанскі атрад. Сястру
Марата прыйшлося эвакуіраваць – дзяўчынка адмарозіла абедзве нагі, калі партызанскі атрад выходзіў з
акружэння, і іх прыйшлося ампутаваць. Аднак хлопчык адмовіўся ехаць з ёй і
застаўся ў страі.
Марат
загінуў 11 мая
1944 года ў
баі. Змагаўся да апошняга патрона, а, калі ў яго засталася толькі адна граната, падпусціў ворагаў бліжэй і
падарваў іх... і сябе.
Герой
Савецкага Саюза (пасмяротна).
Літвіненка Арцемій:
Уладзімір
Шчарбацэвіч
–
Уладзімір Шчарбацэвіч нарадзіўся ў 1926 годзе ў Мінску. Яго бацька загінуў у фінскую вайну.
Мама, Вольга Фёдараўна, была урачом.
Калі
прыйшлі фашысты, яны выходжвалі параненых байцоў і перапраўлялі іх да партызан. Некалькі разоў Валодзя
быў паранены. Яму дапамагалі яго сябры.
Аднойчы
па падробленых дакументах яны вывезлі цэлы грузавік з ваеннапалоннымі да
партызан.
У
верасні раптам пачаліся аблавы, а ў дамах мінчах хавалася яшчэ шмат параненых,
уцекачоў з палону. Іх выдаў свой. Ён быў здраднікам. Валодзю
арыштавалі паліцаі. Допыты, катаванні. Але ён нічога не распавёў фашыстам.
26
кастрычніка 1941 года гітлераўцы пакаралі смерцю Валодзю. У гэты дзень павесілі
і яго матулю.
У 1976 годзе Уладзіміру Шчарбацэвічу
прысвоена ганаровае званне Герой Савецкага Саюза (пасмяротна).
Настаўнік:
– Барыс Царыкаў таксама варты
сёння асобнай гісторыі. Яму званне Героя Савецкага Саюза было прысвоена пры
жыцці.
Ткач Мілана:
Барыс
Царыкаў
– Барыс
Царыкаў нарадзіўся ў 1926 годзе ў горадзе Гомелі. У 1941 ён скончыў сем класаў СШ № 25. Сям’я Барыса эвакуіравалася, а ён сам у
снежні 1941 года трапіў у партызанскі атрад знакамітага народнага мсціўца Баці.
Аднойчы
Баця даў заданне падарваць
нямецкі эшалон. Чатыры гадзіны праляжаў Барыс у снезе
каля чыгуначнага палатна. Заданне ён выканаў. У снежні 1942 года Барыс добраахвотнікам пайшоў у дзеючую
армію. 20 разоў перапраўляўся праз Днепр,
узняў там Чырвоны сцяг. 30 кастрычніка 1943 года яму было прысвоена званне Героя Савецкага
Саюза, а 13 снежня
1943 года ад варожай кулі ён загінуў. Апошнім яго словам было
слова “жыць”.
Было
яму ўсяго 18 гадоў…
РОЛІК “Зіна
Партнова”.
Настаўнік:
– Зінаіда
Партнова – самая
маладая з 95 жанчын-Герояў Савецкага Саюза.
Яна беларуска па нацыянальнасці. Нарадзілася ў
Ленінградзе 20 лютага 1926 года ў сям’і
завадскога працоўнага Мартына
Партнова.
У даваенны час дзяцінства і малалецтва дзяўчынкі былі
звычайнымі. Зіна вучылася ў школе № 385, была піянеркай.
За добрыя поспехі ў вучобе і задаткі кіраўніка была абрана
старастай класа.
Партнова скончыла 7 класаў. І ў
пачатку лета бацькі адправілі яе разам з
малодшай васьмігадовай сястрой Галінай на канікулы да
бабулі. Дзяўчынкі адправіліся ў беларускую вёску Зуі Шумілінскага раёна.
22 чэрвеня фашысты ўварваліся ў СССР. Віцебская
вобласцю, дзе знаходзіліся сёстры, адразу апынулася пад пагрозай акупацыі.
Імкнучыся зберагчы сваіх унучак ад бяды, бабуля паспрабавала адправіць Зіну і
Галю таварным эшалонам у Ленінград. Але ў Віцебску немцы
перахапілі цягнік, і дзяўчынкам давялося вярнуцца назад. Неўзабаве гітлераўцы
акупавалі і вёску, дзе знаходзіліся Партновы. Мясцовыя жыхары сталі перад
выбарам – выжываць або
супрацьстаяць нямецкім войскам.
