Ашық тәрбие сағатының тақырыбы: "ТӘУЕЛСІЗДІК ТІРЕГІМ, ҚАЗАҚСТАН ЖҮРЕГІМ"

Тақырыбы: «Тәуелсіздік тірегім, Қазақстан жүрегім»

Мақсаты:

Оқушыларға  Қазақстан туралы, оның Тәуелсіздігі туралы мәлімет беру;

Тәуелсіздікке қалай жеткенін баяндау, көрсету;

Оқушыларды өз елін сүюге, қадірлеуге, осы елдің ұланы екенін мақтан етуге баулу, өз ана тілін сүюге, әдемі сөйлеуге үйрету.

Көрнекілігі: Қазақ елі рәміздері, нақыл сөздер, слайдтар, шарлар, қима қағаздар, суреттер,видео роликтер, әндер.

Барысы:  

1.  Әнұран орындалады

2.  «Шаттық шеңбері»  әдісі арқылы топқа бөлініп отыру.

3.  Мұғалімнің  сөзі: Интербелсенді тақтада Тәуелсіз Қазақстан  туралы слайдтар көрсетіп, мағлұмат беру.

       Қайырлы күн, құрметті ұстаздар мен оқушылар! Сіздерді Тәуелсіздіктің  25 жылдық мерекесімен құттықтаймын! Бүгін біз сіздермен «Тәуелсіздік тірегім,  Қазақстан жүрегім» атты ашық тәрбие сағатымызға қош келдіңіздер! Биыл үлкен мереке. Тәуелсіздік алғанымызға 25 жыл толды. Тәуелсіздік біздің ең басты бақытымыз. 1991 жылы 16 желтоқсан  тарихтағы ұлы күн. Бұл күні Қазақстан өзінің тәуелсіздігін жариялады.

      Қазақстан -Тәуелсіз мемлекет.  Қазақстанның елбасы- Нұрсұлтан Әбішұлы Назарбаев.   Тәуелсіз  Қазақстан мемлекетіміздің өз туы, елтаңбасы, гимні бар. 1992 жылы       4 маусымда Қазақстанның мемлекеттік рәміздері қабылданды. Мемлекеттік рәміздерге Ту, Елтаңба және Гимн жатады. Мемлекеттік тудың авторы- суретші Шәкен Ниязбеков. Қазақстанның туы көгілдір және алтын түсті. Тудың ортасында  күн және қыран бейнеленген.

      Мемлекеттік Елтаңбаның авторлары- Жандарбек Мәлібеков, 

Шот-Аман Уәлиханов. Қазақстанның астанасы –Астана қаласы.      Қазақстан көпұлтты мемлекет. Елімізде көп ұлттың өкілдері бір шаңырақ астында бірлікте, татулықта өмір сүріп, бақытты өмір сүруде.

4.  Топпен жұмыс.

 І- топ: «Пазл» әдісі.

Әр топтағы оқушыларға суреті бар қағаз қиындылары беріледі.   Қиынды қағаздардан оқушылар бір суретті құрап шығуы керек. Құрастырылған сурет бойынша,  әңгімелейді.

ІІ- топ:   «Хикая картасы»  әдісі. Берілген суреттерді кезекпен орналастырып карта жасау керек.

«Қазақстан шежіресі»

-   1991 жыл 10 желтоқсан Қазақстан Республикасы атауы қабылданды. Президент ант берді.

-   1991 жыл 16 желтоқсан Қазақстан Республикасы Тәуелсіздік алды.

- 1992 жыл маусым айында Рәміздер қабылданды.

-  1993 жыл 15 қараша Ұлттық валюта еңгізілді.

-  1995 жыл 30 тамыз Конституция қабылданды.

-  1997 жыл 20 қазан Ақмола қаласы Қазақстан Республикасының астанасы болып жарияланды.

  

  

 

 

ІІІ- топ: Сөздерден  мәтін  құрастыру.

«Қазақстан -Тәуелсіз мемлекет»

    Қазақстан -Тәуелсіз мемлекет. Қазақстанның елбасы Нұрсұлтан Әбішұлы Назарбаев.  Қазақстанның астанасы –Астана қаласы. Тәуелсіз  Қазақстан мемлекетіміздің өз туы, елтаңбасы, гимні бар. 1992 жылы       4 маусымда Қазақстанның мемлекеттік рәміздері қабылданды. Мемлекеттік рәміздерге Ту, Елтаңба және Гимн жатады. Мемлекеттік тудың авторы- суретші Шәкен Ниязбеков. Қазақстанның туы көгілдір және алтын түсті. Тудың ортасында  күн және қыран бейнеленген. Мемлекеттік Елтаңбаның авторлары- Жандарбек Мәлібеков,  Шот-Аман Уәлиханов.

ІҮ- топ: Кесте бойынша айт.

 

                                                      Қазақстан

 

          жері үлкен

                                                       Қазақстанның                   тәуелсіз

әдемі                                              елордасы                      

 

                                       Солтүстік  Қазақстан                  ғимараттар

  ескерткіштер

                                                                                                    саябақтар

   5.  Әдеби монтаж.

Мұғалімнің  сөзі:

         Тәуелсіздік күні мерекесіне арналған оқушыларымыздың дайындап әкелген әдеби монтаждарын тамашалайық!

