Экологиядан ұйымдастырылған оқу қызметі. Тақырыбы: "Жабайы аңдар"

Ортаңғы тобындағы  ұйымдастырылған  оқу  қызметінің

технологиялық  картасы

Білім беру саласы: «Таным»

Бөлімі:  Экология негіздері

Тақырыбы: «Жабайы аңдар» _

Мақсаты:  жабайы аңдар  туралы білімдерін кеңейту.

Міндеттері:

Білімділік: жабайы аңдардың мекені, қоректенуі, неліктен жабайы деп аталатынын түсіндіру, ойларын толық жеткізе білуге үйрету.

Дамытушылық: ойлау, есте сақтау қабілеттерін, тілін  дамыту.

Тәрбиелік: жануарлар әлемінің өзіндік ерекшелігі мен оның тіршілік ету ортасының байланысы туралы түсінік бере отырып тәрбиелеу.

Керекті құралдар: жабайы жануарлардың суреттері, Қызыл Телпектің және жабайы жануарлардың  қағаздан жасалған бейнелері, ағаштар, таратпалы материалдар.

Сөздік жұмыс: жабайы жануар, қасқыр, аю, түлкі, қоян.

Қостілдік компонент: жабайы жануарлар-дикие животные, қасқыр-волк, аю-медведь, түлкі-лиса, қоян-заяц.

Іс-әрекет кезеңдері	Тәрбиешінің әрекеті	Балалардың әрекеті
Мотиватциялық-қозғаушылық	Шаттық шеңбері: Қуан, шаттан, алақай, Қуанатын күн келді. Қайырлы таң! Қайырлы таң! Күліп шықты күн бүгін! Есік қағылады. Қызыл Телпектің қонаққа келгенін хабарлайды. Қызыл Телпек апасына бара жатып орманда адасып кетіпті, сендерден көмек сұрап келіпті. -          Көмектесеміз бе?	Үстелді  жағалай отырады. Бір-біріне жылы лебіздерін білдіреді. Амандасады,  қуанады. Қуана көмектесетіндерін айтады.
Ұйымдастыру– іздестіру	Әңгімелесу Сұрақтар қояды: -  Сендер қандай жабайы аңдарды білесіңдер? -  Осы аңдар қай ертегілерде кездеседі? -  Олар қайда мекендейді? Қызыл Телпек ормандағы аңдардан қорқады екен. Ендеше бізде Қызыл Телпекпен саяхатқа шығайық. Алдымыздан қоян шықты. - Қоян қандай? Қоян:  Егер менің жұмбақтарымды дұрыс шешсеңдер, жол сілтеп жіберемін. 1. Жазда қыдырады,     Қыста тынығады. 2. Сыбдыр шықса қашады,     Қырдан, бір – ақ асады. 3. Өзі айлакер, өзі қу,     Жүрген жері айқай – шу. 4. Итке ұқсас пішіні,     Ұнатпайды кісіні. Қоян рахметін айтып, жол сілтеп жібереді. Енді түлкі шығады. -  Түлкі қандай? Түлкі: Егер менің тапсырмамды орындамасаңдар, сендерді адастырып жіберемін. Дидактикалық ойын: «Қай аңның үйі?» Әр үйден аңдардың құйрығы, құлағы немесе аяғы шығып турады, соған қарап қай аңның үйі екенін табу керек. Сөздік жұмыс: жабайы аңдар, қасқыр, аю, түлкі, қоян. Қостілдік компонент: жабайы аңдар-дикие животные, қасқыр-волк, аю-медведь, түлкі-лиса, қоян-заяц. Сергіту сәті: Қай аңды көрсетсе, сол аңның қимылын көрсетіп, музыка әуенімен билеуді ұсынады. Алдарынан қасқыр шығады. Қасқыр: Маған аңдар туралы өлеңдер айтып берсеңдер, жолдан өткіземін. Қасқыр риза болып жолдан өткізіп жібереді. Енді алдарынан аю шығады. Аю: Егер менің тапсырмамды орындасаңдар, сендерге мен де көмектесемін. Дидактикалық ойын: «Орнын тап» Жабайы аңдарды бір жаққа, үй жануарларын бір жаққа орналастыруларын ұсынады. Аю риза болып жол сілтеп жібереді. Барлық кедергілерден аман – есен өткен Қызыл Телпек апасының үйіне де жетеді.  Балаларға рахмет айтып қоштасады.	Сұрақтарға жауап береді: - Аю, қоян, түлкі, қасқыр. -  «Бауырсақ», «Үйшік». -  Орманда мекендейді. Мұқият тыңдайды, келіседі. - Қоян кішкентай, құлағы ұзын, қорқақ, секіріп жүреді. -Аю. - Қоян.  - Түлкі.  - Қасқыр. -Түлкі қу, құйрығы ұзын, түсі тоқсары, бұраңдап жүреді. Әр аңның белгілеріне қарай,  қай үйде тұратындарын айтып, қасына сол аңды орналастырады. Сөздерді қайталап айтады. Сөздерді орыс, қазақ тілдерінде қайталап айтады. Музыка әуенімен аңдардың қимылын көрсетіп билейді. Өлеңдер айтады: 1. Ақ қоян – ау, ақ қоян, Үркек қоян, сақ қоян. Қаша берсең тасаға, «Қорқағым» – деп ат қоям. 2. Тәтті көрсе бассалар, Айнымайды баладан, Үп – үлкен боп жасқанар. Кіп – кішкене арадан. 3. Қырда жүрер ол жортып, Іні де жоқ, бармайтып. Құйрығымен бұлаңдап, Түлкі ғой бәрін алдайтын. Жабайы аңдарды орманға, үй жануарларын қоршауға орналастырады. Қызыл телпекпен қоштасады.
Рефлексивті – түзетушілік	Қорытынды Сұрақтар қояды:  -  Бүгінгі саяхат сендерге ұнады ма? -  Орманда қандай аңдар кездесті? -  Бұлар қандай аңдар? «Жүректен-жүрекке» шеңбері: Ризамыз, Табиғат-Анамыз, Өзіңнен денсаулық аламыз. Ризамыз, Табиғат-Анамыз, Қашанда қорғаушы панамыз!	Сұрақтарға жауап береді. - Ұнады. - Аю, түлкі, қасқыр, қоян. - Жабайы аңдар. Сөздерін шеңберде тұрып айтады.

Күтілетін нәтиже:

Білу керек: жабайы аңдарды ажырата алуын, олар жайлы жұмбақтарды, тақпақтарды.

Болу керек: жабайы аңдар туралы толық  мағлұмат.

Істей білу керек: тапсырмаларды орындай алуды, қойылған сұрақтарға жауап беруді.

Краткое описание документа:

Жабайы аңдар туралы білімдерін кеңейту. Жабайы аңдардың мекені, қоректенуі, неліктен жабайы деп аталатынын түсіндіру, ойларын толық жеткізе білуге үйрету. Ойлау, есте сақтау қабілеттерін, тілін дамыту.

Жануарлар әлемінің өзіндік ерекшелігі мен оның тіршілік ету ортасының байланысы туралы түсінік бере отырып тәрбиелеу.