Так, з першых дзён акупацыі Віцебскай вобласці
мясцовыя жыхары сталі фармаваць партызанскія і падпольныя арганізацыі.
Тады ж утварылася і падпольная маладзёжная
арганізацыя “Юныя мсціўцы”.
Пятнаццацігадовая Зінаіда стала самай юнай удзельніцай падпольнага руху. Самаму
старэйшаму ўдзельніку было ўсяго 17. Сваю дзейнасць “Юныя
мсціўцы” пачыналі з
дробязяў: распаўсюджвалі прапагандысцкія
лістоўкі, спрабавалі
нашкодзіць немцам.
Але неўзабаве Фруза
(Ефрасіння Зянькова) – кіраўнік падпольнай камсамольскай арганізацыі, выйшла на
атрад дарослых мясцовых партызан і падпольшчыкаў. Іх
сумесная дзейнасць значна паўплывала на характар дыверсій падпольнай
арганізацыі “Юным мсціўцы”.
Адна з найбольш значных аперацый арганізацыі – атручэнне
гітлераўскіх афіцэраў. Тады загінула каля 100 фашыстаў. І гэта заслуга
партызанкі Зінаіды.
Дзяўчынка працавала чорнарабочай у сталовай, дзе
кармілі нямецкіх афіцэраў, якія праходзілі курсы перападрыхтоўкі. Галоўным
поварам быў немец, але Зіне ўдалося
атруціць ежу.
Пад падазрэннем у злачынстве
былі ўсе, у тым ліку і яна. Таму немцы
прымусілі партызанку з’есці атручаны
суп. Партнова зрабіла гэта і тым самым адвяла ад сябе падазрэнні. Атручэнне
аказалася моцным, але дзякуючы народнай медыцыне дзяўчынку ўратавалі.
У жніўні 43-га года ў арганізацыю юных партызан быў
укаранёны здраднік, які здаў амаль усіх членаў арганізацыі. І ў вёсцы Масцішча
Зіна Партнова была арыштаваная. Немцам ужо многае было вядома пра яе, але яны
ўсё яшчэ не здагадваліся аб яе ўдзеле ў атручванні гітлераўскіх афіцэраў. Таму
яны спрабавалі дамовіцца з Партновай і прапаноўвалі ёй свабоду ўзамен на поўны
расклад і інфармацыю пра ўдзельнікаў падполля.
Але Зіна была нязломная. А аднойчы ёй удалося схапіць
неасцярожна пакінуты нямецкім следчым пісталет. Яна застрэліла і яго і двух
іншых варожых салдат, а затым спрабавала бегчы, але была схопленая.
Пасля гэтага яе жорстка катавалі: адрэзалі вушы,
выкалалі вочы, палілі распаленым жалезам. У яе,
17-гадовай, былі сівыя валасы ад пакут…
10 студзеня яе пакаралі смерцю –
расстралялі.
Пра яе вялікіх подзвігах стала вядома толькі праз 15
гадоў. І ў 1958 годзе было ёй прысвоена
званне Героя Савецкага Саюза.
Яна аддала сваё
жыццё ў імя вызвалення Радзімы. Вечная памяць герою!
Кацэр Мікіта:
Юныя бязвусыя героі
Юнымі засталіся навек!
Перад вамі хілім мы галовы:
Званне ваша – мужны
Чалавек!
Мы стаім, і доўжыцца маўчанне.
Боль і гнеў кранаюць сэрца нам.
Дзякуй вам за вашы намаганні,
Мужнасць, гераізм і прыклад нам!
(А. Прохарава)
Настаўнік:
– Вайна – час усенароднай
барацьбы. І свой неацэнны ўклад у Перамогу ўнеслі таксама юныя героі – хлапчукі
і дзяўчынкі, якія здзяйснялі свой подзвіг, з’яўляючыся падпольшчыкамі,
партызанамі, сувязнымі, разведчыкамі. І мы не маем права забываць пра гэта!
“Это нужно – не мертвым! Это надо
– живым!” (Р. Раждзественскі)
Аб’яўляецца хвіліна маўчання (гучыць метраном).
Оставьте свой комментарий
Авторизуйтесь, чтобы задавать вопросы.