Алгоритм работы над сочинением по музыкальному произведению (на коми языке)

Шылада произведение серти примернӧй сочинение

План

1.      Неуна композитор йылысь. Сылӧн творчествоын шӧр темаяс, медрадейтана жанръяс.

2.      Кутшӧм места сылӧн творчествоын босьтӧ видлалан произведениеыс? Кутшӧм чувствояс, сьӧлӧмкылӧмъяс петкӧдлӧ шыладыс?

3.      Кутшӧм композицияыс, тэчасыс произведениелӧн?

4.      Тӧдчӧдӧй шӧр мӧвпсӧ шыладлысь.

5.      Кутшӧм кывбура строкаяс либӧ художникъяслӧн кутшӧм серпасъяс усьӧны дум вылад, кор кывзанныд шыладсӧ?

6.      Тайӧ кывбурыслысь либӧ серпасыслысь корсьӧй музыкальностьсӧ.

7.      Шылада произведение дорӧ тіян отношение.

Сочинениелӧн алгоритм.

1.      Неуна композитор йылысь. Сылӧн творчествоын шӧр темаяс, медрадейтана жанръяс.

Н.О. (ним да ов) – кутшӧм странаса композитор и ёна-ӧ тӧдса. (Петр Чайковский – Россияса нималана композитор, коді тӧдса став му пасьтала).

Тӧдса, нималана, ыджыд таланта, енбиа, гениальнӧй.

2.      Кутшӧм места сылӧн творчествоын босьтӧ видлалан произведениеыс?

Медтӧдчана произведение, медтшӧкыда юргысь шылад. Ёнджыкасӧ гижис тайӧ жанрас, ёнджыкасӧ гижис мӧд жанрын (кутшӧм жанрын?), но тӧдса лои тайӧ произведениеӧн. Мыйла гижис тайӧ шыладсӧ, гашкӧ, олӧмас сылӧн вӧлі кутшӧмкӧ помка?

(Пьеса, вальс, мазурка, симфония, опера, увертюра, романс, сьыланкыв да сідз водзӧ). Гижӧдыс кӧ программнӧй, то эн вунӧдӧй казьтыштны заглавиесӧ. Зэв тшӧкыда произведениелӧн нимыс висьталӧ, мый ради гижис сійӧс авторыс, а сідзжӧ, мый лыддьӧ медшӧрӧн аслас гижӧдас.

3.      Кутшӧм чувствояс, сьӧлӧмкылӧмъяс петкӧдлӧ шыладыс?

Шыладыс тыр (шудлунӧн, шоглунӧн, серамӧн, радлунӧн, лӧнь мӧвпӧн, гуся мӧвпӧн).

4.      Кутшӧм композицияыс, тэчасыс произведениелӧн?

Шыладас ӧти тема, оз мӧдпӧвставсьы.

Ӧти тема повторяйтчӧ мӧд ногӧн некымынысь (кымынысь да кыдзи вежсьӧ сылӧн характерыс?лӧнь, тэрыб, гора, мыла).

Шыладас некымын тема (кыдзи Ті тайӧс гӧгӧрвоинныд, мый серти, кыдзи вежласьӧ шыладыс?)

Гашкӧ, верманныд сетны ним тайӧ юкӧнъясыслы.

5.      Тӧдчӧдӧй шӧр мӧвпсӧ шыладлысь.

Автор, чайта, петкӧдлӧ (кутшӧм образ?), медым висьтавны татшӧм мӧвп: (кутшӧм?)

6.      Кутшӧм кывбура строкаяс либӧ художникъяслӧн кутшӧм серпасъяс усьӧны дум вылад, кор кывзанныд шыладсӧ?

Тайӧ темаыс оз коль веськодьӧн и поэтъясӧс да художникъясӧс.

Серпас (кодлӧн? Мый нима?) да кывбур (кодлӧн? Мый нима?) матынӧсь настроение серти шыладкӧд. Мыйӧн матынӧсь? (Образъясӧн? Ритмнас? Интонацияӧн (лӧнь, тэрыб, энергия серти)?

Кывбурлӧн кутшӧм строка медся стӧча петкӧдлӧ шыладлысь настроениесӧ?

Литературнӧй образыс петкӧдлыссьӧ стӧч сэтшӧмӧн, кутшӧм и шыладаыс либӧ найӧ торъялӧны, а, гашкӧ, и контрастынӧсь ӧта-мӧдыскӧд?

7.      Тайӧ кывбурыслысь либӧ серпасыслысь корсьӧй музыкальностьсӧ.

Двусложнӧй размерыс (хорей, ямб)  петкӧдлӧ, быттьӧ йӧз сёрнитӧны, и таысь кывбурыс лоӧ музыкальнӧй.

Куим слога размерыс (дактиль, амфибрахий, анапест) быттьӧ сьыланкыв, вӧчӧ кывбурсӧ музыкальнӧйӧн.

8.      Шылада произведение дорӧ тіян отношение.

Меным воис сьӧлӧм вылӧ; вӧрзьӧдіс сьӧлӧм; ме кӧсъя тӧдмасьны тайӧ композиторыслӧн творчествокӧд;  меным абу матыс тайӧ темаыс, но интереснӧ вӧлі гӧгӧрвоны композиторлысь мӧвпсӧ.