Қыз - өмірдің қызғалдағы.

Бекі бастауыш мектеп ММ

                   Орындаған: А.Бердібекова

2018 жыл

Қыз – өмірдің қызғалдағы.

Мақсаты: Анаға деген сүйіспеншілікті арыттыру. Оқушылардың бойында ізгілік, инабаттылық, биязылық сияқты қазақ қызына тән жақсы қасиеттерді қалыптастыру. Қазақ қыздары мен жігіттерінің ұлттық киімімен таныстыру.

Көрнекілігі: Зал мерекеге сай әсем безендірілген. Нақыл сөздер, гүлдер, шар.

Қыз өссе – елдің көркі,

Гүл өссе – жердің көркі.

Қыз – өмірдің гүлі.

Қыз – ауылдың көркі

Жігіт – ауылдың серісі.

Мұғалім.

Құрметті асыл аналар,

Қадірлі ұстаздар, оқушылар!

Көгімізде көктем шуағы төгілгенде мейірім мен әсемдік сыйлайтын аналар мерекесі. Ендеше ақ жаулықты асыл аналар бүгінгі төл мерекелеріңіз құтты болсын! Баршаңды көктемнің алғашқы мерекесімен құттықтаймын. Көктемнің шуақты күндерімен сабақтаса келетін бұл мейрамды тойламайтын халық жоқ. Бәрімізде де ананың ақ сүтінен нәр алып, өсіп – өніп келеміз. Күллі дүние абзал да, асыл жандардың алдында бас иеді. Ол «Ана» Үш – ақ әріптен құралған «Ана» сөзінің астарында үлкен мән – мағына жатқанын кез-келген саналы азаматтың ұғынары сөзсіз. Тіршіліктің қайнар көзі, мейірімнің кәусар бұлағы – «Ана» есімінен артық қасиетті, киелі ештеңе жоқ. Әлемге әйгілі ақын – жазушылар мен ғұламалардың Ана жайлы тебіреніп, жазып қалдырған асыл сөздері қаншама. Баласының ақылды, саналы, әдепті болып өсуін кез – келген ана қалайды. «Ананың алдында асқар тау да аласа» деген халық сөзі бекер айтылмаса керек.

Біз ғана емес,

Қадір тұтқан бабалар.

Аналардың туған небір даналар.

Ана деген тіршіліктің тірегі

Армысыздар қасиетті аналар!

Қадірлі аналар бүгінгі «Қыз – өмірдің қызғалдағы» атты сайысымызға хош келдіңіздер. Бүгінгі сайысқа қатысушы аруларымызды қол соғып қошеметтеп қарсы алайық!

Әділдікпен баға берер аруға,

Әділдікпен қара қылды жаруға.

Әділқазы алқаларын сайлайық.

Нақ аруды таңдап бүгін алуға – деп сайысымызды бастамас бұрын, бүгінгі сайысымызды саралап, таразылап, бүлдіршіндердің өнерін тамашалап, әділ бағасын беретін әділқазылар алқасын сайлап алайық.

Сайыс шартымен таныстыру.

1.Таныстыру

2. «Сыр сандық сұрақтары» (сұраққа жауап)

3.Қол өнері (ою-ойып көрсету)

4.Сән думан (ұлттық – киім үлгісін көрсету)

5. Салт – дәстүр (айтыс)

6. Өнерліге өріс кең  (өз өнерін көрсету)

Ұлтымыздың салт – дәстүрін қадірлейік, тәрбие мен білімді тең игерген болашағы қазақтың деп тілейік, - деп бүгінгі сайысымызды бастаймыз. Бүгінгі сайысқа мектебіміздің мақтаныштары, он саусағынан өнер тамған сері жігіттеріміз бен ару қыздарымыз қатысып отыр.

1.Таныстыру.

Текті білу ұрпаққа, біздерге сын.

Құрметтеп ата – баба, салт - дәстүрін.

Тыңдайық кезекпенен аруларды

Сызылып ортамызға келген бүгін, -

деп кезекті өзін-өзі таныстыруға береміз.

2.Сыр сандық сұрақтары.

(Салт – дәстүрге байланысты сұрақтар)

Ата салтым, асыл мұрам, ардағым,

Бабалардың жалғастырар арманын

Сан ғасырда қалпын бұзбас, қадірім

Өткенімді бүгінменен жалғадым.

3.Қол өнері (ою-ойып жапсыру)

Шеберлерім өнер тамып қолынан,

Жаңылмаған ата – баба жолынан.

Шебер қолдар өз өнерін көрсетсін,

Біз айтайық төрелігін соңынан, - деп келесі кезекті ою оюға береміз. Өресі биік, өрісі кең өнер атаулының қай саласынан болсын, қазақ халқы тек өзіне тән қайталанбас ерекшелігімен қөзге түседі. Соның бірі ою ойып жапсыру.

4. Ұлдар сайысы.