1- оқушы:

Тәуелсіздік, тәуелсіздік - жыр әнім
Ел іргесі берік болсын - ұраным
Тәуелсіздік - өзіңді еркін сезіну.
Салт - дәстүрім қолдан түспес құралым
Тәуелсіздік!
Не деп оны түсіндік?
Тәуелсіздік – ар - ожданың кісілік
Адамға адам жолдас, бауыр, туыс боп
Ел жұртыңның алма құнын түсіріп

2- оқушы:
Тәуелсіздік – менің байтақ Отаным
Бір өзіңсің Мұхтар, Абай, Шоқаным
Тәуелсіздік – сәбилердің шаттығы
Тәуелсіздік, тәуелсіздік – жыр әнім
Көк байрағым, Елтаңба, Әнұраным
Атыңнан айналайын Тәуелсіздік
Қолда елімді қасиетті Құраным
3- оқушы:
Қазақ елі – қашаннан да жыр елі
Тарихында тұлғалар көп киелі
Қазақстан аясында бұрыннан
Бірнеше ұлт бірге өмір сүреді.
4- оқушы:

Тәуелсіздік – тірлігімнің айғағы
Татулығым – бірлігімнің айғағы
Сөгілмесе еліміздің іргесі
Әлде де бар ұрпағымның арманы.
Бейбіт өмір тілеймін мен халқыма
Туған тілім шұбарланба, жарқыра!
Тарихымда таланттылар көбейсін
Бас иемін ата - баба рухына.

5- оқушы:
Тәуелсіз ел атандық,
Биік даңқың
Бар әлемге әйгілі мәлім атың
Ата - баб қанымен келген бізге
Тәуелсіздік құт болып қонды еліме
Қорғап сені өтемін өле - өлгенше
Мақтанамын әлемге Мен азатпын.
6- оқушы:
Біз қазақпыз!
Есігі ашық төрі кең
Жылап өттік жылдар өмір өрінен
Жетер енді, желпінейік, қарайық
Мына өмірге иегердің көзімен
7- оқушы:

Қазақ бүгін тәуелсіз ел, біл мұны
Ақиқатқа айналғандай шындығы
Әрбір түні ақ тілеумен жабылып
Атар таңға айқара ашық түндігі.
8-оқушы:

Қайрат деген атым бар
Қазақ деген затым бар
Еркек тоқты құрбандық
Атам десең, атыңдар!
 9- оқушы:

Тәуелсіздік оңайлықпен келмеді,
Бізге бұны ешкім аяп бермеді.
Тәуелсіздік – Қайрат, Ләззат, Ерболдың
Тас көшеде тас - талқан боп өлгені
10- оқушы:

Кең байтақ көз жетпейтін жерім менің,

таулы орман, жасыл жайлау көлңм менің.

Бүгінде бар әлемге жетті даңқың,

Тәуелсіз Қазақстан – елім менің!

11- оқушы:

Бейбіт өмір тілеімін мен халқыма,

Туған тілім шұбарлана жарқыра.

Тарихымызда таланттылар көбейсін,

Бас иемін ата баба рухына.

12- оқушы:

Қасиетті Қазақстан мекенім,

Ақиқаттың алтын бесігі екенсің.

Елім, жерім, Отаным –бақ-дәулетім,

Болашағым, қнер- білім, өркенім.

13- оқушы:

Қазақ дейтін менің бір елім,

Жатыр алып жарты дүние әлемін,

Бұл даланы анам жаспен суарған,

Бұл далаға жылап келіп қуанған.

14- оқушы:

Қазақстан! Туды алтын дәуірің,

Алғандайсың жұлдыздардың жарығын.

Ұзақ болсын гүлденген бұл ғұмырың,

Тәуелсіздік құтты болсын айбыным!

 10.  «Галереяға  саяхат»  Тақтаға ілінген суреттерге , Қазақстанның көрікті жерлеріне  шолу жасау.

11.  «Сурет көрмесі»   Оқушылар «Тәуелсіз Қазақстан»  тақырыбына үйден сурет салып дайындап әкеледі.  Барлық оқушылар суреттерін  тақтаға іледі. Сынып оқушылары өздеріне ұнаған суретке стикер жапсырып, жеңімпазды анықтайды.  Таңдаулы 3 суретті салған оқушылар мақтау қағазымен марапатталады.

12. Кері байланыс: Сұрақ-жауап:

- Қазақстан қандай мемлекет?

- Республиканың тұңғыш Президенті кім?

   -   Әнұранның авторы кім?

- Қазақстан мемлекеттік тілі қай тіл?

- Қ.Р мемлекеттік рәміздері

- Тудың авторы кім?

- Қазақстан Республикасының  ұлттық ақшасы?

- Қазақстан Республикасының Тәуелсіздігіне биыл неше жыл толды?

    - Елтаңбаның авторы кім?

     - 16-желтоқсан қандай мейрам?

    Тақтаға 2 түрлі смайлик ілінеді. Оқушылар сабақты қорытындылай келе өздерінің алған әсерлерімен бөліседі. Сабақтың ұнаған-ұнамағанына байланысты стикерлер жапсырады.

Мұғалімнің сөзі:

           Бүгінгі мерекелік шарамызға белсене қатысып отырған оқушыларымызды, мерекеге арнайы өлең дайындап, оны мәнерлеп оқып жақсы өнер көрсеткен оқушыларымызды  мақтау қағазымен марапаттайық.

         Осымен Тәуелсіздік мерекесіне арналған «Тәуелсіздік тірегім, Қазақстан жүрегім» атты тәрбие сағатымыз аяқталды.

 Көріп тамашалағандарыңызға рахмет. Сау болыңыздар!

Хор: «Атамекен» әні