Дарынды балаларды анықтау қазіргі замануи білім берудің басты
мәселелердің бірі.
«Мен еш уақытта өз оқушыларыма еш нәрсе үйретпеймін ~ тек қана олардың
оқуы үшін жағдай жаратамын»
Альберт Эйнштейн.
Баланың жеке тұлғалық
ерекшеліктерін дамыту, оны қоғамда өмір сүруге психологиялық тұрғыдан дайындау
ол ең бірінші ұстаздың міндеті. Сондықтан дарынды,талантты балаларды
табу,оларды оқыту және тәрбиелеу қазіргі заманның дамуына қарай өте қажет, оның
себеі дарынды адам, басқаларға қарағанда біздің қоғамға көп пайдасын әкеледі.
Сонымен дарынды,талантты бала деген кім деген сұраққа жауап берсек ол еңбекке
бейім, интелектуалды сферасы басқаларға қарағанда жоғары,ойлау қабілеті
тұрақты,қызығуы мол,өз ойын еркін жеткізе алатын бала.
Осы дарындылықты арттыру
мектептің,яғни ұстаздың мақсаты- жан-жақты білімді, адамгершілігі
жоғары,қабілетті тұлға қалыптастыру және осы балалармен жүйелі жұмыс
ұйымдастыру болып табылады.
Дарынды балалар- біздің таусылмас
қазынамыз. Ондай балаларды анықтау қазіргі замануи білім берудің басты
мәселелердің бір болып тұр. Сондықтан мектеп осы өмірге қабілетті оқушы
дайындау керек.
Әр бала өздігінен дарынды
болып келеді. Сол дарындылықты анықтау әр мұғалімнің міндеті. Білім беруде
жоғары жетістіктерге қол жеткізу үшін шығармашыл ұстаз балаларға қолайлы орта
жасауға тырысады. Оның ең тиімді жолы оқуға деген мотивациясын көтеру,
кеңейтілген, тереңдетілген тапсырмаларды беру, әртүрлі олимпиада, ғылыми
жобаларға қатыстыру. Қабілетті, дарынды балалар көбінесе шапшаң, тез ойланатын,
көп көлемде білімді меңгеретін, оны ұзақ уақыт бойына ұмытпайтын болып келеді.
Түсінігі өте жоғары, сезімтал, жоспарлаған ойын, алдына қойған мақсатын қалайда
орындауға тырысатын, түйсігі ерте дамып, моральдық қасиеттерге бай, қиялы
ұшқыр, батыл әрекеті басым болып келеді.
Осыған орай мен 2013-2014 оқу жылында Көкшетау қаласында «Өрлеу»
біліктілікті арттыру ұлттық орталығы» АҚ филиалы «Ақмола облысы бойынша
педагогикалық қызметкерлердің біліктілігін арттыру институтында»үш айлық оқуды
оқып келдім. Онда барған мақсатым- жеті модуль бойынша жұмыс
істеп,білген-үйренгенімді оқушыларыма жеткізу. Заман дамыған сайын өмір талабы
да өзгереді.Оқушыға жақсы білім беру мен тәрбие беру ол ұстаздың қолында. Ал
жаңа форматты ұстаз еркін,өз күшіне сенімді, қиындықтан қорықпайтын оқушы
қалыптастыра алады.
Кембридж бағдарламасының ішінде «Дарынды
және талантты балаларды оқыту»модулі жоғарғы нәтиже береді деп ойлаймын. Ал осы
дарынды балаларды оқыту үшін мұғалім да өзін дарынды бақылаушы ретінде
көрсетуге тиіс.
А.Ахметова,
Зеленобор
мектеп-гимназиясының бастауыш сынып мұғалімі
