Инфоурок / Другое / Другие методич. материалы / Доклад "Этнокультурное образование в ОУ"

Доклад "Этнокультурное образование в ОУ"

Курсы профессиональной переподготовки
124 курса

Выдаем дипломы установленного образца

Заочное обучение - на сайте «Инфоурок»
(в дипломе форма обучения не указывается)

Начало обучения: 29 ноября
(набор групп каждую неделю)

Лицензия на образовательную деятельность
(№5201 выдана ООО «Инфоурок» 20.05.2016)


Скидка 50%

от 13 800  6 900 руб. / 300 часов

от 17 800  8 900 руб. / 600 часов

Выберите квалификацию, которая должна быть указана в Вашем дипломе:
... и ещё 87 других квалификаций, которые Вы можете получить

Получите наградные документы сразу с 38 конкурсов за один орг.взнос: Подробнее ->>

библиотека
материалов

Клементьева Зоя Викторовна - Орданьбуень Низовкань средней общеобразовательной школань тиринь келень ды литературань тонавтыця

Неень шкансто тиринь келень тонавтомась.

- Шумбратадо, вечкевикс оят! Шумбрачи весенень кить течи явить те покш

промксонть мазычинзэ ды эрявиксчинзэ!

Сюконян тенк Мордовиянь Орданьбуень эрзятнень пельде!

Мон сынь тосто, косо ламо иень перть важодсь ды эрясь Анатолий Павлович Рябов, сёрмадсть Орданьбуень эрицятнеде эсь произведенияст Андрей Дмитриевич Куторкин ды Иван Захарович Антонов, косо часть лецицят ды артист, косо сехте мазыйть тейтерь аватне ды кедьчелькев цёратне. Орданьбуе ёнксонть сехте пек арсян, содасызь ине скульпторонть С. Эрьзянь кувалма, кона чачсь Баеньбуе велес ды эсь кедьчелькень виенть канды течинь чинть самс минек эрямо таркатнес.

Паряк эрьвась эйстэденк чарькодсь, што минек тарканок сехте мазыйть, ломаненекак пек вадрят: седеймарицят, кши – сал марто инжень вастыцят.

Монь лемем – Клементьева Зоя Викторовна. Мон Орданьбуень Низовка велень средней тонавтнема кудонь тиринь келень ды литературань тонавтыця. Тонавтыцякс важодянь комсеце ие.

Течи минь весе пурнавинек тезэнь те кужонтень, штобу кортнемс тиринь келенть сюпалгадоманзо ды ванстоманзо эйстэ неень шкасто, ды седе кода вадрялгавтомс сонзэ тонавтоманть , штобу кепедемс тонавтницятнень мелест тиринь келенть парсте содамо ды чарькодеме эрявиксчинзэ.Тиринь авань келесь, кода и лия кельтне, эсензэ койсэ ловови минек Республикасо мокшэрзянь культуранть ванстыцякс.Эдь эрьва раськесь кемексты артовкс чачома мастордонзо ды кезэрень шкатнесэ саезь эрямопингедензэ, ансяк тиринь келенть лангс нежедезь, кона свал сынст туртов ульнесь питнейтеме сюпавчикс. Мордовиянь тонавтнема кудотнесэ тиринь келень тонавтнемась эрзятнень туртов течи ашти покштояк покш тевекс. Весе, чарькодьтянок, што сонстемензэ допрок а мезть кортамс келень ды культурань ванстомадонть. Секскак меельце иетнестэ минек Республикасо ютавтови покштояк покш важодема сонзэ тонавтнманзо вадрялгавтомань коряс.

Васняяк те тевесь пры тиринь келень тонавтыцятнень лангс. Иестэ малав весе сынь ютыть важодема лувонь кастомга курсат Мордовской республиканской образованиянь институтсо. Косо паро мельсэ тонавтыть эйсэст тиринь келень кафедрань методистнэ: Кемайкина Татьяна Алексеевна, Кочеваткина Ольга Викторовна. Кодамо шкасто иля пшкадть неть ломантненень, сынь свал муить шка ды мейсэ лездамс тонавтыцятненень. Истя жо теке институтсонть вадря ютамс курсат, конатнесэ тонавтыть важодеме интерактивной доска мартояк.

