Физминутки на чувашском языке

КАНУ САМАНЧĚСЕМ

Вěҫсе килчěҫ кайăксем,

Пěчěк-пěчěк кайăксем.

Хаваслăн сикеҫҫě,

Пěрчěсем ҫиеҫҫě.

…………………………………………………

Ҫатан ҫинче шур автан

Ҫунат ҫапса авăтать.

Кикирикук! (2 хут)

Сарайěнчи сар чăххи

Шур ҫăмарта тăвасшăн.

Кăт-кăт-кăтик! (2 хут)

…………………………………………………

Шур акăшсем вěҫеҫҫě,

Тинěс хěррине лараҫҫě,

Кăштах канса илеҫҫě,

Унтан малалла вěҫеҫҫě.

……………………………………………….

Пěрре, иккě, виҫҫě, тăваттă –

Пěве кантарса илер.

Пиллěк, улттă, ҫиччě, саккăр –

Кайăксем пулса вěҫер.

………………………………………………

-Кайăксем илемлě вěҫеҫҫě,

Пире канса илме чěнеҫҫě.

Кайăксем вěҫеҫҫě, ак ҫапла,

Кайăксем ҫиеҫҫě, ак ҫапла,

Кайăксем сикеҫҫě, ак ҫапла,

Кайăксем юрлаҫҫě, ак ҫапла.

……………………………………………….

Пěчěк кайăк ушкăнě

Вěҫме хатěрленнě.

Ҫунаттисемпе сулса

Пěлěте ҫěкленнě.

Вěҫнě, вěҫнě ывăннă

Хырăмě те выҫма тытăннă.

Хăвăртрах киле таврăннă,

Уншăн питě савăннă.

…………………………………………………………………………

Кайăкăн пур ик çунат,

Пĕчĕк пулин те пур хăват.

Ҫирĕп сăмса, икĕ куç,

Пĕчĕк пулин те ăслă пуç.

Кĕлетки витĕннĕ тĕкпе,

Тĕк парать çăмăллăх вĕçме.

Икĕ ура, виçĕ чĕрне

Турат çинче ларма меллĕ.

Ырми-канми вĕçет-ĕçлет

Юрри чуна канлĕх кӱрет.