Маңғыстауым
– ойың терең, қырың биік
«Маңғыстау»
- бабалардың ізі қалған Ақ ордам.
Кенжебек
Сержанұлы
Туған жер...
Туған ел... Бұл екі сөзде қаншама ой, қаншама мағына жатыр. Қазақ халқының
«әрімнің туған жері – Мысыр шахары» - дегендей, адам баласы үшін туған жерінен
артық байлық жоқ шығар сірә?!Туған жер әр адамның алғаш рет дүниеге шыр етіп
келген сәтінен бастап ыстық болатын мекені, өмір бақи тұратын тұратын өлкесі. Мен
адам баласының өткені де, болашағы да осы туған жермен тікелей байланысты деп
ойлаймын. Өйткені, әр адам баласы үшін туған жер – ең қымбаттысы, ең аяулысы.
Менің дүниедегі
ең ұлы деген нәрсемен пара-пар келетін туған мекенім ол – қасиетті маңғаз дала
Маңғыстауым. Осы мекенде менің көңілді де шаттыққа толы балалық шағым өтті.
Бәрі-бәрі қазіргі сәттегідей көз алдымда. Маңғаз дала Маңғыстау деген сәтте
барлығының құлағы елең ететіні анық. Себебі бұл мекен – алты алашқа аты
танылған киелі мекен. Бұл өлке өзінің сан ғасырдан бері келе жатқан құпия
сырларымен көпті баурайды. Көне заманнан бері көрікті жерлері ел аузындағы
аңыздары, ерекшеліктері бар. Соның бірін айта кететін болсам, Қазақстанның жеті
кереметінің бірі – Бекет ата жерасты мешіті. Бұл мешіт Оғыланды шоқысына
қашалған, үш-төрт бөлмесі бар тарихи-сәулет ескерткіш. Одан кейінгі киелі
орындардың бірі – Шақпақ ата. Маңғыстаудың Жиліқұдық жеріндегі жартастан
қашалып, оюланып жасалған жерасты мешіті. Естуімше еретеде атыс-шабыс болған
сәттерде адамдар осы жерге келіп қоныстанған. Шақпақ атаны Маңғыстау тұрғындары
қадір тұтып, қастерлейді. Сонымен қатар киелі өлкем өзінің толқынды
қыраттарымен, шатқалдарымен, жыраларымен ерекшеленеді. Одан бөлек Маңғыстау
еліміздің мұнайлы аймағының бірі болып табылатынын, аймақта мұнай, газ,
марганец, фосфорит кендерінің бар екенін айта кетейін. Тағы бір айта кетерлігі,
сұлулығына көз тоймайтын Каспий теңізі орналасқан. Бұл табиғат жаратылысын
көруді қаншама жан армандайды. Оның жағалауында демалудың өзі бір жан рахатын
сыйлайды. Тербелмелі толқындары, мөлдір таза суы адамға ерекше көңіл-күй
сыйлайды. Өңірдің «362 әулие елі» деп аталу себебі: Маңғыстау аймағына Ислам
дінін әкелген сопылар Қожа Ахмет Яссауидің шәкірттері деп аталып, олардың көп
болуы.
Қорытындылай
кетсем, Маңғыстау мекенім ерекшелігімен көзге түсетін киелі мекен. Өлкедегі
таңғажайып орындардан туризмге үлкен жол ашуға болады. Ондай мүмкіндік бізде
көп. Себебі: өзге мемлекет адамдары тамсана қарайтындай табиғаты ерекше, тауы
да, тасы да әсем тамаша жерлер жетерлік. Соны әрі қарай көркейтіп, дамытатын
болсақ нұр үстіне нұр болар еді. Туған жердің тасы да болысады» демекші туған
топырақтың ауасы ем, суы бал болатындығы рас. Туған өлкеме деген ыстық сезімім
ерекше. Осы өлкемнің өркендеп, дамуына үлес қосу біздер – жастардың міндеті.
Оставьте свой комментарий
Авторизуйтесь, чтобы задавать вопросы.