Течи тезэнь промсть ламо тиринь келень тонавтыцят, конатне содыть седе, што минек кедькоморсонок аштить од ломанень ойметь, прок вишка цецинеть, конатне седе тов панжовить ды мазылгавтсызь эрямонть, кармить максомо лиянень од эрямонь увт. Ансяк кода теемс истя, штобу неть оймень цецятне улевельть седеяк мазыйть ды эрявикст, пештязь од эрямонь арсемасо ды икелепельксэв ваномасо. Штобу весе тень совавтомс эрямос, эряви васняяк содамс келеть, эсь раськеть эрямопингень ундоксонзо.

Кодат течи минек тонавтницянок?.. Лангс ванномс сынь пейдить, арсить, важодить, кеняргалить, киштить ды морыть, артыть, ловныть. Теде башка сынь пек рана кармить гайневтнеме телефонсо, ванномо телевизорт, покштнедеяк парсте маштыть важодеме компьютерсэ. Те весе од шканть вешемат. Минь сынтемест ковгак…Неень шкась совавты эрьва кодат полавкст, кармавты эйсэнек топавтомо од мелявкстнэсэ ды тонавтомань коряс вадрялгавтоматнесэ. Ды теемс эряви тень шкань апак таргсе.

Бути седе икелень шкатнестэ араселть пек ламо эрявикс кедьёнкст. Неень шкасто сындест улить сатышкат. Ансяк эряви маштомс весементь тевс нолдамо, кода веши пельденек неень шкань урокось. Те ули виде, ансяк а эряви стувтнемс седе, што уроконть мезеяк лия истя пек а полавтсазо, кода тонавтыцянть ды тонавтницятнень эрзякс кортамось.

Ёвтнян тенк седе, кода моли тиринь келень тонавтнема вадрялгавтоматнень тевс нолдамось минек тонавтнема кудосо. Минек тонавтнема кудонтень кемкавтово иеть, кода сон панжозь. Тонавтыцятнеде кевейксэе. Минек школанть эсензэ коензэ - кирданзо. Тесэ гайги эрзянь келесь. Эйкаштнэде весемезэ кавксонькемень. И кудосо, и школасо кортыть эрзянь кельсэ. Ловови базовой тонавтнема кудокс. Неень шкасто минек школав усксить ламо тонавтницят шабра велетнестэ: Куцянвелестэ, Чукалсто, Мурзасто, Жарёнкасто. Улить ютксост ламо рузонь эйкакшт. Ансяк минек тонавтнема кудось ловови эрзянь тонавтнема кудокс, секскак рузонь эйкакштнэненьгак эряви тонавтнемс тиринь кель. Тетятне – аватне овсе тень лангс а ваныть, паро мельсэ ильтить эсь эйкакшост минек тонавтнема кудов. Ды мейле, кудораськень пес тонавтыть эйсэст кортамо эрзякс.

Содазь, келентень ды койтненень – кирдатненень вечкемась ушодови вишкапингстэ. Секскак тиринь келень тонавтнемась ушодови «Горниповне» эйдень кужостонь, козонь неень шкасто якить комсь колмо эйкакшт. Эйстэдест вейксэтне рузонь эйкакшт. Тонавтомась моли «Валдоня» программанть коряс. Эрьва чи ютавтовить комсь минутасто аштиця тевдеемакат.Течи артыть, ванды киштить – морыть, лия чистэ ловныть эрзякс ды тонавтнить стихотвореният.Ютавтовить пек ламо покшчитькак. Те эйдень кужось ашти ве таркасо школанть марто, секскак кой - кона эргелематне ютавтовить ве мельс прамосо – вейсэ. Эйдень кужось ашти наряжазь эсь раськень артцсо. Уш вишкапингстэ саезь эйкашось неи эсь раськень оршамкань мазычинтькак. Эйдень кужосонтень тетятне – аватне эсь ярмакто ставтсть эрзянь оршамкат эйдест туртов, конатнесэ свал оршнить покшчитнестэ. Ули теезь книгань невтевкс, косо путозь эрзянь книгат. Ашти путозь вишка музей: ташто кедьёнкст, кринкат, карть, чакшт, ленгень кептерть. Стенасо теезь стенд Мордовиянь флагось, гербесь ды гимнась. Теде башка улить эрзянь оршамкасо наряжазь някат. Эйкакштнэ те весементь неить, токшить кедьсэ, бажить нейке уш содамс: мекс истямо кринкась, мезестэ кодазь кептересь, содасызь эрзянь тейтерьавань оршамкатнень лемест.

