Хореографиядан ойын түріндегі жаттығулар "Көңілді отарба"

Тақырыбы: Көңілді пойыз (ойын түріндегі жаттығулардың жиынтығы)

Ересек топ. 4-5 жас

Мақсаты:  Ойын түріндегі жаттығулар жасату арқылы, балаларды ырғақты түсінуге, кейіпкерге айналуды, рөлдерді сомдауды үйрету.Әуенге қосылып сергіту қимыл жаттығуларын жасаумен қоса би билеуге деген ынталарын ояту.

     Жаттығудың дайындық бөлімі:

     Балалар залға кіреді, сапқа тұрады, сәлемдесі қимылын жасайды.

-         Ал балалар біз бүгін көңілді пойызбен үлкен саяхатқа шығатын боламыз.

Пойыз жолға шығып аялдамада тұрған балаларды мінгізіп алып шуылдап жүре береді. (Балалар бір қатарда тұрады, пойыз  шеңбер айналып келіп бір баланы сонан соң тағы айналып келіп екінші баланы осылай біртіндеп аялдамадағы барлық балаларды мінгізіп шығады.)

-         Пойыз қатты жүргенде теңселеді. (балалар барлығы бірдей теңселу қимылын

жасап жүреді)

Жаттығудың негізі бөлімі:

1.     Ал, балалар біз «Спорт» аялдамасына келдік. Пойызда отырып шаршадық. Пойыздан түсіп сергіту жаттығуларын жасап алайық:

1.     Марштық жүріспен жүру, адымдап жүру, аяқ ұшымен, өкшемен жүру.

2.     Қолды белге қойып басты оңға, солға бұрып demi – plie жасау.

3.     Иықты жоғары, төмен көтеріп түсіру.

4.     «Күн» - дене, қол буындарын босаңсыту жаттығуы.

5.     Аяқты қосып жоғары секіру.

6.     Тізені жоғары көтеріп марштық жүру.

- Балалар пойыздың дыбысын естідіңдерме? Ендеше отарбаға өз орындарымызға мінеміз. Баріміз отырдықпа? Ал, кеттік. (Дайындық бөліміндегі жаттығуларды қайталаймыз)

- Пойызымыз «Ойыншықтар дүкені» аялдамасына келіп тоқтады. Дүкендегі ойыншықтарды қимылмен көрсетеміз.

1.     Қуыршақ қимылы

2.     Машина қимылы

3.     Маймыл қимылы

4.     Аю қимылы

5.     Тік ұшақ қимылы. 

- Ал , балалар біз дүкендегі ойыншықтарды тамашалап болғанша пойызымыз май құйып жүруге дайын тұр екен. Олай болса орындарымызға отырамыз. (Дайындық бөліміндегі жаттығуларды қайталаймыз)

- Енді біз «Ойын» аялдамасына келіп тоқтаймыз. Мұнда қандай қызық бар екен?

«Ойын» аялдамасы деп аты айтып тұрғандай мұнда көңілді ойындар өтетін сияқтығой. Ендеше балалар біз барлығымыз «Маймылдар» биін билеп, өзіміздің көңілді балалар екенімізді көрсетейік. (Көңілді әуен қойылады, мұғаліммен бірге балалар биді қайталайды)

Жаттығудың қорытынды бөлімі.

- Енді балалар «Ойын» аялдамасымен де қоштасамыз да үйімізге қарай қайтамыз. Осымен біздің саяхатымыз аяқталды. Бізге қоштасатын сәт келді.

(Бірнеше жеңіл сергіту қимылдарын жасап аяқтаймыз) Қоштасу.

Көңілді пойыз

(ойын түріндегі жаттығулардың жиынтығы)

Хореограф: Нуршаева Перизат Маратқызы

Приозерск қ