10
«АК» сыныбының жетекшісі Абирова Салтанат Кабылхановна туралы
П
І К І Р
Мен оқитын сыныптың жетекшісі Салтанат Абирова
ұстазымыз парасатты, байсалды, адамгершілігі мол жан. Әр істі ыждаһаттылықпен
мұқият орындайтын жан. Заманауи өмір тұрғысынан білімді ұстаз ретінде
сыныптағы барлық оқушылар ол кісінің шеберлігін бағалайды.
Үнемі ізденіс үстінде жүретін Салтанат апайдың жүзі де
жарқын, келбеті сымбатты адам. Тазалықты жаны сүйеді. Әрбір алдындағы шәкіртінің
білім деңгейінің ғана емес тәрбиесіне де көңілді көп бөледі. Сыныптағы
оқушылардың ой-өрісінің, білімінің жоғарылауына үлкен үлесін қосып жүр.
Әрқайсымызға жекелей немесе сынып жиналысында өмір туралы, болашаққа мақсат қою
және қиындыққа мойынсұнбау жайында өмірлік маңызды ақыл-кеңесін айтады.
Ұстазымыз Отанымызды, ата-ананы, ұстаздарды,
тәрбиешілерімізді, жаттықтырушыны, тіпті бөтен адамдарды сыйлауды,
құрбы-құрдасымызға жақсылық жасауға дайын тұруды, қолдан келсе, көмек жасауды
үнемі айтады. Өсек айтпауды, орнымен мақтануды, ретімен әзілдеуді, жалпы
қыз-жігіттің өзін қалай ұстау керектігін де үйретеді. Салтанат Кабылхановна
қызықты жағдаяттарды мысалға келтіре отырып қажеттісін алуды, жағымсызынан
жиренуді үйретіп келеді. Сыныптағы барлық балалар ол кісінің ұрсып, жекігенін
өз туған аналарының ұрысқанындай қабылдайды. Бұл ұстаздың мейірбандылығы деп
танимын.
Салтанат апай бос уақытын аямай барлық білімін,
жан-дүниесін шәкіртке арнаған.
Ұстазымыз Егеменді еліміздің саналы да, сапалы білім
беретін, бала жанын әр қырынан түсінетін беделді ұстаздарының бірі деп
ойлаймын.
10
«АК» сыныбының үздік оқушысы: Айткеш Айбол
Оставьте свой комментарий
Авторизуйтесь, чтобы задавать вопросы.