Седе тов тиринь келень тонавтнемась поладови ушодксонь класстнэсэ. Тосо тонавтомась моли весе эрзянь кельсэ. Тонавтыть кавто тонавтыцят: Прыткова Нина Николаевна ды Жочкина Надежда Сергеевна.Эсь уроктнестэ сынь свал бажить тевс нолдамо раськень культурань пелькстнэнь.Васенце классо тонавтомась моли «Эрзянь букваренть» коряс, сермадыцятне Н.А. Буянова ды И.И. Кочанова,тонавтнемась явозь кавтов - 2 част сёрмадома, 2 част ловнома; 2 классос те иестэнть састь од тонавтома учебникть, сёрмадыцятне Н.А. Буянова ды И.И. Кочанова, О.В. Шаляева, частнэ явовитькак аламодо лиякс всенце классонть коряс: сермадомась – 3 част, ловномась – 2 част. 3 классо тонавтомась моли «Тиринь кель» учебникенть коряс, сёрмадыцязо Н.А. Кипайкина, частнэ явозь истя жо, кода и 2 классо; 4 классо учебникесь «Эрзянь кель», сёрмадыцясь Н.А. Кипайкина, частнэ явовить истя жо, кода и 3 классо. Программат неть учебниктнень арасть, секскак минек тонавтыцятне сынст теить Л.П. Водясовань «Литературное чтение на эрзянском языке» программанть лангс нежедезь. Неть тонавтыцятненеь пры сехте стака тевесь – тонавтомс савкс рузонь эйкакштнень эрзянь кельсэ кортамо. Сень кис, што тонавтомась весе предметнэнь коряс юты эрзянь кельсэ.

Седе покш ды куншка класстнэсэ тиринь келенть тонавтан мон. Кода ютыть уроконок неть класстнэсэ. Васняяк покш лезкс максыть тенек тиринь келень ды литературань учебниктне, конатнень кемекстынзе ды нолдынзе тенек минек Республикань образованиянь министерствась. Ветеце классто саезь 11- цес тиринь келесь ветяви кода предмет. Эйстэдест 5 классо – 9 класстнэс тиринь келентень явовить 2 част, литературантень истя жо 2 част.10 -11 –це классо частнэнь явомась аламодо полавтови, тиринь келень тонавтнемас кадови 1 час, тиринь литературань тонавтнемас максовить 2 част. Те иестэнть тенек састь од учебникть: «Тиринь литература» 5-це классонь ды «Тиринь кель» 10 -11-це. Тень кувалма кирдтяно покш мельспаро,што а стувтыть мелявксонок .

Пек паро лездыцякс лован эсь важодемасон «Чилисема» ды «Сятко» журналтнэнь. Эйсэст свал ули мезеяк од, кона лезды уроконь арсемга.Тиринь литературань урокс эйкакштне те иестэнть тейсть презентацият «Сятко» журналонть ланга. Эрьва уроксто бажан сенень, штобу ютазь шканть сюлмамс неенсенть марто. Ансяк сестэ эйкакштнэ кармить вечкеме эсест келест ды раськест. Совавтано уроктнес эсь веледе содамкат. Анокстатано артовкс марто покш альбом «Тиринь велень таркатне ды кезэрень лемтне»

Кода арсемс ды ютавтомс уроконть истя, штобу эйкакштнэнь оймес каямс тиринь келень вечкемань сяткине. Эряви, васняяк весе ойметь путомс те тевентень.

Ламо иень перть тиринь келень тонавтомань коряс минек тонавтнема кудос сакшность ламо инжеть. Ютавтозельть ламо панжадо урокт, кода всероссийскойть ды эрьва кодамо раськеютконь, истя жо республикань ды эсенек буень. Ветязельть ламо покшчить финнэнь – угрань инжетнень марто. Неезденть сынь пек дивсесть, сехте пек покш кенярдомаст ульнесь сеньсэ, што минек тонавтнема кудонь тевтне ды келень тонавтомась ладязь неень шкань вешематнень лувсо.Секскак, паряк сёрмадокшность эйстэденек ламо газетатнесэ ды эрзянь «Чилисема» журналсонть, невтнесть телевизорсо.

Кода мон кортынь теде икеле – неень шкась – те компьютерэнь пинге. Шкась свал путы эсензэ тешксэнзэ весементь лангс. Вакска а юты тонавтнема кудотнесэяк. Аволь пек умок появасть интерактивной доскатне. Васенцеде одось каяви сельмс ды ризнэвти седей: карман маштомо ли? тонадан ли тенес? А ней экакштне марто важодтяно мартост апак пеле. Вельть вечкевсь мартост уроконь перть ютавтовиця тевдеематне ды кенеряткак тееме мартост ламо. Кие важоди неть вадрялгавтома кедьёнкстнэ марто, нама, чарькодьсынк сынст лезэвчист. А мартост сень, што ташто коень порось ды тонавтома лазось туи – айги эйстэденек ве ёнов. Ды, те ули истя.

Штобу неть весе вадрялгавтоматнень совавтомс тиринь келень тонавтомсто, эряви васняяк эстензэ тонавтыцянтень улемс кедьчелькев, шкинемань ломанекс. Ансяк истямо тонавтыцянь уроксо эйкакштненень мельс а сы шкань ловномась – окойники, зярдо прядови урокось. А, мекевланк, те тонавтыцянть урокозо теке а прядовиця моро, конань вейсэ морыть тонавтыцянзо марто эйкакштнэ.

Эсень урокс свал сайнян исследованияь приёмт, исследованиянь нурька ёвтнемат. Те тевесь пек вечкеви тонавтницятненень. Паро мельсэ сынь чиить кевкстнеме сыре сырькаест ды покштяст кезэрень шкатнеде. Кадык тонавтницясь эзизе сермадт максозь тевенть книгасто, но бути теизе те тевенть: якась ды сыре покштянзо кедьстэ кевкстнесь «Мекс те ульцянть лемезэ Одыре или Алопе»? А мейле сёрмадызе конев лангс ды кандызе школав, кабу те аволь тев. Эдь эйкакшось бажась содамо эсь раськень ундокстнэде, эсь веледе. Зярдо мон максан истят тевть, свал кармавтан совавтомс ютазь темасто эрявикс путомкат: вейкеть пелькстнэнь невтемс, переходной ды аволь переходной глаголтнэь ды ламо лият. Эйкакшонтень теемс истямо тевенть мельспаро, секскак штобу улемс вадря тонавтницятнень ютксо, бажи теемс весементь, кода кармавтсак сонзэ.

Иестэ ютавтовить школасонок Тиринь келень чи, косо эйкакштне киштить, морыть эрзякс, ловныть стихотвореният. Сехте покш кенярксонок сеньсэ, што рузонь тонавтницятне истя жо эрзянь эйкакштнень марто морыть эрзякс, тонавтнить стихть, бажить пелькстамс эрьва кодат тевдеематнесэ. Ули фольклоронь эйкакшонь кужо «Сиянь вайгельть». Эрзянь оршамкатнень тонавтнема кудонтень ставтызь сынсь тетятне – аватне. Весемесь мезе ютавтови кепеди мель, кенярдовты весень.