Халқымыз «жігіт сегіз қырлы, бір сырлы» болсын деген. Мұның түп – төркіні жігіт барлық жерде де әр қырымен танылып, бірақ оның сыры біреу ғана деген сөз.

Жігіттерген өсиет.

Жақсы бол, жігіт болсаң ел көргендей

Досыңа қосылғанда дем бергендей.

Пайдаңды жақсы болсаң тигіз көпке

Тұйғынға қапастағы жем бергендей.

Жігіт бол, жігіт болсаң бұлғақтамай,

Орынсыз сөз сөйлеме жын қаққандай.

Еліңе жақсы сөзді жаса әуелі

Халыққа көңіл бөліп тыңдатқандай, - деп «Ұлға отыз үйден тыйым, он үйден сын» демекші ер жігітке де айтылатын сын көп, қойылар талап жоғары. Сондықтан сері жігіттерімізді де бір сынап көрейік.

А)Мақал жалғастыру.

Шебер болсақ, тіл айып,

Шешендіктер бір ғайып,

Мақал – мәтел үйреніп

Тізімізді шыңдайық – деп кезекті мақал – мәтел сайысына берейк.

5.Сән думан (ұлттық киім үлгіле)

Сұлулық табиғаттан басталады.

Көктеммен олар бірге шаттанады

Бәйшешектей құлпырып, гүлдей жайнап

Сән думанға барлығы аттанады.

6.Салт – дәстүр. (Айтыс өнерін көрсету)

Кең өлке барма қазақ даласындай

Ал дана бар ма қазақ данасындай.

Айтыссын енді біздің нар ақындар,

Қазақтың Біржаны мен Сарасындай, - деп айтыс өнерін тамашалайық.

Мейірімділікті анадан үйрен

Әдептілікті данадан үйрен, деп ой түйген халқымыз от тілді, орақ ауызды ақындарды қастерлеп, олардың айтыстарына мән беріп, қадір тұтқан және өзінің ғасырлар бойғы рухани даналығы болып саналатын айтыс өнерін жас ұрпақты баулуға пайдаланып ұрпақтан – ұрпаққа үлгі етіп жеткізіп отырған. Халқымыздың асыл мұрасы айтыс өнері жас талғамайды.

7. Өнерліге өріс кең (өнер кезеңі)

Ал кімнің өнері бар қаншалықты

Би билеп, ал біреулер ән салыпты

Бүгінгі сайыста бәйге алуға,

Арулар аянбай – ақ жан салыпты.

Мұғалім.

Барына риза болсын көрермендер

Көрсетті өнерлерін жас өркендер

Осымен «Ару сыны» аяқталсын.

Қазылар берсін енді шын бағасын.

Жүзден жүйрік, мыңнан тұлпар демекші бүгінгі сайысымызды таразылап, әділ бағасын береді деген оймен келесі сөзді әділқазылар алқасына береміз.

Аналар, қалқып бақыт аралында,

Лайым мұң қонбасын жанарыңа

Осымен кешімізді аяқтайық.

Гүл бітсін бәріңіздің қадамыңа, дей отырып бүгінгі кешімізді аяқтаймыз. Ардақты аналар мейрамдарыңыз құтты болсын!

Краткое описание документа:

Анаға деген сүйіспеншілікті арыттыру. Оқушылардың бойында ізгілік, инабаттылық, биязылық сияқты қазақ қызына тән жақсы қасиеттерді қалыптастыру. Қазақ қыздары мен жігіттерінің ұлттық киімімен таныстыру. Құрметті асыл аналар,

Қадірлі ұстаздар, оқушылар!

Көгімізде көктем шуағы төгілгенде мейірім мен әсемдік сыйлайтын аналар мерекесі. Ендеше ақ жаулықты асыл аналар бүгінгі төл мерекелеріңіз құтты болсын! Баршаңды көктемнің алғашқы мерекесімен құттықтаймын. Көктемнің шуақты күндерімен сабақтаса келетін бұл мейрамды тойламайтын халық жоқ. Бәрімізде де ананың ақ сүтінен нәр алып, өсіп – өніп келеміз. Күллі дүние абзал да, асыл жандардың алдында бас иеді. Ол «Ана» Үш – ақ әріптен құралған «Ана» сөзінің астарында үлкен мән – мағына жатқанын кез-келген саналы азаматтың ұғынары сөзсіз. Тіршіліктің қайнар көзі, мейірімнің кәусар бұлағы – «Ана» есімінен артық қасиетті, киелі ештеңе жоқ. Әлемге әйгілі ақын – жазушылар мен ғұламалардың Ана жайлы тебіреніп, жазып қалдырған асыл сөздері қаншама. Баласының ақылды, саналы, әдепті болып өсуін кез – келген ана қалайды. «Ананың алдында асқар тау да аласа» деген халық сөзі бекер айтылмаса керек.