Патриоттық сайыс: "Қырандай самға, ұландар алға"

Қырандай самға, ұландар алға!

Мақсаты :  Тәуелсіздіктің 25 жылдығына орай, жас жеткіншектерді елжандылыққа тәрбиелей отырып, оларға еліміздің ширек ғасырдағы жетістіктерін насихаттау, сондай-ақ жас жеткіншектерді еліміздің нағыз патриоттары, өзгерістерден қаймықпайтын, еңбекқұмар, білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеу

. Мектеп тәлімгері:  Құрметті қонақтар, ұстаздар және оқушылар барлықтарыңызды келе жатқан Ел Тәуелсіздігінің 25 жылдық мерекесімен, 1 желтоқсан Тұңғыш Президент күнімен шын жүректен құттықтаймын. Біздің мектебімізге бүгін Жүзағаш, Алтынсарин, Ақтамберді, Тұрсабек, Алтыншоқы мектептерінен келген ұстаздар мен оқушыларға қош келдіңіздер дейміз.

Гимн: «Менің Қазақстаным!»

Бүгінгі Тәуелсіздігіміздің 25 жылдығына арналған «Қырандай самға, ұландар алға!» атты мерекелік қонақжай сәлемімізді тамашалағалы тұрсыздар.
25 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш  Президентіміз Нұрсұлтан Назарбаевтай көреген саясаткердің ерен еңбегін дәл бүгін және әрқшанда айтып өтеміз.
Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өтті. Олай болса, сөз кезегін оқушыларымызға берейік.

1 оқушы: 1991 жылы 16 желтоқсанда күні көк туымыз желбіреп, тәуелсіздігін алып, иісі қазақ көз жастарын ақ орамалмен сүртіп қуанышты күнді қарсы алды. Міне содан бері 25 жыл болды яғни ширек ғасыр өтті. Тәуелсіздіктің көк туы желбіреп, қазақ халқы қырандай самғап, еркіндікте өз елін, өз жерім деп мақтанып шаттануда.

2-оқушы: Тәуелсіз қазақ елі бар. Әлемде егемен Қазақстан бар. Оның көп ұлтты тату халқы бар Қуатты экономикасы, сенімді саяси жүйесі бар. Ең бастысы – бүгіннен нұрлы, бүгіннен кемел болашағы бар. Сол күнге берік сенім бар.

3-оқушы:Елбасымыз еліміздің рухын көтеретін, ұлы мақсаттарға жеткізетін «Мәңгілік ел» ұлттық идеясын жариялады. «Қазақстан -2050» - Мәңгілік Елге бастайтын ең абыройлы, ең мәртебелі жол.

4-оқушы:

Елбасымыз – әлем мойындаған, жаһанға атағы жеткен, бүгінгі заманның көшбасшысы, тумысынан кие дарыған қайраткер, туған халқының Бәйтерегі, Көсемі, Кемеңгері. Елінің аманатын арқалаған тірегі, алтын діңгегі!

5 оқушы

Мерейім – нұрлана бер,азат Күнім,
Көрейін бақытымның азаттығын.
Тауымды тамылжытқан бостандықтан
Танылды бар әлемге қазақ бүгін.
Құттысың тәуелсіздік – киелі күн!
Құт күшім –егемендік иелігім,
Уақыттың биігінен шуақ төгіп,
Бақытым – еркіндік боп үйілер күн.

6-оқушы

Мәңгілік азат елдің Сен белгісі,
Мемлекет мерейінің сенген күші.
«Жасасын, еркін Қазақ!»-деп шаттанар,
Шалқалап сол биіктен көрген кісі.

7 Оқушы

Шарықта, шарла көкті көк Байрағым,
Арманым, Азаттығым, көпке айғағым.
Мен сенің салтанатты сағатыңа,
Өлеңмен алтын шашақ шоқ байладым.

8 оқушы

Мерейім - нұрлана бер азат Күнім!
Көрейін бақытымның азаттығын,
Таңымды тамылжытқан бостандықтан,
Танылды бар әлемге қазақ бүгін.
Кең далам, көл-дариям, сеңгір тауым,
Бабалар жеңді ерлікпен небір жауын.
Байрағым желбіреп тұр биіктерде,
Байладым тәуелсіздік - өмір бауын!

9- оқушы

Біз қазақ ежелден ел едік жаны бай,

Өр мінез, ақ көңіл, мейірбан, қонақ жай.

Даналық дарыған, ақын ел, батыр ел,

Бабалар мекені асқар тау, шалқар көл.

10-оқушы

Ақ бесік, ақ отау мәңгілік,

Жасай бер, жаңарып, жаңғырып.

Достық пен ынтымақ мекені,

Гүлденер халқымның ертеңі.

11-оқушы

Бармақтан күй тамған, жез таңдай әншіміз,

Ғасырдан ғасырға ұласар даңқымыз.

Әлемге әйгілеп елімнің есімін,

Айқара аштық біз азаттық есігін.

12 оқушы

Жақсылыққа құштармын,

Заңымды берік ұстандым.

Тәуелсіз тойым тойланған

Әлемге атым ұшқан күн.

Тұғырлы болып тағымыз,

Баянды болсын бағымыз.

Тәуелсіз елдің ұрпағы

Білімнің отын жағамыз.

Айтулы болып әр күнің,

Қарыштай берсін қарқының,

Сұқ көздерден сақтағай,

Тоқырап бір де тоқтамай!

Қасиетті Қазақстан мекенім,
Ақиқаттың алтын бесігі екенсің.
Елім, жерім, Отаным – бақ-дәулетім,
Болашағым, өнер-білім, өркенім.

Отаным жайна,

Болашақ алда.

 Қырандай самға,

Ұландар алға!

Ән «Алға Қазақстан!» флеш моб

Біз еңселі елдің ертеңіміз!

Иә(хормен)

Біз Елбасы мектебінің бақытты ұландарымыз!

Иә(хормен)

Біз болашағы жарқын кемел елдің жас өрендеріміз!

Иә

Қырандай самға, ұландар алға!

Бәрі, « Алға Қазақстан!» (3 рет)

Мектеп директоры:   Құттықтау сөз

Сайыстың кезеңдері:

1.     Саптық байқау

2.     Газ тұмылдырығын кию (бөлімше)

3.     Кедергілерден өту

4.     Гирь көтеру (бір адам)

5.     Жер бауырлай жүру жарысы (по пластунский, командамен)

6.     Нысана көздеу (үш адам)

7.     Арқан тартысу (командамен)

8.     Эстафета кедергілермен (командамен)

9.     Жарыстың нәтижесімен таныстыру

10. Командаларды марапаттау