Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Технология / Другие методич. материалы / Эссе на тему: "Менің педагогикалық шығармашылығым"

Эссе на тему: "Менің педагогикалық шығармашылығым"

  • Технология

Поделитесь материалом с коллегами:

Ақтөбе облысы

Мұғалжар ауданы

Сағашилі ауылы

Сағашилі орта мектебі

Технология пәнінің мұғалімі

Сексенбай Даметкен

Жолымбетқызы


Менің педагогикалық шығармашылығым. (эссе)


Жай мұғалім хабарлайды,

Жақсы мұғалім түсіндіреді,

Керемет мұғалім көрсетеді.

Ұлы мұғалім шабыттандырады.

Уильям Уорд


Мектеп – бұл картада көрсетілмеген бір шағын мемлекет. Бұл мемлекетте тек ең мықты, ең табанды, ең жауапты, ең төзімді, ең шынайы, ең шыдамды, ең шыншыл, ең, ең, ең... адамдар ғана тұрақты тұрғыны бола алады. Мен де осы мемлекеттің бір тұрғыны болуды армандағанмын.

Мұғалім... . Бұл менің бала кезімдегі арманымның бірі болатын. Осы арманымның орындалғанына өте ризамын. «Ұстаз» деген атаққа толық ие болу үшін, ең алдымен ұстазды балалар мойындау керек. Балалар біздің сыншымыз, сырттай бақылаушымыз. Солардың көңілінен шығудың жолын қарай жүріп, біз осындай дәрежеге жеттік. Мен оларға осы үшін де ризамын. Балараға дұрыс жолды бағытап, дұрыс тәрбие бере отырып, өзімізді өзгертеміз. Мен олардың қателіктеріне, кемшіліктеріне шыдамдылық танытып, кешіре отырып, өзіме талап қойғыш болдым.
Мен шәкірттеріммен тығыз қарым – қатынаста байланыс жасағаннан үлкен ләззат аламын.

Өмір бір орнында тұрмайды, бәрі өзгереді, алдыға жылжиды. Мектепте артта қалар емес, ол балалармен бірге дамып, жаңарып келеді. Ал, ұстаз қанша жыл өтсе де, мәңгі ұстаз болып қала береді.

Сабаққа келгенде мен балаларға шығармашылықпен жасаған жұмыстарының, өздерінің жеке басының қайталанбас қабілеттерін анықтауға, өзін – өзі ашуға, тануға үйреткім келеді. Оқушының сабаққа деген қызығушылығын ояту үшін, олардың өз –өзіне деген сенімділігін, танымдық белсенділіктерін дамыту керек.

Оқытудың тиімді және нәтижелі болуы үшін оқушымен кері байланыста болу керек. Оқушыларды саралап, деңгейлеп оқыту барысында мектепішілік «Қолөнер» үйірмесін өткіземін. Оның мазмұны халықтың әдет – ғұрып, салт дәстүрлері мен қолөнерімен таныстырып, тереңдетіп таныстыру, оқушылардың қызығушылығын арттыру болды.

Оқуға деген мотивациясы жоғары, дарынды балалармен оқытудың тиімді әдістерін пайдалана отырып, қосымша сабақтар жүргіземін. Үнемі қолөнер көрмелеріне қатысып, шығармашылық қабілеттерін ашады

Елбасымыз: "Біз білім-ғылым саласында бәсекеге қабілетті болмасақ, өз мақсатымызға жете алмаймыз. Барлығы мектептен, ал Қазақстан үшін ауыл мектебінен басталады”, -деген болатын. XXI ғасыр ұлттық бәсеке, ақпараттық сайыс, инновациялық технологиялар, күрделі экономикалық реформалар сияқты көріністерімен ерекшеленеді. Сол кезеңге сай интеллектуалды, дені сау, ой-өрісі жоғары дамыған, халықаралық деңгейге сәйкес білімі бар азаматты тәрбиелеу- әр мұғалімнің міндеті.

Мұғалім – барлық білім беру жүйесінің негізі, жаны және жүрегі. Мұғалімнің негізгі басты мақсаты - рухани бай, ізденімпаз, адамгершілігі мол адамды қалыптастыру болып табылады. Қазіргі заманғы мұғалімдер ақпараттандырушы, бақылаушы, тексеруші, жазалаушы қызметін тастап, керісінше ізденуші, зерттеуші, технолог, өнертапқыш, шығармашылықпен жұмыс істейтін жаңашыл болу керек.

Жақсы қасиеттерді болашақ ұрпақтарымыздың бойынан көргіміз келсе, олардың табыстарына таңдай қаққымыз келсе, ұстаз қауымы аянбай еңбек етуіміз қажет деп ойлаймын. Мұғалімдер қоғам, қоғамдастықтар, ата-аналар мен оқушылар алдында олардың мектебі беретін білім сапасына ұжым болып жауап береді. Мен өзім жұмыс істеп жүрген мектебімді — өз үйімдей, өзім сабақ беретін оқушыларымды — өз балаларымдай, бірге қызметтес болып жүрген ұстаздарды өз туыстарымдай өте жақсы көремін десем артық айтқаным емес. Егер мамандықты қайта таңдау қажет болса, мен осы ұстаздық мамандықты ойланбастан тағы да таңдар едім.

Басқа мамандық туралы бала кезден бастап ойыма да кіріп шықпапты. Қоғам үшін өзіңді жауапты санаудан артық бақыт бола ма? Адам өмірінде мамандық таңдаудан қателеспеу керек деген сөз бар ғой, ол шындық екен. Жұмысыңды аңсап бару, қуанып қайту, өзіңнің не бітіргеніңді, енді не істейтініңді білу, бұл — мамандығын сүйген адамның ісі.

«Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім».

(Ахмет Байтұрсынов)

Краткое описание документа:

Өмірдегі көп мамандықтардың ішінде жан-жақты білімділікті, икемділікті, шеберлікті, ерекше шәкіртжандылықты, мейірімділікті қажет ететін мамандық та – ұстаздық мамандық. Олай дейтінім, мұғалім еңбегі біріншіден, адамзат қоғамы тарихында жинақталған ғылым негіздерінен білім беруге тиіс болса, екіншіден, үнемі шәкірттерімен қарым-қатынаста болып, білсем, үйренсем деген бала арманы мен оның сырлы тағдырына басшылық етуді мойнына алған маман.   Бүгінгі ұстаз шәкіртіне ғылым негіздерінен мәлімет беріп қана қоймай, оны дүниежүзілік білім, ақпарат, экономика кеңістігіне шығуға, яғни қатаң бәсеке жағдайында өмір сүруге тәрбиелеуі керек. Ол нағыз ұстаздың ғана қолынан келеді. Ұстаз атана білу, оны қадір тұту, қастерлеу, арындай таза ұстау - әр мұғалімнің борышы.

Автор
Дата добавления 10.06.2015
Раздел Технология
Подраздел Другие методич. материалы
Просмотров269
Номер материала 562674
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх