План урока по теме "Скульптор Никита Санджиев. Попутное повторение "имени числительное"

Кичәлин төр : Келлһ өргҗүллһнә кичәл  “Скульптор Санҗин Никита”. Тоолгч нерн. Дассан давтлһн.

Кичәлин күцл :

Скульпторин намтрла  болн үүдәлтләнь таньлдлһн.

 “Тоолгч нерн” гидг  төр  батлҗ авлһн.

  Сурһмҗин күцл: Үгин көрң байҗлуллһн. Күүндвр тогтаҗ чадлһн.

  Балһсндан дурта болдг, алдр улс күндллһнә сурһмҗ өгллһн.

Кичәлин дөңцл: Презентац,  графсхем,  кроссворд,  карточкс.

Кичәлин йовуд.

      I.            Оргмомент : 1) Күүкдлә мендллһн.

                         2) Теңгрин бәәдл шинҗллһн.

                          а) Эндр һаза ямаран өдр?

                            ( Эндр һаза киитн, бүркг, салькта үвлин өдр. )

                          б) Ямаран җилин цаг?

                            (ода үвлин цаг)

                          в) Ямаран сар?  Ямаран то?

                            ( Туула сарин  арвн  нәәмн)

                        3) Девтрән секәд, эндрк  өдрин  тооһан бичтн.

                             ( Күүкд девтртән бичнә.)

   II.            Шин төр хаһллһн .

1.Багшин үг.

               Шидр Элст балһсн җилин өөнән темдглв.

               Кедүдгч җилин өөн темдглв?

( Элст балһсн зун тәвдгч җилин өөн  темдглв.)

Эн өөнд нерәдәд,  цуг балһсна школмудын сурһульчнр олн зүсн  һәәхүлд йовцхав, балһсар экскурсь кев.

Тадн  бас багштаһан йовсн болхит.

Мини тәвсн сурврмудт хәрү өгтн. :

 а) Ямаран бумблвс тадн үзвт, меднт?

(күүкд  бумблвс заана), (багш  темдглнә : чик, сән)

б) Кен эн бумблвс кесмн?

( күүкдин хәрү: скульптормуд)

в) Ямаран скульптормудын нерд тадн меднәт?

(күүкд келнә – Владимир Васькин,Евсеева Нина, Санҗин Никита, эс келхлә, багш эврән келнә.)

2.     Багшин үг.  Эндр бидн кичәлдән  Санҗин Никитин үүдәлтлә таньлдхувидн. Дәкәд, Тоолгч нерн – гидг төр давтхувидн.

Девтрән секәд, кичәлин төр бичж автн.( Самбрт  бичәтә.)

3. Презентацар  көдллһн. Багшин цәәлһвр үг.

а) Санҗин Никита 1924-гч җилд Бор-нур селәнд төрсмн. ( Күүкд эн зәңгиг девтртән бичҗ авна)

б) Бичкндән  эрт өнчрәд, Вознесеновск бичкдүдин герт өссмн.

в)  Дөчдгч җилмүдт дәәнд орлцад,  цуг хальмг улсла  Сиврт  туугдсн билә.

г) 1956-гч җилд Санҗин Никита Минск балһсна зурлһна институт  төгсәлә.

д) 1958-гч җиләс авн Никита Амолданович Цуг Союзин зурачнрин Ниицәнә гешүн.

е)  Энүнә кесн үүдәлтс :

   1) Нохата хөөч  “Чабан с собакой”

   2) О. И.Городовиковд

   3) А.С. Пушкинд

   4) «Танк»

  5) Мемориальн  комплекс.

4.Тоолгч нер давтлһн.  Тоолгч нерн кедү янзд хувагдна  ?

Мини келсн келврт тоолгч нерд  харҺв?

           Сигнальн карточкс ширә деертн бәәнә,

            Олзлгдсн тоолгч нерд келәд, янзинь үзүлтн.

Ямаран янзин тоолгч нерд?(дара тоолгч нерн)

Санҗин Никитин кесн кедү бумблвс тадн эндр үзвт?

Бидн тавн бумблвс  үзүвидн .

Тавн – гидг т.н ямаран янзд орна? /үндсн т.н./

С.Н кедү наста бәәсмн? Далта бәәсмн. /нас медүлгч т.н./

III. Физминутк ( под домбру)

IV. Наадн тоолгч нерәр  «Юн үлү?»

      Негн           хөртә                тавулн          хойр дөрвнә         негдгч

    Зун              тәвн нәәмдгч      миңһн            өрәл                   тәвн зурһадгч

    Арвн             арвта                  арвулн            күсдундур         дөрвн  

    Һурвулн          далта            хойрулн            хөрн тавн            хойр зун тавдгч  

V. Графсхемар  күүндвр тогталһн. (Күүкд эврән графсхем олзлад нег-негндән сурвр тәвәд,  хәрүһинь өгнә.

 

 

 

                                                          Бумблвс заатн

VI.Кичәлин ашлвр.

 1) Эндр мадн кичәлдән кенә тускар күүндүвидн?

2) Санҗин Никата гисн кемб?(скульптор)

 3) Санҗин Никита ямаран бумблвс кев?

 4) Бумблвс маднд юңгад кергтә болҗахмб?

5 Тоолгч  нердин  янз давтчкхмб

  (Мана балһсиг сәәхрүлнә, мадн эврәннь тууҗан эн бумблвар медҗ авнавидн).

VI. Г/д өглһн. Графсхем олзлад , олн – зүсн янзта тоолгч нерд орулад ,

  келвр тогтатн. Амн үгәр келтн.

VII. Темдг тәвлһн.

VIII. Рефлексия . (ширә деер смайликуд кевтнә)

Багшин үг : Таднд кичәл таасгдсн болхла , инәдтә смайлик автн.

 Эс таасгдсн болхла,һурнисн  смайлик автн.

Авсн смайликан авад самбрт хойр тал салһад өлгтн.