Республикань ковонь ютавтома шкасто эйзюрговонь ковсто свал тонавтницянок якить научно-практической конференцияв «Живая культура: традиции и современность». Казневтеме тосто а сакшнотано. Ульнесть васенце тарканокак. Иестэ, истя жо, эйкакшонок пелькстыть регионютконь олимпиадатнесэ тиринь келень ды литературань коряс. Те иестэнть тиринь литературань коряс саинек кавто васенце таркат. Тиринь келень коряс арынек колмоце таркав. Те кизэстэнть вейке изниця тонавтницясь кучозель оймсеме Этнокужонтень, косо весемесь пек тензэ тусь мельс. Самодо мельга ёвтнесь ялганзо туртов сень, мезе тосо несь ды мезесь тонадсь.

Тонавтнема кудосо свал бажатано ветямо уроктнень музейсэ. Тосо эйкакштне неить кезэрень шкань оршамкат, кедьёнкст ды ламо мезе лия.

Сёксень, телень, тундонь оймсема шкатнестэ тонавтницятне сакшныть ладязь чистэ тонавтнема кудов, косо мартост ютавтыть эрьва кодат налксемат. Мон монсь ютавтынь налксема «Этнокультурной соцветия», кона теезь интерактивной доскань лезкс вельде.

Тонавтнема кудосонок пек парсте совавтозь раськень культурань кепедемань ды ванстомань тевтне, секскак эрьва тонавтыцясь бажи совавтомс урокозонзо этнокультурань пелькст. Да неень шкасто малав аволь ансяк тонавтомсто, но и трямонь – кастомань тевсэяк те зани васенце тарка.

Эрьва ломанесь чачи модамасторонть лангс эсензэ эрявиксчинзэ вельде, мон, арсян, уцяскав ломанян, што муия эсь прям тонавтыцянь важодемасо.Кирдян каштанчи тень кувалма, што уш комсь иеть аштян сюлмиця човалякс эсь раськень эрямопингесэ, косо сыретнень кедьстэ одтнэнень максови ванстомс ды пачтямс лиятненень кель - валонь сёлмов тиринь келень сюпавчись. Кода тиринь келень тонавтыця, мон свал карман кемеме тенень, што тиринь келенек карми эрямо кувать! Бути минь минсь карматано ванстомо ды сюпалгавтомо эйсэнзэ неень шкань вадрялгавтоматнесэ ды а стувтнеме кезэрень авань келенек, конась те шкас эри минек Республиканок велетнесэ, сон ули эрикс. Карми эрямо корьмай келенек – седе тов карми раштамо мокшэрзянь раськенек!

Весенень сюкпря кунсоломан кисэ!



Самые низкие цены на курсы переподготовки

Специально для учителей, воспитателей и других работников системы образования действуют 50% скидки при обучении на курсах профессиональной переподготовки.

После окончания обучения выдаётся диплом о профессиональной переподготовке установленного образца с присвоением квалификации (признаётся при прохождении аттестации по всей России).

Обучение проходит заочно прямо на сайте проекта "Инфоурок", но в дипломе форма обучения не указывается.

Начало обучения ближайшей группы: 29 ноября. Оплата возможна в беспроцентную рассрочку (10% в начале обучения и 90% в конце обучения)!

Подайте заявку на интересующий Вас курс сейчас: https://infourok.ru


Общая информация

Номер материала: ДВ-123355
Курсы профессиональной переподготовки
124 курса

Выдаем дипломы установленного образца

Заочное обучение - на сайте «Инфоурок»
(в дипломе форма обучения не указывается)

Начало обучения: 29 ноября
(набор групп каждую неделю)

Лицензия на образовательную деятельность
(№5201 выдана ООО «Инфоурок» 20.05.2016)


Скидка 50%

от 13 800  6 900 руб. / 300 часов

от 17 800  8 900 руб. / 600 часов

Выберите квалификацию, которая должна быть указана в Вашем дипломе:
... и ещё 87 других квалификаций, которые Вы можете получить

Похожие материалы

Получите наградные документы сразу с 38 конкурсов за один орг.взнос: Подробнее ->>